logo

иқтисод

СУҒД. 80 ДАРСАДИ ПОЙГОҲҲОИ ОБКАШӢ БА ТАЪМИР НИЁЗ ДОРАНД

Баҳори имсола дар қиёс ба солҳои қаблӣ хеле барвақт омад ва ин ҳолат кишоварзонро водор сохт, ки дар ҷараёни кишту кор  ба реҷаи кориашон тағйирот дароранд. Бо назардошти он ки 70 дарсади обёрӣ дар вилояти Суғд тавассути пойгоҳҳои обкашӣ  сурат мегирад, зарурат пеш омад, ки мавсими обёрӣ низ барвақт шурӯъ шавад. Фаъолияти кишоварзони навоҳии Зафарободу Мастчоҳ бошад, пурра ба пойгоҳҳои  обкашӣ вобаста мебошад. Вазъи таъмиру тармими пойгоҳҳои обкашӣ чӣ гуна аст ва барои зудтар анҷом додани ин амал ба мавсими имсола чӣ тадбирҳо роҳандозӣ мешаванд?
Зафарҷон Давлатзода, сардори Раёсати беҳдошти замин ва обёрӣ дар вилояти Суғд, иброз дошт, ки ҷиҳати сари вақт ба мавсими обёрӣ омода кардани пойгоҳҳои обкашӣ ва дигар иншооти ёрирасони таъмини об аз ҳисоби буҷети вилоят ба ноҳияи Зафаробод 850 ҳазор сомонӣ, Мастчоҳ 4 миллион сомонӣ, Панҷакент  1 миллион сомонӣ, Ашт 150 ҳазор сомонӣ маблағ ҷудо шудааст. Бо дастгирии мақомоти иҷроияи ҳокимияти давлатии вилоят ҳамаи шабакаҳои обёрӣ ва дастгоҳҳои обкашӣ мувофиқи нақша  омодаи кор шуда, нисбат ба соли гузашта 20 рӯз пештар ба фаъолият шурӯъ карданд.
- Албатта, дар ҷараёни таъмири пойгоҳҳои обкашӣ, дастгоҳҳо, муҳаррикҳо ва дигар таҷҳизоти соҳа баъзе нуқсонҳои техникӣ ба мушоҳида мерасанд, зеро муҳлати лоиҳавии истифодабарии ҳамаи пойгоҳҳои обкашӣ кайҳо ба охир расида, имрӯз танҳо ба  шарофати таъмири саривақтӣ онҳо «умри дубора» меёбанду кишоварзон бо об таъмин мешаванд, - мегӯяд Зафарҷон Давлатзода. 
Ба хотири боз ҳам беҳтар таъмин кардани хоҷагиҳои кишоварзии ноҳияи Зафаробод, ки ҳамасола аз норасоии об мушкилӣ мекашанд, дар дурдасттарин минтақаи ин ноҳия 20 чоҳи амудӣ ба хизмати  деҳқонон омода ва аз ин ҳисоб наздики 550 гектар замини 36 хоҷагии деҳқонӣ минбаъд бо об таъмин мешаванд.
Имрӯз  80 дарсади пойгоҳҳои обкашӣ дар қаламрави вилояти Суғд ба таъмири асосӣ ё комилан иваз кардани муҳаррику дигар қисмҳои эҳтиётӣ ниёз доранд.
Бино ба иттилои Ҳалимҷон Ҳоҷиев, муовини аввали сардори ҳамин раёсат, танҳо барои дастрасии як муҳаррики нави пойгоҳ 10 миллион сомонӣ маблағ зурур аст. Зиёда аз ин, солҳои охир дар ҳамкорӣ бо  идораҳои фурӯши барқ низ бо сабаби аз ҷониби раёсати беҳдошти замин ва обёрии вилоят сари вақт пардохт нагардидани ҳаққи неруи барқ бе огоҳӣ қатъ кардани  неруи барқ ба мушоҳида мерасад, ки кори муътадили  пойгоҳҳои обкаширо халалдор карда, ба сар задани садамаҳои техникӣ оварда мерасонад. Ҳол он ки вазъи молиявии раёсат бинобар сари вақт пардохт нашудани маблағи истифодаи об аз тарафи хоҷагиҳои кишоварзӣ хуб нест. Агар дар давраи мавсими обёрии соли 2015 аз ҷониби раёсат ба хоҷагиҳои кишоварзии навоҳии вилоят ба арзиши зиёда аз 28 миллион сомонӣ обрасонӣ шуда бошад ҳам, пардохт  ҳамагӣ 18 миллион сомониро ташкил доду бас. Қарзи умумии истифодаи об аз ҳисоби ҳаққи хидмати обрасонӣ дар шакли афзоиши  солҳои охир то имрӯз ба 17,6 миллион сомонӣ расидааст. Қарзи истифодаи об дар ноҳияи Мастчоҳ ба 6,6 миллион, Зафаробод - 6 миллион, Бобоҷон Ғафуров ба - 2,2 миллион сомонӣ баробар аст. Сарфи назар аз он ки имрӯз дар вилоят 240 ассосиатсияи истифодабарандагони об фаъолият дорад, дар самти ҷамъоварии маблағи пардохти ҳаққи хизмат беҳбудӣ ба чашм намерасад. Ва бо ҳамин ваҷҳ бисёр мутахассисони кордидаву ҳирфаии раёсатҳои беҳдошти замин ва обёрии навоҳии вилояти Суғд бинобар сари вақт нагирифтани музди маош тарки вазифа мекунанд. Қарзи музди меҳнат бошад, то имрӯз дар раёсати беҳдошти замин ва обёрии вилоят  6 миллиону 257 ҳазор сомониро ташкил медиҳад.
Сарфи назар аз камбудиҳои ҷойдошта мутахассисони Раёсати беҳдошти замин ва обёрии вилоят ҷиҳати муътадил бо об таъмин кардани кишоварзони вилоят талош меварзанд.

Ҷовиди АШТӢ, «Ҷумҳурият»


Баёни ақида (0)    Санаи нашр: 27.04.2016    №: 81    Мутолиа карданд: 471

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед