logo

иқтисод

Д. Гулмаҳмадзода: «БАРОИ РУШДИ ИҚТИСОД АЗ ЗАРФИЯТҲОИ ВИЛОЯТ ИСТИФОДАИ ПУРСАМАР МЕБОЯД»

Давлатшоҳ Гулмаҳмадзода, раиси вилояти Хатлон, дар ҷаласаи ҷамъбастӣ натиҷаҳои иқтисодию иҷтимоии  семоҳаи якуми соли 2016 иброз дошт, ки даромади буҷет нисбат ба ҳамин давраи соли гузашта 50,2 миллион сомонӣ афзуда, ҳаҷми истеҳсоли маҳсулоти саноатӣ беш аз як миллиарду 59 миллион сомониро ташкил дода бошад ҳам, барои рушди бештари иқтисоди минтақа аз зарфиятҳои дигари вилоят бояд пурсамар истифода кард.
Дар ҷаласа, ки дар мақомоти иҷроияи ҳокимияти давлатии вилояти Хатлон баргузор гашт, Раҷабалӣ Раҷабов, муовини раиси вилоят оид ба рушди иқтисодию иҷтимоӣ, гуфт, ки ҳаҷми маҷмӯи маҳсулоти дохилии вилоят 6,6 дарсад ё ба андозаи 283 миллион сомонӣ афзуда, ба ҳар сари аҳолӣ 639 сомонӣ рост меояд.
- Бақияпулии андоз дар вилоят ба 1 марти соли равон 150 миллион сомониро ташкил дода, назар ба аввали сол 0,8 миллион сомонӣ коҳиш ёфта бошад ҳам, ин нишондиҳанда ҳанӯз моро қонеъ намекунад, - зикр кард ӯ.
Муовини раиси вилоят ҳамчунин иброз дошт, ки гардиши савдои хориҷии вилоят дар семоҳаи аввали сол беш аз 20 дарсад зиёд гашта, қариб 70 миллион доллари ИМА - ро ташкил дод.
Моҳҳои январ-март дар вилоят зиёда аз 16 ҳазор ҷойи нави корӣ таъсис ёфт. Дар шаҳру навоҳии Хатлон 63 ярмаркаи ҷойҳои холии корӣ барпо гардида, 1325 нафар соҳиби кори доимӣ шуд. Раҷабалӣ Раҷабов хабар дод, ки музди миёнаи ҳармоҳаи кор дар моҳҳои январ-феврали соли ҷорӣ ба 653 сомонӣ расид.
Дар ҷаласа яке аз мавзӯъҳои меҳварӣ истифодаи оқилонаи неруи барқ ва ҷамъоварии ҳаққи истифодаи он буд. Раиси вилоят Давлатшоҳ Гулмаҳмадзода бо ишора ба беҳ шудани вазъи таъминоти мардум бо барқ, аз он изҳори нигаронӣ кард, ки танҳо 60 дарсади маблағи ҳаққи истифодаи барқ ҷамъоварӣ шудаасту халос. Роҳбари вилоят ба масъулони тамоми шаҳру навоҳӣ дастур дод, ки бо мардум иртиботи зич дошта, аҳамияти ҷамъоварии ҳаққи истифодаи барқро шарҳ диҳанд, зеро беҳсозии таъминоти аҳолӣ бо барқ ба пардохти саривақтии маблағи истифодаи он марбут аст. Гуфта шуд, ки аҳолӣ барои истифодаи барқ ба маблағи 180 миллион сомонӣ қарздор аст.
Зикр гашт, ки тайи се моҳ бо ибтикори соҳибкорони маҳаллӣ 81,1 км роҳ сангфарш ва 3 пул таъмиру бозсозӣ гардид. Нақшаи даъвати ҷавонон ба Қувваҳои Мусаллаҳ дар шаҳри Сарбанд ва ноҳияҳои Носири Хусраву Балҷувон пеш аз муҳлат иҷро шуда, шаҳри Қӯрғонтеппа дар ояндаи наздик аз иҷрои нақша хабар хоҳад дод.
Раиси вилоят гуфт, ки имсол бояд дар майдони 120 ҳазор гектар пунбадона кишт шавад, аммо то имрӯз ҳамагӣ дар 90 ҳазор гектар кишт шудааст ва зарурати иҷрои босифати ин дурнаморо таъкид кард.  Ҳамчунин, зикр кард, ки имсол бунёди 83 корхонаи истеҳсолӣ дар назар аст. Вале дар баъзе ноҳияҳо вазъи иҷрои ин нақша ғайриқаноатбахш буда, то имрӯз ҳамагӣ 7 корхона бо фароҳамории 34 ҷойи корӣ таъсис ёфтааст.
Давлатшоҳ Гулмаҳмадзода дар анҷоми ҷаласа аз масъулон даъват кард, ки дар корҳои ободонию созандагӣ ибтикори бештар нишон дода, ҷиҳати омодагӣ ва дар сатҳи баланд баргузор намудани раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон ва истиқболи шоиста аз Рӯзи Ваҳдати миллӣ ва 25 - солагии Истиқлолияти давлатӣ тадбирҳои зарурӣ андешанд.

Н. МАЪМУРЗОДА, рӯзноманигор


Баёни ақида (0)    Санаи нашр: 20.04.2016    №: 76    Мутолиа карданд: 565

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед