logo

сиёсат

РАЪЙПУРСӢ БА НАФЪИ ҶОМЕА АСТ

Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров дар доираи сафари кориаш ба Федератсияи Русия бо намояндагони корпуси дипломатии Сафорати Ҷумҳурии Тоҷикистон дар ин кишвар ва роҳбарони намояндагиҳои мақомоти расмии Ҷумҳурии Тоҷикистон дар Русия оид ба раъйпурсии умумихалқӣ дидору гуфтугӯ намуд.

Бино ба иттилои Муҳамадато Султонов, котиби матбуотии Маҷлиси намояндагони Маҷлиси Олӣ, зимни мулоқот Сафири фавқулода ва мухтори Ҷумҳурии Тоҷикистон дар Федератсияи Русия Имомуддин Сатторов перомуни омодагиҳо ба маъракаи муҳими сиёсии дарпешистода - ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон маълумоти муфассал ироа намуд. Ба гуфтаи ӯ, кормандони сафорат бо аъзои Шӯрои ҷамъиятии назди сафорат, ки аз фаъолон ва роҳбарони диаспораҳои тоҷики минтақаҳои гуногуни Русия иборат мебошанд, мунтазам мулоқот анҷом дода, онҳоро барои ба раъйдиҳандагон фаҳмондани зарурияти тағйиру иловаҳои ба Конститутсия воридшаванда ҷалб намудааст.
Ҳамзамон, дар сафорат ҷаласаи махсуси машваратӣ бо иштироки роҳбарони намояндагиҳои мақомоти расмии Ҷумҳурии Тоҷикистон дар Русия ва кормандони масъули сафорат, доир гардид. Дар он масъалаҳои дар сатҳи баланди сиёсиву ташкилӣ баргузор намудани раъйпурсии умумихалқӣ, пурзӯр намудани корҳои таблиғотиву ташвиқотӣ, назорат ва ҳамоҳангсозии ин маъарака дар қаламрави Федератсияи Русия, ташкили ҳавзаи раъйпурсӣ ва ҳайати комиссияи ҳавзавии раъйпурсӣ мавриди баррасӣ қарор гирифт. Айни замон дар шаҳри Маскав се гӯшаи иттилоотӣ доир ба раъйпурсӣ дар назди сафорат, хадамоти консулӣ ва меҳмонхонаи «Ҳукумати Тоҷикистон» таъсис дода шудааст.
Имомуддин Сатторов зикр кард, ки сафорат ҷиҳати огоҳии бештар пайдо намудани ҳамватанони муқими Русия бо истифода аз зарфиятҳои иттилоотии худ тадбирҳои муассир андешидааст. Аз ҷумла, дар сомонаи сафорат бахши алоҳидаи вобаста ба ин маъракаи муҳими сиёсӣ, ки дар он маълумот оид ба мақсад ва моҳияти раъйпурсӣ ҷо дода шудааст, фаъол гашт. Рӯзномаи «Тоҷикони Россия»  бо теъдоди 50 ҳазор нусха нашр ва дастраси ҳамватанон гардид, ки дар он низ маводи зарурӣ ва даъват барои иштирок дар раъйпурсӣ чоп шудааст. Бо ибтикори сафорат мусоҳибаи сафир дар хабаргузории «Россия сегодня», бахши «Россия для всех» пахш гардид. Дар ин робита, сафорат нашри маводи таблиғотӣ ва маълумот дар бораи участкаҳои раъйпурсӣ дар шаҳрҳои Маскав, Уфа ва Екатеринбургро дар ВАО - и кишвар ва паҳн кардани онҳоро дар фурудгоҳҳо ва вокзали роҳи оҳани Тоҷикистон ба шаҳрвандони мо, ки ба Федератсияи Русия сафар мекунанд, мувофиқи мақсад меҳисобад. Сафорат ба намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Русия, консулҳои фахрии Тоҷикистон дар шаҳрҳои Санкт - Петербург ва Краснодар дастур дод, ки бо ҳамватанон вохӯрда, корҳои таблиғотиро дар сатҳи баланд ба роҳ монанд ва ҳар ҳафта ба сафорат ҳисобот манзур намоянд.
 Шукурҷон Зуҳуров зимнан иброз дошт, ки ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон тақозои замон буда, дар пешрафти иқтисодиву иҷтимоӣ ва фарҳангиву маънавии ҷомеа, тарғиби анъанаҳои миллӣ, таълиму тарбияи насли наврас, ба камол расондани инсони комил ва рушди неруи инсонӣ нақши чашмрас бозида, аз нуқтаи назари манфиатҳои давлатию миллӣ танҳо ба нафъи ҷомеа аст.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 27.04.2016    №: 81    Мутолиа карданд: 391

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед