logo

иқтисод

ШИНОСОИИ СОҲИБКОРОНИ РУС БО ФАЪОЛИЯТИ КОРХОНАҲОИ НАССОҶӢ ВА ДӮЗАНДАГӢ

Тавре аз Дафтари кории Маркази байналмилалии тиҷорат дар Тоҷикистон ба «Ҷумҳурият» хабар доданд, як гурӯҳ соҳибкорон ва мутахассисони соҳаи саноати сабуки Русия ба Тоҷикистон омаданд. Тибқи нақшаи пешакӣ онҳо аз 18 – ум то 23 – юми апрел бо фаъолияти корхонаҳои нассоҷиву дӯзандагии кишвар шинос мешаванд.

Сафари мазкур дар доираи лоиҳаи Маркази тиҷорати байналмилалӣ (МТБ) дар ҳамкорӣ бо ширкати таҳиякунандаи намоишгоҳҳо - “Текстилэкспо” ва Агентии хабарии “РИА Мода” ҷараён дорад. Лоиҳаи МТБ аз ҷониби Ҳукумати Швейтсария дар чаҳорчӯбаи “Барномаи ҳамкориҳо дар соҳаи тиҷорат дар Ҷумҳурии Тоҷикистон” маблағгузорӣ мешавад.
Ба ҳайат роҳбарону масъулони корхонаҳое, ки ба хариди риштаи пахтагин, матои трикотажӣ ва маҳсулоти дигари нассоҷиву дӯзандагӣ таваҷҷуҳ доранд, намояндагони ширкатҳои хариди яклухт ва шабакаҳои тиҷоратӣ, ки ба аутсорсинги истеҳсолотӣ алоқаманданд, ширкатҳои фурӯши таҷҳизоти нассоҷӣ, “Текстилэкспо” ва агентии “РИА Мода” дохиланд.
Барномаи сафар аз шаҳри Хуҷанд шурӯъ шуд. Соҳибкорони рус бо фаъолият ва маҳсулоти корхонаҳои «Нассоҷи Хуҷанд», «Ортекс», «Раҳимов А. А.», «Лидер», «РБТ Тоҷикистон» ва «Фирӯз» шинос шуданд. Меҳмо-нон, ҳамчунин, дар шаҳру ноҳияҳои Истаравшан аз «Ноҳид», Мастчоҳ аз «Олим Текстайл», Ёвон аз «ХИМА - Текстил», «Ваҳдат» ва Душанбе аз «Нафиса», «Гулистон», «Ёқут-2000» ва корхонаҳои дигар дидан карда, бо раванди истеҳсолот, шароити корӣ ва сифати маҳсулоти содиротӣ шинос мешаванд.
22 - юми апрел вохӯрии кории намояндагони соҳаҳои нассоҷӣ ва дӯзандагии Русия ва Тоҷикистон дар шаҳри Душанбе ба нақша гирифта шудааст.
Сафари ҳайат ба ҳавасмандии бузурги соҳибкорони Русия ба моли содиротии истеҳсоли Тоҷикистон, ки дар Ҳамоиши тиҷоратии Русия – Тоҷикистон - Қирғизистон дар шаҳри Маскав (16-уми феврали соли ҷорӣ) сазовори баҳои мусбат шуд, марбут аст.
Ҳадафҳои асосии сафари соҳибкорони рус ба Тоҷикистон, ки дар доираи “Барномаи ҳамкориҳо дар соҳаи тиҷорат дар Тоҷикистон” роҳандозӣ гардид, боло бурдани сатҳи рақобатпазирии маҳсулоти корхонаҳои соҳаи нассоҷиву дӯзандагии Тоҷикистон, ёрии вижаи соҳавӣ расондан ба корхонаҳои хурду миёна ва рушду тавоноии ниҳодҳои масъулу пуштибони тиҷорат, ҳамчунин, ёрӣ додан ба ҷонибҳои манфиатдор дар коргирӣ аз равиши стратегӣ барои рушди соҳа мебошанд. Дар доираи лоиҳа, ҳамчунин, мушкилот ва иқтидори рушди соҳаҳои сайёҳӣ ва ҳунарҳои мардумӣ дар Тоҷикистон омӯхта, самтҳои бартари ниёзманди ёриҳои фаннӣ, ки марбут ба соҳибкорӣ ва тиҷоратанд, дақиқ карда мешаванд.

Шуъбаи иқтисоди “Ҷумҳурият”


Баёни ақида (0)    Санаи нашр: 20.04.2016    №: 76    Мутолиа карданд: 601

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд

Дар Чин кӯдак аз ошёнаи 26 – ум афтода зинда монд

Аксаков бо сенаторони амрикоӣ зарурати муколамаи фаъолро баррасӣ намуд

Ҳамкории Москва ва Рейкявик дар Арктика тақвият меёбад

ФР ва Тоҷикистон конфронси ҳамкории байниминтақавӣ доир мекунанд

ИМА омодаи тамдид намудани созишномаи ССҲ бо Россия аст

Ҷаҳон дар як сатр


Дар сомонаҳои дигари Тоҷикистон хонед