logo

иқтисод

МИНТАҚАИ КӮЛОБ. МАЪРИФАТИ ЭКОЛОГӢ БОЛО МЕРАВАД

Аз соли 1954 - ум 22 апрел ҳамчун Рӯзи байналмилалии Замин таҷлил карда мешавад. Чун анъана ин рӯз садои зангӯла – «Ноқуси сулҳ» мардумро аз афзудани хатарҳои экологӣ огаҳӣ медиҳад. Ин зангӯла дар назди дафтари кории СММ дар шаҳри Ню – Йорки ИМА гузошта шудааст. Дар он шиори «Зинда бод сулҳ дар рӯйи замин» дарҷ гаштааст. Ин иқдомро баъд аз Амрико давлатҳои Ҷопону Олмон, Туркияву Мексика, Муғулистону Канада, Бразилияю Аргентина, Эквадору Тоҷикистон ва дигар давлатҳо пазируфта, дастгирӣ намуданд.  
         
Баланд бардоштани ҳосилнокии замин, зиёд намудани масоҳати заминҳои  корам, нигаҳдории қабати ҳосилхези хок ва ҳифзи он  аз ҳар гуна таъсироти равандҳои мутақобила, ки аз фаъолияти инсон ба вуҷуд меояд, мақсади асосии чорабиниҳои дар ин рӯз амалишавандаро ташкил медиҳад. Аз касе пӯшида нест, ки масъалаҳои глобалии экологӣ ба монанди гарм шудани иқлим, об шудани пиряхҳо, баландшавии сатҳи обҳои зеризаминӣ, эрозияҳои бодию обӣ, бодлес, ихроҷи ғализи дуди корхонаҳои саноатӣ, ифлос шудани муҳити зист бо моддаҳои кимиёвӣ, радиоактивӣ ва партовҳои маишии рӯзгор ин ҳама аз дахолати инсон ба равандҳои табиӣ сар мезанад.
Вобаста ба ин сана дар минтақаи  Кӯлоби вилояти Хатлон ҳам чорабиниҳои гуногуни экологӣ доир ба беҳдошти замин гузаронида мешаванд. Дар соли 2015 ва семоҳаи аввали соли 2016 бо ташаббуси  Кумитаи ҳифзи муҳити зисти назди Ҳукумати Ҷумҳурии Тоҷикистон лоиҳаи бехатарӣ ва беҳдошти замин роҳандозӣ гардид. Бо дастгирии лоиҳа  ба маблағи 75 000 доллари  ИМА  4 адад экскватори тамғаи «Хундай» харидорӣ шуд, ки барои тоза намудани каналҳои магистралӣ ва ҷӯйю заҳкашҳо  истифода мешавад. 3 адади  он аз сабаби баланд шудани сатҳи обҳои зеризаминӣ дар ноҳияи Фархор ба Ассотсиатсияи истифодабарандагони оби ноҳияи мазкур супорида шуда, яктои он ба Ҷамоати деҳоти Даҳанаи ноҳияи Кӯлоб ҷудо гардид.
Аз ҷониби Бозрасии ҳифзи муҳити зисти минтақаи Кӯлоб ва шуъбаю бахшҳои ноҳиявии он пайваста назорати риояи талаботи экологӣ гузаронида шуда, доир ба ҳифзи захираҳои замин, ҳолати мелиоративӣ,  пешгирии эрозия, ботлоқшавӣ ва шӯршавии заминҳо нақшаи чорабиниҳо таҳия гардида, дар муҳлати муайяншуда иҷрои онҳо санҷида мешавад.
Дар минтақа майдони умумии заминҳои обёришаванда  85582 гектарро ташкил  медиҳад. Аз ин шумора 6937 гектараш шӯрзамин аст. Аз он  5604 гектар заминҳои шӯрнокиаш паст, 870 гектар шӯрнокиаш миёна ва 463 гектар шӯрнокиаш баланд мебошад.   Ин гуна заминҳо дар ноҳияҳои Фархор, Данғара, Восеъ ва Мир Сайид Алии Ҳамадонӣ бештар ба чашм мерасанд. 
Аз ҷониби бозрасӣ ва шуъбаю бахшҳои ноҳиявии он дар ҳамаи корхона, ҷамоат, омӯзишгоҳ, мактабҳои таҳсилоти умумӣ ва донишкадаҳо шанбегӣ ва аксияҳои тозагии маҳал гузаронида мешавад.  Танҳо дар моҳи апрели соли ҷорӣ зиёда аз 1500 нафар мактаббачаҳои синфҳои болоӣ барои тоза намудани соҳилҳо  ва заминҳои атрофи шаҳри Кӯлоб  сафарбар карда шуданд. Аз тарафи кормандони бозрасӣ дар якҷоягӣ бо кормандони шуъбаи ҳифзи муҳити зисти шаҳри Кӯлоб дар маҳалҳо доир ба тоза кардани партовҳои  маишӣ ва нуқтаҳои нигаҳдории муваққатии онҳо корҳои фаҳмондадиҳӣ анҷом дода шуд. Ба андозаи  зиёда аз 100 метри мукааб партов аз дохили шаҳр ба партовгоҳи Шӯркӯл, ки дар масофаи 3 киллометр берун аз шаҳр ҷойгир аст, бароварда шуд.

Амирулло ҚОДИРОВ,
Худойдод ЗУҲУРОВ,
кормандони Бозрасии ҳифзи муҳити зисти
минтақаи Кӯлоби вилояти Хатлон


Баёни ақида (0)    Санаи нашр: 22.04.2016    №: 78    Мутолиа карданд: 472

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед