logo

номаҳо

САВДОИ КӮЧА. КӢ БОЯД ОНРО НАЗОРАТ КУНАД?

Савдогарони кӯча аз субҳи солеҳон пушти дари хонаву назди биноҳои истиқоматӣ бо садои баланд мардумро нороҳат мекунанд.  Занону кӯдаконе, ки аз қонуну тартиботи савдо  фарсахҳо дуранд,  бе додани кафолати сифатнокӣ  ба фурӯши ширу маҳсулоти ширӣ, аз қабили чака, ҷурғот, қаймоқ, маска ва ғайра машғуланд.
Ин маҳсулотро, албатта, аз нафарони дигар гирд оварда,  то ба харидор мерасонанд. Бар замми ин, маҳсулоти шириро дар зарфҳои  пластикӣ, ки даҳҳо  маротиба истифода шудаанд, ба мизоҷон пешкаш месозанд. Ҳолати санитарии маҳсулот, чанд дарсади онро об ва чанди онро шир ташкил додан, ба виҷдони ширфурӯшон вобаста аст. Бояд зикр намуд, ки дар ҳавои гарми тобистон, алалхусус, шир дар зарфи пластикии даҳонаш пӯшида эҳтимоли вайрон шудан дорад. 
Ғайр аз ин, назди биноҳои истиқоматӣ ба бозори  савдогарони сабзавоту мева  табдил ёфтааст. Дар як рӯз чанд маротиба аробаву мошинҳои хурду калон сабзавоту меваҷоти гуногуни ба савдо нарафтаро  меоранд. Нархи онҳо нисбат ба нархи маҳсулоти бозор фарқ дорад, яъне гаронтар аст, аммо  бештари сокинон «назди дари хона омадааст» гӯён аз онҳо харидорӣ мекунанд. Вақте аз бесифатии  маҳсулоти харидкардаашон  дарак меёбанд, аз фурӯшанда ному нишоне намеёбанд.
Ин ҳам дар ҳолест, ки бозорҳои калону хурди зиёд, дукону мағоза, супермаркет, марказҳои савдо дар ҳамаи гӯшаву канори шаҳр бо риояи талаботи санитарию савдо фаъолият доранд. Сари ҳар қадам дуконҳои сайёри фурӯши маҳсулоти ширӣ амал мекунанд, ки маҳсулоти дорои сертификатро пешкаши мизоҷон менамоянд. Инчунин, мошинҳо ҳар пагоҳӣ шири босифати пастеризатсияшударо ба аҳолӣ пешкаш мекунанд.
Ин ҷо суоле ба миён меояд: кӣ кафолати босифат ва безарар будани маҳсулоти савдогарони кӯчаро дода метавонад?  Дар ҳолати гирифтор шудан ба ягон бемории сироятӣ ҳуқуқҳои истеъмолгаронро кӣ ҳимоя ва  зарари расидаро кӣ ҷуброн  мекунад? Дар маҳаллаҳо будан ё набудани нозирони минтақавӣ  қариб ҳис карда намешавад, аз ин рӯ, савдои кӯчагӣ дар авҷ аст.

Наргис ШАРИФОВА, шаҳри Душанбе


Баёни ақида (0)    Санаи нашр: 21.04.2016    №: 77    Мутолиа карданд: 9038

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед