logo

иқтисод

ҶАББОР РАСУЛОВ: БУНЁДИ 25 ИНШООТИ НАВ БА ИСТИҚБОЛИ ҶАШНИ ИСТИҚЛОЛ

Натиҷаҳои рушди иқтисодиву иҷтимоӣ дар ноҳияи Ҷаббор Расулов дар семоҳаи аввали соли равон назар ба ҳамин давраи соли гузашта бобарор ва умедбахшанд. Нақшаҳои андози маҳалливу иҷтимоӣ пурра ва барзиёд иҷро гардида, ба ҷои  9 миллиону 141 ҳазор сомонӣ ба буҷети ноҳия 9 миллиону 501 ҳазор сомонӣ маблағ ворид шуд.
Пардохти нафақа ва музди меҳнати кормандони соҳаи буҷетӣ сари вақт амалӣ гашт. Ҳамзамон, аз ҳисоби барзиёд таъмин шудани нақшаи андоз шароит фароҳам омад, ки  ҷиҳати ҳаллу фасли масоили иҷтимоӣ ва корҳои ободонии диёр тадбирҳо андешида шаванд.
- Дар ноҳия солҳои охир ба шарофати фазову муҳити мусоиди созандагӣ ва рушди соҳибкорӣ коргоҳҳои зиёди хурду миёни истеҳсолӣ, коркард ва хизматрасонӣ бунёд гардида, корҳои ободонӣ вусъат гирифтааст. Биноҳои замонавии аз лиҳози тарҳу ороиш зебо қомат бардошта, ба маркази шаҳраки Пролетар ҳусн мебахшанд. Бахусус дар ин рӯзҳои баҳорӣ аз дидани ниҳолҳои зиёди сояафкану гулҳои ороишии канори роҳу пайраҳаҳо дилҳо ба фараҳ меоянд, - мегӯяд Комилҷон Салимзода, иҷрокунандаи вазифаи раиси ноҳия.
Бино ба иттилои мавсуф ҷиҳати истиқболи арзандаи Ҷашни 25 - солагии Истиқлолияти давлатии Тоҷикистон то 9 сентябр дар ҳамаи ҷамоатҳои ноҳия 25 иншооти гуногуни дорои аҳамияти иқтисодиву иҷтимоӣ ва фарҳангӣ, аз қабили  корхонаҳои хурди коркарду истеҳсолии қаннодиву равғанбарорӣ ва истеҳсоли хишт, мактаб, кӯдакистон, маркази саломатӣ,  бунгоҳи тиббиву нуқтаҳои хизматрасонии маишӣ ва биноҳои истиқоматӣ бунёд ва мавриди баҳрабардорӣ қарор гирифта, кӯчаю гулгаштҳо сарсабзу гулкорӣ хоҳанд шуд.
Имсол соҳибкорони маҳаллӣ иқдом намуданд, ки 10 километр роҳҳои дохили шаҳракро тибқи меъёрҳои замони муосир пурра мумфарш созанд. Ба ин хотир, аллакай аз Русия зиёда аз 500 тонна мазут хариданд. Ҳоло марҳилаи аввали таъмири роҳҳо шурӯъ шудааст.
- Тасмим гирифтаем, ки то рӯзи ҷашн ҳамаи хатҳои обгузари маркази ноҳияро бо лӯлаҳои замонавӣ иваз карда, мушкилии сокинони  маҳаллаҳоро осон намоем,- мегӯяд Шаҳноза Расулзода, раиси Ҷамоати шаҳраки Пролетар. - То имрӯз дар канори кӯчаҳои марказӣ зиёда аз 7 ҳазор бех ниҳоли арчаву сӯзанбарги ҳамешабз шинонидем ва акнун навбати кӯчати гулҳои мавсимӣ фаро расид. 
Ташаббуси соҳибкори маҳаллӣ Бозорбой Ғолибов қобили таҳсин аст. Ӯ ният дорад,  ки Ҷашни 25 - солагии Истиқлолияти давлатиро бо  сохта ба истифода додани коргоҳҳои дӯзандагӣ,  синфхонаҳои таълимии ронандагӣ,  нуқтаҳои хизматрасонии бонкӣ ва маркази ташхисию солимгардонӣ истиқбол гирад. Барои бунёди иншооти мазкур зиёда аз 1 миллиону 80 ҳазор сомонӣ маблағ сарф хоҳад шуд. Бунёди ин иншооти имкон медиҳад, ки даҳҳо сокини маҳаллӣ бо ҷойи кор таъмин шаванд.
Дар ободонию рушди ноҳия саҳми бонувони соҳибкор низ кам нест.  Умеда Ахмедова - аз Ҷамоати деҳоти Деҳмой, Гулойим Одинаева - аз Ҷамоати деҳоти Сомониён, Манзура Юсуфова – аз Ҷамоати шаҳраки Пролетар бо бунёди  марказҳои тиҷоратӣ, боғчаи бачагона, мактаб-гимназия, маркази ташхисию табобатӣ, коргоҳи истеҳсоли хишт ва сохтмони хобгоҳи оилавӣ мехоҳанд дар таҷлили сазовори ҷашни миллӣ саҳми муносиб гузоранд.

Ҷовиди АШТӢ, «Ҷумҳурият»


Баёни ақида (0)    Санаи нашр: 20.04.2016    №: 76    Мутолиа карданд: 577

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед