logo

фарҳанг

ТАҲСИЛОТИ ОЛИИ ЖУРНАЛИСТӢ. МАГАР МО ҚАНОАТМАНДЕМ?

Журналистон шахсонеанд, ки дар баробари ба миён овардани афкори ҷамъиятӣ дар ҳалли проблемаҳои мавҷудаи ҷомеа низ саҳм мегузоранд. Айни ҳол дар кишвар зиёда аз 500 расонаи хабарӣ ба қайд гирифта шудааст, ки қисми зиёди онҳо фаъолияти хуб доранд. Мувофиқи маълумотҳо ин расонаҳо пурра бо кадрҳо таъмин нестанд. Чаро?

Журналистика ин касбест, ки бештар ба амалия такя мекунад. Бе омӯхтани назария ҳам шахс метавонад журналист шавад. Имрӯз мо бо рӯзноманигорони боистеъдоде рӯ ба рӯ мешавем, ки дар факултаи журналистика нахондаанд ва дар раванди кор дар матбуот, бо мурури замон, назарияро низ аз худ намудаанд. Ин худ гувоҳи он аст, ки дар журналистика фаъолияти амалӣ басо муҳим мебошад.
Дар Тоҷикистон 8 муассисаи таҳсилоти олии касбӣ: донишгоҳҳои миллӣ ва славянии Русияю Тоҷикистон, шаҳрҳои Хуҷанд, Хоруғ, Кӯлоб, Қӯрғонтеппа, донишкадаҳои фарҳангу санъат ва тарбияи ҷисмонӣ кадрҳои журналистӣ тайёр мекунанд. Ҳамасола зиёда аз 200 нафар соҳиби дипломи журналистӣ мешаванд, аммо ВАО то ҳол ба мутахассисони соҳибкасб ниёз доранд. Албатта, ин маънои онро надорад, ки муассисаҳои таълимӣ мутахассисони хубро омода карда наметавонанд. Гап сари он аст, ки на ҳамаи донишҷӯёни журналистикаро интихоб карда ба ин касб майл ва рағбат доранд.
Бояд гуфт, ки имрӯз дар баробари муассисаҳои таҳсилоти олии касбӣ, инчунин курсҳои кӯтоҳмуддате ҳастанд, ки ба журналистони касбӣ равияҳои иқтисодӣ, сиёсӣ ва фарҳангиро вобаста ба шавқи худашон меомӯзанд. Пас аз хатми курсҳо ба онҳо шаҳодатнома (сертификат) дода мешавад, ки метавонанд бо он дар расонаҳои хабарӣ кору фаъолият намоянд. Мушоҳидаҳо нишон медиҳанд, ки имрӯз баъди хатми курсҳои кӯтоҳмуддат низ нафарони зиёде дар ВАО мавқеъ пайдо намудаанд.
Устоди факултаи журналистикаи Донишгоҳи миллии Тоҷикистон Қироншоҳ Шарифзода, ки таҷрибаи кории беш аз 30 – сола дар матбуоти даврӣ дорад, мегӯяд: « Баҳси « нозарур» будани таҳсилоти олии журналистӣ поя надорад, вале ҳамзамон гап дар сари сифати ин гуна таҳсил аст ва ин ду ҷанбаи муҳим дорад.
Аввал, кӣ ба ҳайси донишҷӯ ба факултаи журналистика меояд? Мутаассифона, аксари журналистшавандаҳо бе огоҳӣ, бе омодагии ибтидоӣ, гоҳо худ бехабар, дар қатори донишҷӯёни факултети журналистика ҷой мегиранд. Низоми нави қабул аз тариқи Маркази миллии тестӣ ба чунин таваккалдохилшавиҳо мусоидат мекунад, чун солҳои пеш барои довталабони факултаи журналистика марҳалаи аввали озмуни касбӣ вуҷуд дошт, ки довталаб бо навиштани иншо дар мавзӯи озод, суҳбати рӯ ба рӯ бо ҳайати устодон ва пешниҳоди маводи чопшуда дар матбуоти даврӣ ва тавсиянома аз идораи нашрияҳо, хоҳишу азми хешро ба касби оянда таъкиду тасдиқ менамуданд. Дарвоқеъ, чунин озмуни эҷодӣ барои довталабони факултаҳои журналистикаи муассисаҳои таҳсилоти олии касбӣ дар аксари кишварҳои пасошӯравӣ барҷост ва ин бегумон, як ҷузъи мустақилияти факултаҳои журналистика мебошад.
 Дигар, устодони соҳаи журналистика худ бояд аз мактаби журналистикаи амалӣ гузашта ва бо фаъолияти ВАО ҳамнаво бошанд. Чунин амал имкон медиҳад, ки огоҳии мунтазами устод аз равандҳои пурвусъату зудгузари ВАО, пайвандии ӯ бо таҳаввулоти ҷомеаи журналистӣ бо шогирд «сироят» намояд ва шавқу шӯр, хоҳишу дилбастагии ӯро ба касби оянда такон бахшад».
Манбаи тайёр намудани кадрҳои журналистиро аз мактаби миёна бояд ҷуст. Агар дар мактабҳои таҳсилоти миёна барои шахсоне, ки мехоҳанд дар оянда журналист шаванд, маҳфилҳои гуногун ба монанди «Навқаламон» ё «Роҳ ба сӯи эҷод» баргузор гарданд, то хонандагоне, ки мехоҳанд дар оянда журналист шаванд, дар ин гуна маҳфилҳо дониши худро сайқал диҳанд. Агар чунин хонандагонро ба маҳфилҳо даъват карда, бо онҳо дар масъалаи такмили малака ва завқу истеъдод суҳбатҳои муфид анҷом диҳанд аз аҳамият холӣ нахоҳад буд. Чунин дидорҳо, албатта, барои устувор намудани орзуву хоҳиши хонандагон кӯмак хоҳа расонд.
Маърифат РАҲМОНШОЕВА, донишҷӯи ДМТ


Баёни ақида (0)    Санаи нашр: 28.04.2016    №: 82    Мутолиа карданд: 586

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед