logo

ҳуқуқ

ПУРСИШУ ПОСУХ

Ба саволҳо Ғуфрон Бойматов - узви мушовараи адвокатҳои вилояти Суғд ва Айналишо Айналишоев, муовини сардори Раёсати адлияи Вилояти Мухтори Кӯҳистони Бадахшон, ҷавоб доданд. Зимнан, агар хонандагони гиромӣ пурсише доранд, метавонанд бо телефони 238 - 54 - 16 ба мо муроҷиат намоянд.

- Бо баъзе сабабҳо аз қайди никоҳи давлатӣ нагузашта, оила барпо кардам. Фарзанди ягонаи 2,5 - солаамонро оилаам, бе иҷозати ман, ба хонаи модараш бурду тасмим гирифтааст, ки ҳамон ҷо бимонад. Ба ман иҷозат намедиҳад, ки ба хонаашон омада, фарзандамро бинам. Оё ман ҳуқуқи дидани фарзандамро дорам?
 Э. Раҳматов, сокини шаҳри Қайроққум

- Аз саволатон фаҳмидан душвор аст, ки падарии шумо нисбат ба фарзандатон тибқи қоидаҳои муқаррарнамудаи қонунгузории амалкунанда муқаррар гардидааст ё не (хуб мешуд, ки ба ин нукта равшанӣ меандохтед). Агар падарии шумо муқаррар нагардида бошад, пас зарур аст, ки аввал падариатонро бо тартиби муайянкардаи қонун муқаррар намуда, баъдан барои ҷудо намудани вақти муайян ҷиҳати муошират бо фарзандатон ба Комиссияи ҳифзи ҳуқуқи кӯдаки мақомоти иҷроияи маҳаллии ҳокимияти давлатии маҳалли зистатон бо ариза муроҷиат кунед.


- Чӣ тавр иттиҳодияҳои ҷамъиятӣ метавонанд фаъолияти худро қатъ намоянд?
С. Фозилов,
 сокини ноҳияи Роштқалъа

- Иттиҳодияҳои ҷамъиятӣ бо ихтиёри худ ё бо тариқи судӣ барҳам дода мешаванд. Дар ин бора ба мақомоти бақайдгиранда бо ариза муроҷиат намуда, ҳуҷҷатҳои зеринро пешниҳод менамоянд: эълон дар рӯзномаи маҳаллӣ, шаҳодатнома ва оинномаи ташкилоти ҷамъиятӣ, протоколи маҷлиси умумӣ оид ба қатъи фаъолият, маълумотнома аз кумитаи андоз оид ба набудани қарздорӣ дар назди буҷет.
Қонуни Ҷумҳурии Тоҷикистон “Дар бораи иттиҳодияҳои ҷамъиятӣ” барои барҳам додани иттиҳодияи ҷамъиятӣ ё манъ кардани фаъолияти он чунин асосҳоро муқаррар намудааст. Аз ҷумла, риоя накардани ҳуқуқ ва озодиҳои инсон ва шаҳрванд, Конститутсияи Ҷумҳурии Тоҷикистон, қонунҳои конститутсионӣ, қонунҳо ё дигар санадҳои меъёрии ҳуқуқӣ ё аз тарафи иттиҳодияи ҷамъиятӣ мунтазам анҷом додани фаъолияте, ки ба мақсадҳои оинномавии он мухолифат менамояд, бартараф накардани камбудиҳое, ки барои баровардани амри хаттӣ ё огоҳиномаи хаттии мақомоти прокуратура ва бақайдгиранда асос гардидаанд.
Ариза дар бораи барҳамдиҳии иттиҳодияи ҷамъиятӣ аз тарафи мақомоти бақайдгиранда ё Прокурори генералии Ҷумҳурии Тоҷикистон ё прокурорҳои тобеи он ба суд пешниҳод карда мешавад. Барҳамдиҳии иттиҳодияи ҷамъиятӣ бо ҳалномаи суд маънои онро дорад, ки фаъолияти иттиҳодия, сарфи назар аз мавҷудияти бақайдгирии давлатии он, манъ карда мешавад. Иттиҳодияи ҷамъиятии барҳамдодашуда бо номи дигар сабт шуда наметавонад.

 Шуъбаи ҳуқуқи рӯзномаи
“Ҷумҳурият”


Баёни ақида (0)    Санаи нашр: 28.04.2016    №: 82    Мутолиа карданд: 583

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. Музди миёнаи меҳнат – 1350 сомонӣ

ТИББИ ОИЛАВӢ МУҲИМТАРИН РУКНИ ТАНДУРУСТӢ


Дар сомонаҳои дигари Тоҷикистон хонед