logo

сиёсат

ТАРҒИБИ МОҲИЯТИ РАЪЙПУРСӢ

ҶАВОНОН ВОРИДИ АМАЛ МЕШАВАНД
Ҷавонони фаъоли шаҳри Душанбе тасмим гирифтаанд, ки дар робита ба раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон ташкили чорабиниҳои ташвиқотиро ба роҳ монда, моҳияти ин маъракаи муҳими сиёсиро тарғиб намоянд.

Ҷавонони фаъол бо шумули раисони иттифоқҳои ҷавонони донишгоҳу донишкадаҳои шаҳри Душанбе, зимни баҳси мавзӯи «Аҳамияти арзишҳои конститутсионӣ дар тарбияи ҳуқуқии ҷавонон» дар як мизи мудаввар ба чунин натиҷа расиданд. Онҳо дар ин нишаст, ки бо ташаббуси Комиссияи марказии интихобот ва раъйпурсии Ҷумҳурии Тоҷикистон баргузор гардид, қарор доданд, ки ба зудӣ дар ҳамкорӣ бо ҳавзаҳои раъйпурсии ноҳияҳои Шоҳмансур, Исмоили Сомонӣ, Сино ва Фирдавсии шаҳри Душанбе ҷиҳати тарғибу ташвиқ ва фаҳмондани моҳияти раъйпурсии умумихалқӣ вориди амал мешаванд. Фаъолияти гурӯҳҳои тарғиботиро дар ин самт филиали Иттифоқи ҷавонони Тоҷикистон дар шаҳри Душанбе ҳамоҳанг месозад.
Сайфулло Сафаров, муовини якуми директори Маркази тадқиқоти стратегии назди Президенти Ҷумҳурии Тоҷикистон, ки дар мизи мудаввар оид ба зарурат ва аҳамияти тағйиру иловаҳо ба Конститутсия суҳбат мекард, ҳамзамон аз нақши фаъоли ҷавонон дар рушди ҷомеа тавсиф намуд. Аз ҷумла, зикр шуд, ки ҷавонон бо истифода аз фазои мусоиди сиёсии кишвар метавонанд, ҳамчун неруи пешбари ҷомеа, дар маъракаҳои муҳими сиёсӣ ва идоракунии давлат нақши фаъол дошта бошанд. Сайфулло Сафаров бо нигаронӣ аз гаравидани бархе ҷавонони ноогоҳ ба гурӯҳҳои ифротӣ таъкид намуд, ки бояд ҳадафи аслии ин гурӯҳҳо ва дар пасманзари он бозиҳои геополитикии ҷаҳони имрӯз дуруст дарк шаванд. Мавсуф  дар хитоб ба ҷавонони фаъоли шаҳри Душанбе гуфт, ки шумо бояд ба ҳар гуна ҳаракатҳои носозгор, гурӯҳҳои ситезаҷӯ ва муборизаҳои идеологӣ муқовимат карда тавонед. 
Абдуманон Додозода, роҳбари дастгоҳи Комиссияи марказии интихобот ва раъйпурсӣ, оид ба ҷараёни омодагиҳо ба ин маъракаи муҳими сиёсӣ ҳарф зада, аз қонунгузории Ҷумҳурии Тоҷикистон дар бораи интихобот ва раъйпурсӣ ситоиш кард.
- Ман ба бисёр кишварҳои хориҷӣ сафар доштам. Мушоҳида кардам, ки қонунгузории мо дар бораи интихобот ва раъйпурсӣ аз нигоҳи меъёрҳои демократӣ бартарӣ дорад. Чунончи, мо барои шаҳрвандонамон дар хориҷи кишвар ҳам шароити иштирок дар интихобот ва раъйпурсиро фароҳам меорем, ки дар дигар давлатҳо чунин амр ба назар намерасад. Гузашта аз ин, мо иштироки маъюбону пиронсолонро таъмин намуда, тавассути қуттиҳои сайёр раъйи онҳоро ба даст меорем, - изҳор дошт Абдуманон Додозода.
Масъулони Комиссияи марказии интихобот ва раъйпурсӣ изҳори бовар карданд, ки ҷавонони фаъол барои фаҳмондани моҳияти раъйпурсӣ, дар сатҳи баланди ташкилӣ баргузор намудани раъйпурсии умумихалқӣ мусоидат намуда, дар пешрафти ҳаёти сиёсии кишвар саҳми муносиби худро мегузоранд. Дар ин робита, аз аъзои Иттифоқи ҷавонон дар шаҳри Душанбе даъват ба амал омад, ки дар мавриди ба роҳ мондани корҳои тарғиботию ташвиқотӣ, паҳн намудани варақаҳои иттилоотӣ  ёрии амалии худро расонанд. Зеро бар асоси қонунгузорӣ дар баробари ҳизбҳои сиёсӣ ва иттифоқҳои касаба Иттифоқи ҷавонони Тоҷикистон низ аз ҳуқуқи тарғибу ташвиқ бархӯрдор аст.
Фирӯзи РАҲМОНИЁН,
«Ҷумҳурият»


Баёни ақида (0)    Санаи нашр: 22.04.2016    №: 78    Мутолиа карданд: 536

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед