logo

иҷтимоиёт

СИЛ. ПИНҲОН ДОШТАНИ БЕМОРӢ ХУД ДАРДЕСТ, КИ ДАВО МЕХОҲАД

Аксарият бар онанд, ки бемории сил ирсӣ буда, аз насл ба насл мегузарад, вале инро худи силшиносон комилан нодуруст шуморида, чунин бардоштро ба сатҳи пасти маълумотнокӣ оид ба ин беморӣ рабт медиҳанд ва таъкид мекунанд, ки бояд бо роҳҳои фаҳмондадиҳӣ назари мардумро дар ин бора тағйир дод.
Қурбонгул Зокирова, мутахассиси силшинос, зимни суҳбат дар ин бора зикр намуд, ки соли 2000-ум 18 дарсад ва соли 2012 бошад, дар натиҷаи фаҳмондадиҳӣ ва ба роҳ мондани робита миёни мардуму кормандони тиб аллакай 68 дарсади аҳолӣ аз бемории сил ва пешгирии он огоҳӣ пайдо карданд. Алҳол сатҳи гирифторшавӣ ба бемории сил як андоза коҳиш ёфтааст, вале бо вуҷуди ин то ҳол масъалаи бо табобат фаро гирифтани нафарони сироятёфта беҳбудӣ мехоҳад. Ӯ ба норасоии мутахассисони соҳа дахл намуда, афзуд, ки соли 2000 ҳамагӣ 92 мутахассиси бемории сил мавҷуд буд ва айни ҳол ин шумора ба 360 расидааст. Ин барои ҷумҳурӣ нокифоя аст ва ба хотири рафъи ин мушкилӣ дар кишвар бояд зиёда аз 600 мутахассис фаъолият намояд.
Ба гуфтаи Қадриддин Пиров, сардори Маркази ҷумҳуриявии ҳимояи аҳолӣ аз бемории сил, ҳарчанд бемории сил гузаранда бошад ҳам, он ирсӣ нест. Шахси солим метавонад бо ду роҳ сироят ёбад: бо роҳи нафасӣ (сулфа ва атса задани бемор, муошират, истифода аз зарфҳои шахси бемор) ва балғампартоии нафари сироятгашта.  
Тавре мутахассисон иброз медоранд, мушкилии ҷиддие, ки дар ин самт ҷой дорад, ин пинҳон доштани беморӣ аз ҷониби маризон мебошад. Аксарият ҳангоми зоҳир шудани нишонаҳои аввалини он (сулфаи давомнокиаш зиёда аз 2 ҳафта, нафастангӣ, хунпартоӣ, арақкунӣ, кам шудани иштиҳо, лоғаршавӣ, баландшавии тӯлонии ҳарорати бадан), бепарвоӣ зоҳир мекунанд ва бештар ба худтабобаткунӣ машғул мешаванд, ки ин оқибатҳои ногуворро ба бор меорад.
Равоншиносон бар ин назаранд, ки ҷомеа дар бораи ин гуна бемориҳо фикрҳои нодуруст доранд. Аз инсони мариз ҳазар карда, худро канор мекашанд, ки ин боиси пинҳон доштани беморӣ аз тарафи шахси ба он гирифтор мегардад. Зеро онҳо аз ифшои беморӣ дар ҳарос афтода, намехоҳанд аз наздикон ва ҷамъият дур гарданд. Дар ин ҳолат мардум бештар ба табобати халқӣ даст мезананд, ки ин на ҳамеша ба манфиати кор аст.
Шаҳром ном сокини шаҳри Душанбе, нафаре, ки аз ин беморӣ раҳо ёфтааст, дар суҳбат бо мо гуфт: “Вақте ман дар беморхона табобат мегирифтам, беморон ба умеди ҳарчи зудтар шифо ба табобати мардумӣ рӯй меоварданду бештар гӯшти гӯсфанд истеъмол мекарданд, нисбат ба табобати табибон ва доруҳо беаҳамиятӣ зоҳир менамуданд, аммо ҳамин хел шуд, ки ман аз онҳо пештар шифо ёфтам ва ба зиндагии солим баргаштам”.
Дар ин бора силшинос Қадриддин Пиров афзуд, ки гӯшти гӯсфанд танҳо барои пурқувват намудани масунияти одам хизмат мекунад: “Бинобар ғизонокии баланд доштани гӯшти гӯсфанд ва ба монанди инҳо барои сиҳатёбӣ кумак расонда метавонанд, вале дар якҷоягӣ бо истеъмоли саривақтӣ ва бетаъхири доруҳо, зеро микробактерияҳои силро танҳо доруҳои зиддисилӣ метавонанд аз организм хориҷ намоянд. Инчунин чизи дигарро бояд ба назар гирифт, ки аз истеъмоли гӯшти ҳайвоне, ки шушаш ба сил гирифтор аст, метавонад, инсон низ сироят ёбад, аммо ин ҳолат кам ба мушоҳида расида, дар Тоҷикистон бошад, то ҳол ба қайд гирифта нашудааст.
Бинобар ин, барои раҳоӣ ёфтан аз сил гирифтани табобати саривақтиву ҳамаҷониба, яъне истифодаи доруи зиддисилӣ ва истеъмоли хӯроки серғизо, ки метавонанд дар якҷоягӣ барангезандаҳои бемориро нобуд созанд, ҳатмӣ аст. Табобати сил тӯлонӣ буда, 6 то 8 моҳ ва баъзан ду солро дар бар мегирад, ки дар аксари маврид метавонад беморро хаста намуда, боиси то охир нарасондани табобат гардад, ки оқибатҳои нохушро ба миён меорад. Бо назардошти ин табибон таъкид медоранд, ки бемор бояд ҳатман зери назорати кормандони тиб қарор гирифта, қоидаҳои табобатро пурра риоя намояд.

Нигина УСМОНОВА, “Ҷумҳурият”


Баёни ақида (0)    Санаи нашр: 19.04.2016    №: 75    Мутолиа карданд: 479

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед