logo

фарҳанг

ХЕЛЕ ТААССУФОВАР БУД

Нахуст ҷойҳое, ки дар шаҳри Метуэн (ИМА) мехостам бубинам, осорхона ва китобхона буд. Ҳарчанд мизбонони мо Карл ва Ева ба таъриху ба китоб таваҷҷуҳ доштанду хонаашон осорхонаро мемонд. Аз маснуоти сафолини Ҳисор, осори ақвоми Мая, най ва тутукҳои қабилаҳои африқоӣ то арусакҳо ва дастгоҳи телефон муқаррар аз ибтидои асри XX, китобҳои чопи сангин (аз с. 1842), тамғаи  тайёраҳо, чанд хона моломол меомад.
Ба гузашта ва хониш дар ИМА таваҷҷуҳи хоса доранд. Ҳарчанд бо тамоми намунаҳои тозаи техникӣ таъминанд, китобхона аз асри XIX бунёд дорад ва тармиму ороиши тоза ёфтааст. Толор барои бачаҳо, ҷавонон ва дигар тоифаҳо буда, вижагиҳо дорад. Дар бораи ҳамаи кишварҳо маълумот ҳаст.
Кӯдакон бо мизу курсии мувофиқ, бозиҳо ва филмҳои дӯстдоштаашон таъмин мешаванд ва бозиҳои шавқовар бо рақсу суруд аз машғулияти онҳост.
Аз ҷумла дар бораи кишвари мо низ китобе бо унвони «Сultures of tne world Tajikistan» дарёфтам, ки шод шудам. Вале ин эҳсоси нахустин буд. Китоби ошноӣ соли 2006 нашр шуда, гӯё аз таъриху шароити табиӣ, олами набототу ҳайвонот ва маросиму анъанаи миллӣ маълумот дорад. Шигифтовар буд, ки маълумот воқеӣ набуду беғаразона ва осемасар гирдоварӣ шуда. Нохуш буд, ки ҳама  куҳнаанд ва тасвирҳое ҷо ёфтаанд, ки дархӯри даврони истиқлол нестанд. Аз пешравиҳои воқеӣ, дастовардҳо ва чеҳраи воқеии миллат нишон нест. Аз юрта (хаймаҳои қирғизӣ), нишони досу болға, ҳайкали В. Ленин, аксҳои Л. Брежнев, М. Горбачев тасвири бо низомиён дар масҷид, суробу сурати ғайритоҷикӣ ва ғайра фаровон дорад китоб, вале аз рамзҳои Тоҷикистон: Нишон, Парчам ва пайкараҳои бузургони миллат нишоне  нест.
Дар саҳифаи таърих аз Бохтари қадим ва ҳамлаи муғул чанд ҷумла дарёфт мешаваду халос. Дар миён  холигии фаровон аст. Ва ишорае аз асосгузори давлати  Сомониён – Исмоил вуҷуд надорад. Ба адабиёти оламшумул ва нобиғаҳои давронҳо муроҷиат нашудаст. Дар  бораи  сабку салиқаи ҳунармандӣ андеша ва ҳарфи сазоворе нест.
Дар бораи сиёсати дохилӣ ва хориҷӣ  коршиносон   баҳо   медиҳанд, ки  масъалаи  дигар  аст. Тоҷикон   25 - солагии Истиқлолияти давлатиро ҷашн  мегиранд. Чаро  ба қадру манзалати таърих, фарҳанг ва ойину анъанаи мардумӣ беэътиноӣ, балки беэҳтиромӣ сурат бигирад? Ҳарчанд ин низ сиёсат аст.
Дар ин замина пешниҳоди қаблии журналистонро дар мавриди таъсиси «Хазинаи дифои манфиатҳои миллӣ» ба хотири масъулон меоварам. Ба василаи маблағи зарурӣ бо ширкати олимон, бо салоҳдиди масъулони ҳукумат филмҳои ҳуҷҷатӣ, буклетҳо ва китобҳои ошноӣ барои хориҷиён пешниҳод кунанд, ки аз мероси куҳан, зеҳнияти мардум, дараҷаи ҳунарварӣ ва дастовардҳои истиқлолият маълумот бидиҳанд. Чеҳраи воқеӣ ва мондагорро ба хориҷиён бирасонанд.
Китоб камбудиҳои зиёде  дорад, балки як тамасхурест ба таъриху анъанаҳои миллати қадим. Аз сангнавиштаҳои Бадахшон, мақбараи Алии Ҳамадонӣ ва Аҷинатеппа дар феҳристи осори таърихӣ ишорае шудаву боқӣ фаромӯш.
Ба ҷойи тифлакони сарупо луч, духтарони ҳезуму халта ба пушт, иморатҳои нимвайронаи даврони шӯравӣ, чеҳраҳои ғайритоҷикона агар мардуми хушлиқои кишвар, гулдӯзиҳо, намунаи чакан, ободкориҳо, боғистонҳои навбунёд ва ғайра ҷой мегирифт, андеша дар бораи Тоҷикистон тағйир меёфт. Тартибдиҳанда Рафиз Абазов аксу тасвирҳои куҳнаи солҳои 80-90-уми асри XX - ро истифода карда, дар муаррифии кишвари азизамон хизмати хирсона ба ҷо овардааст.
Ташвишовар аст, ки ин гуна маводи муаррификунанда бо супоришу машварати кадом муассиса ва маблағи кадом ташкилот боиси беобрӯии мамлакати мо мегардад.
                                                                 
Ҷонибеки АСРОРИЁН, муаррих


Баёни ақида (0)    Санаи нашр: 21.04.2016    №: 77    Мутолиа карданд: 453

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. Музди миёнаи меҳнат – 1350 сомонӣ

ТИББИ ОИЛАВӢ МУҲИМТАРИН РУКНИ ТАНДУРУСТӢ


Дар сомонаҳои дигари Тоҷикистон хонед