logo

ҳуқуқ

РӮДАКӢ: 8413 НАФАР БОРИ АВВАЛ ОВОЗ МЕДИҲАНД

- Рушди устувори ҷомеаи муосир ҳамеша ба такмили меъёрҳои конститутсионӣ ниёз дорад. Такмили меъёрҳои конститутсионӣ бошад, дар навбати худ талаб мекунад, ки қонунҳои амалкунанда такмил ёбанд. Дар натиҷа барои рушди соҳаҳои иқтисодӣ, сиёсиву иҷтимоӣ ва фарҳангӣ шароити бештару хубтар фароҳам меояд.
Аз ин рӯ, ворид намудани тағйиру иловаҳо ба Конститутсия (Сарқонуни) Ҷумҳурии Тоҷикистон ва ба раъйпурсии умум пешниҳод намудани он амри саривақтист ва ҳар фарди боору номуси кишварро зарур аст, ки дар ин маъракаи муҳими сиёсӣ фаъолона иштирок намуда, ба ин васила, саҳми худро дар рушду инкишофи кишвари хеш гузорад. Аз ҷониби дигар, иштироки фаъоли мардум дар ин маърака ба он вобастагӣ дорад, ки мо то кадом андоза тавонистем зарурати ин тағйиру иловаҳоро ба онҳо фаҳмонем,- мегӯяд Зайниддин Арбобов, раиси ҳавзаи раъйпурсии Рӯдакӣ № 11.
Аз рӯи ҳисоботи пешакӣ дар ноҳия шумораи иштироккунандагон дар ин маърака 245237 нафар мебошад. Аз ҷумла, 8413 нафар бори аввал дар ин маърака иштирок хоҳанд кард. Аъзоёни комиссияи ҳавза миёни ҷавононе, ки ба синни ҳаждаҳ расидаанд ва дар ин маърака иштирок менамоянд, мунтазам вохӯриҳо доир намуда, атрофи тағйиру иловаҳо ба Конститутсия (Сарқонуни) Ҷумҳурии Тоҷикистон маълумоти зарурӣ пешкаш менамоянд. Бандҳо ва нуктаҳои муҳиме, ки дар онҳо тағйирот ворид шудааст, бозкушоӣ мекунанд. Ба иттилои Зайниддин Арбобов аъзои комиссияи ҳавза дар ҷамоатҳои шаҳраку деҳоти Сомониён, Эсанбой, Роҳатӣ, Чоряккорон низ бо раъйдиҳандгон чунин вохӯриҳо гузарондаанд.
 “Ба хотири бештару хубтар огоҳ намудани мардум аз муҳтаво ва аҳамияти ин маъракаи муҳими сиёсӣ - раъйпурсии умумихалқӣ, ки 22 майи соли равон баргузор мегардад, дар ноҳия корҳои назаррасе иҷро шуда истодааст. Барӯйхатгирии раъйдиҳандагон сари вақт ба охир расида, ба онҳо тақсим намудани хабарномаҳо ва фаҳмондани тарзи дуруст пур кардани бюллетенҳо аз масъалаҳои муҳимест, ки аъзои коммиссияи ноҳия ба он таваҷҷуҳи бештар доранд. Дар ноҳия 144 участкаҳои раъйпурсӣ ташкил шудааст, ки ҳамаи онҳо шомили ҳавзаи интихоботии № 11 мебошанд”- мегӯяд З. Арбобов.

Фарзонаи ФАЙЗАЛӢ, “Ҷумҳурият”


Баёни ақида (0)    Санаи нашр: 28.04.2016    №: 82    Мутолиа карданд: 461

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед