logo

иҷтимоиёт

БОХТАР. НИЁЗ БА КАДРҲОИ ТИББӢ МЕАФЗОЯД

Андешидани чораҳо ҷиҳати бо кадрҳои баландихтисос таъмин намудани муассисаҳои соҳаи тандурустии мамлакат яке аз нуктаҳои муҳими Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии ҷумҳурӣ мебошад.

Аз ҷумла дар Паёми имсола омадааст: «Вазъи таъминот бо кадрҳои тиббӣ, хусусан дар вилояти Хатлон, нигаронкунанда аст. Дар ин вилоят, ки аҳолиаш беш аз 3 миллион нафарро ташкил медиҳад, ба 10 ҳазор нафар аҳолӣ 11,3 нафар табиб рост меояд, ки дар муқоиса бо дигар вилояту шаҳрҳои кишварамон нишондиҳандаи хеле паст мебошад».
Бохтар яке аз калонтарин ноҳияҳои  вилояти Хатлон буда, аҳолиаш ба 220 ҳазору 930 нафар мерасад.
Бино ба иттилои Маҳмадқул Туманов, сардухтури беморхонаи марказӣ, айни ҳол 66 муассисаи тиббӣ, дар хизмати беморон қарор доранд. Дар бемористонҳо 80 нафар табиби дорои маълумоти олӣ, 640 корманди миёнаи тиббӣ ва 249 нафар корманди дигар ба беморон хизмат мерасонанд. Вале норасоии кадрҳои тахассусӣ низ дар ноҳия мушоҳида мешавад.
 - Дар маҷмӯъ 50 кадри соҳиби маълумоти олӣ, аз ҷумла духтурони силшинос, қалбшинос, чашм, гӯшу гулӯ, бинӣ, сироятшинос, табиби кӯдакони навзод, рӯҳшинос ва амсоли инҳо намерасанд, - гуфт М. Туманов.
Ба андешаи мавсуф, бо зиёд шудани аҳолӣ бояд дар соҳаи тандурустӣ низ воҳидҳои иловагии корӣ таъсис дода шаванд.
Маҳз бо назардошти чунин вазъ, Роҳбари давлат ба вазоратҳои тандурустӣ ва ҳифзи иҷтимоии аҳолӣ, маориф ва илм ва дигар сохтору мақомоти марбута супориш дод, ки барои таъсиси боз як муассисаи таҳсилоти олии касбии тиббӣ дар вилояти Хатлон ва то оғози соли нави таҳсил ба фаъолият шурӯъ кардани он чораҷӯӣ намоянд. Илова бар ин, ҷиҳати ташкили курсҳои такмили ихтисос ва бозомӯзии кадрҳои соҳаи тандурустӣ, аз ҷумла истифодабарандагони таҷҳизоти электронии тиббӣ, чораҳои иловагӣ андешанд.
Баъди дастуру супоришҳои Сарвари давлат, дар муддати кӯтоҳ Донишгоҳи тиббии Хатлон бо 3 факултет - кори муолиҷавӣ, педиатрӣ ва стоматологӣ таъсис ёфта, қабули ҳуҷҷатҳои довталабонро  аз 1 апрел оғоз кард. Дар назар аст, ки имсол 350 нафар донишҷӯ дар ин муассиса ба таҳсил фаро гирифта мешаванд. Қабули ҳуҷҷатҳо то 1 май идома ёфта, имтиҳонҳо аз 10 то 22 май баргузор мешаванд. Ҳамчунин, барои ҷалби донишҷӯён то се сол имтиёзҳои муайян дар назар дошта шудааст.
Аз рӯйи иттилои Раҳмоналӣ Абдуллоев, сармутахассиси шуъбаи маорифи ноҳия, феълан 5 нафар донишҷӯ аз ноҳия тибқи квотаи президентӣ дар Донишгоҳи давлатии тиббии Тоҷикистон таҳсил доранд. Имсол, теъдоди довталабони ноҳия ба муассисаҳои олии кишвар дар маҷмӯъ 1745 нафар, аз ҷумла 638 нафар духтарро ташкил медиҳад.
Минбаъд низ мақомоти иҷроияи маҳаллии  ҳокимияти давлатии ноҳия дар якҷоягӣ бо шуъбаи маориф ҷиҳати фароҳам овардани шароит ва ҷалби кадрҳои тиббӣ, бахусус хонондани кадрҳои маҳаллӣ, дар донишгоҳҳои тиббӣ чораҳои зарурӣ меандешанд.
Лашкар ШАРИФ,
«Ҷумҳурият»


Баёни ақида (0)    Санаи нашр: 19.04.2016    №: 75    Мутолиа карданд: 973

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. Музди миёнаи меҳнат – 1350 сомонӣ

ТИББИ ОИЛАВӢ МУҲИМТАРИН РУКНИ ТАНДУРУСТӢ


Дар сомонаҳои дигари Тоҷикистон хонед