logo

иҷтимоиёт

БОВАР

Дар роҳ ба сӯи ҳавлии амакам хонаи пиронсолон ҷойгир аст. Ҳавлии барҳавою сердолу дарахт ва равуои бошандагонаш дар назари аввал тӯйхонаро мемонад. Вале, афсӯс, ки аз ин ҷо овози суруду ханда ками андар кам ба гӯш мерасад. Бо вуҷуди кӯшишҳои зиёди масъулонаш, бахусус дили дардманди модарони дар нимароҳмонда гӯйё табобатношуданист. Гиряҳои бамаротиб аз ханда зиёд доранд. Аксари онҳо ба ёди фарзанд хеле талх мегирянд.
Дар рӯ ба рӯи дарвоза кати чӯбине ҳаст, ки модарон ҷуфт - ҷуфт ҷамъ омада рози дил мегӯянд. Яке аз тақдири баду фалаки каҷрафтор шиква дораду дуюмӣ аз бемеҳрии пайвандон менолад. Вале холаи Хайринисо чун ҳамеша чашм ба роҳ аст ва чун ҳамеша такрор ба такрор мегӯяд: «Не, писари ман бемеҳр нест. Вай меояд, албатта, меояд. Ӯ ҳеҷ гоҳ маро намепартояд!»
Аз шунидани ин суханони модари пир дилам ба дард меояду ғайриихтиёр дар чашмонам ашк ҳалқа мезанад. «Заҳри одамро одам мегирад», - гуфта омадам, хола, нигоҳи маънидоронаи ӯро ҳис намуда.
- Гиря накунед, холаи Хайринисо, ҳамааш нағз мешавад, - дарди хешро фурӯ нишонда мегӯям ба ӯ. - Як рӯз не, як рӯз фарзандонатон ба худ меоянду шуморо аз ин ҷо мебаранд…
- Вақти бисёр гузашт,- оҳ мекашад модар, - дигар умедам намондааст. Фарзандонам фирефтаи молу сарвати дунё шуда, аз ману шабзиндадориҳоям кайҳо фаромӯш карданд. Ақаллан сарпаноҳамро намегирифтанд, ки набераҳоям дидорбинӣ меомаданд. Бовар надорам, ки онҳо ҳатто дар куҷо будани маро донанд. Бо фиреб хонаамро фурӯхтанд, бахшидам. Хонаи дабдабанок харидаанду кунҷаке бароям ҷудо накарданд, бахшидам, вале аз набераҳоям маро ҷудо карданашонро бахшида наметавонам. Ин дил месӯзад охир, дигар илоҷ надорам. Шукр гуруснаву бесарпаноҳ нестам тамоми бошандагони инҷо бо меҳр модарам мегӯянд, эҳтиромам мекунанд, вале боз ҳам дилам кашолу чашмам ба роҳ аст.
Бале, шароите ки дар ин макон таъмин аст, аз аксар хонаҳо камӣ надорад. Ҳам тозаву озода ва ҳам барҳавову дилрабо, вале на барои модароне ки ҳанӯз умед аз фарзандҳояшон накандаанд…
Тавре ҳамагон медонем, 22 майи соли равон барои ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон, ки аз ҷониби аъзои Маҷлиси миллӣ ва вакилони Маҷлиси намояндагон пешниҳод шудаанд, раъйпурсии умумихалқӣ доир мегардад.
Бояд гуфт, ки чунин тағйиру иловаҳо саривақтӣ буда, ҳадафи мушаххас доранд. Аз ҷумла, қисми дуюми моддаи 34 - и Конститутсия дар таҳрири зерин ифода шудааст: “Падару модар барои таълиму тарбияи фарзандон ва фарзандони болиғу қобили меҳнат барои нигоҳубин ва таъминоти иҷтимоии падару модар масъул мебошанд”. Ин пешниҳод масъулияти фарзандонро дар нигоҳубин ва таъмини иҷтимоии падару модар тақвият медиҳад. Яъне, фарзанди болиғу қобили меҳнат уҳдадор аст, ки падару модари худро нигоҳубин ва таъмин намуда, онҳоро аз ҷиҳати моддӣ ва маънавӣ дастгирӣ намояд. Дар ҳолати иҷро накардани ин уҳдадорӣ нисбат ба фарзанди болиғу қобили меҳнат бо тартиби муқаррарнамудаи қонунгузории Ҷумҳурии Тоҷикистон чораҳои мушаххас андешида мешавад.
Бовар дорам, ки баъди татбиқи ин тағйиру иловаҳо масъулияти фарзандон меафзояду теъдоди модарони чашминтизор дар хонаҳои пиронсолон коҳиш меёбад. Ҳамин тавр не?

 Сарвиноз ШОДМОНОВА, «Ҷумҳурият»


Баёни ақида (0)    Санаи нашр: 26.04.2016    №: 80    Мутолиа карданд: 414

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон


Дар сомонаҳои дигари Тоҷикистон хонед