logo

иқтисод

КООПЕРАТИВҲОИ ИСТЕҲСОЛӢ ДАР РУШДИ МАМЛАКАТ НАҚШИ МУҲИМ МЕБОЗАНД

Бо мақсади тақвияти пойгоҳи моддию техникии хоҷагиҳои хурди деҳқонӣ соли 2013 Қонуни Ҷумҳурии Тоҷикистон  «Дар бораи кооперативҳо» қабул гардид, ки ҳадафи асосии он фароҳам овардани шароити мусоид барои ихтиёран муттаҳидшавии хоҷагиҳои хурд ба кооперативҳо ва рушди онҳо мебошад.

Иззатулло Сатторӣ, вазири кишоварзии Ҷумҳурии Тоҷикистон, зимни баррасии рафти иҷрои Буҷети давлатии Ҷумҳурии Тоҷикистон ҷиҳати татбиқи «Барномаи ислоҳоти кишоварзии Ҷумҳурии Тоҷикистон барои солҳои 2012-2020» иброз дошт, ки тибқи маълумоти оморӣ теъдоди кооперативҳои истеҳсолӣ  тамоюли камшавӣ дорад. Зеро уҳдадории андозии хоҷагиҳои деҳқонӣ аз кооперативҳо то 8,5 маротиба  кам аст. Аз ин рӯ, аксари истеҳсолкунандагони маҳсулоти кишоварзӣ  шакли ҳуқуқии «Кооперативҳои истеҳсолӣ» – ро қатъ ва шакли ҳуқуқии «Хоҷагии деҳқонӣ» - ро интихоб  менамоянд. Ба мақсади ба вуҷуд овардани имконияти рушди молиявию техникӣ ва ҳавасманд  намудани хоҷагиҳо барои муттаҳидшавӣ зарур аст, ки андозбандии коопертивҳои истеҳсолӣ ба андозбандии хоҷагиҳои деҳқонӣ баробар карда шавад. Таҷрибаи пешқадами давлатҳои ҷаҳон нишон медиҳад, ки кооперативи дар натиҷаи муттаҳидшавии хоҷагиҳои хурди  деҳқонӣ таъсисёфта  дорои корхонаҳо буда, таъмини хоҷагиҳоро бо воситаҳои истеҳсолӣ ба уҳда дорад. Вазири кишоварзӣ гуфт, ки дар раванди татбиқи барнома дар соли 2015 аз ҷониби вазорат барномаҳои рушди чарогоҳҳо, зотпарварӣ ва хушзоткунии чорво, рушди боғу токпарварӣ, инчунин оид ба муайян намудани мақоми ваколатдори давлатӣ оид ба идоракунӣ ва истифодаи чарогоҳҳо тарҳрезӣ гардида, бо қарорҳои Ҳукумати Ҷумҳурии Тоҷикистон тасдиқ гардиданд. Дар се моҳи соли ҷорӣ лоиҳаи қарорҳои Ҳукумати Ҷумҳурии Тоҷикистон дар бораи барномаҳои рушди соҳаҳои моҳипарварӣ, парандапарварӣ, қутоспарварӣ, тухмипарварӣ, муҳофизати интегратсионии зироатҳои кишоварзӣ ва боғу токзор аз зараррасону касалиҳо ва дар бораи Низомномаи мониторинги бехатарии маҳсулоти хӯрокворӣ ва саломатии аҳолӣ омода гардида, айни замон дар мувофиқаи вазорату идораҳои дахлдор қарор доранд.
Назар ба гуфтаи Рустам Латифзода, раиси Кумитаи Маҷлиси намояндагони Маҷлиси Олӣ оид ба масъалаҳои аграрӣ, захираҳои об ва замин, барои татбиқи барномаи рушди кишоварзӣ ҷиҳати таъмини бехатарии озуқаворӣ дар солҳои 2012-2015 аз ҳисоби Буҷети ҷумҳуриявӣ 73,8 миллион сомонӣ равона ва барои таъмини амнияти озуқаворӣ ва ислоҳоти кишоварзӣ тибқи Буҷети давлатӣ дар соли 2016 - ум 18,7 миллион сомонӣ ҷудо шудааст. Соли 2015 ҳаҷми қарзҳои тибқи низоми нав ба соҳаи кишоварзӣ додашуда 29,6 дарсад коҳиш ёфта, ҳамагӣ 8,2 дарсад аз ҳаҷми умумии қарзҳои  ба иқтисодиёти мамлакат аз ҷониби ташкилотҳои қарзӣ ҷудошударо ташкил намуд. Ҳол он ки талабот ба қарз 1,8 миллиард сомонист. Фоизи баланди қарзҳо аз 22 то 36 дарсад ва хусусияти кӯтоҳмуҳлат будани онҳо ба ҳавасмандии хоҷагиҳои деҳқонӣ  мусоидат намекунад. Беш аз 94 дарсади маблағгузорӣ дар соҳа аз ҳисоби худи хоҷагиҳои кишоварзист. Мавсуф тазаккур дод, ки механизми молиявию иқтисодии ҳавасмандгардонии хоҷагиҳои тухмипарварию зотпарварӣ, ба мақсади баланд бардоштани мавқеи онҳо дар таъминоти соҳаи кишоварзии мамлакат бо тухмиҳои серҳосил ва зотҳои сермаҳсули чорвою паранда, ҷорӣ намудани низоми муосири омӯзиш барои роҳбарони хоҷагиҳои деҳқонӣ, ташкили курсҳои такмили ихтисоси кишоварзӣ барои мутахассисони соҳа, беҳтар намудани дастрасӣ ба хӯроки чорво ва барқарорсозии яхдону сардхонаҳо барои захираи меваю сабзавот зарур аст.
Чуноне ки таҷрибаи пешқадами давлатҳои ҷаҳон нишон медиҳад, муттаҳидшавии хоҷагиҳои хурди деҳқонӣ,  таъсиси кооперативҳо ва ширкатҳои саҳомӣ  ба рушди соҳаи кишоварзӣ мусоидат мекунанд.

Мунаввари САФАР, «Ҷумҳурият»


Баёни ақида (0)    Санаи нашр: 20.04.2016    №: 76    Мутолиа карданд: 500

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед