logo

сиёсат

ТОҶИКИСТОН МИЗБОНИ ФОРУМИ СОЗМОНИ ҲАМКОРИИ ШАНХАЙ

Имрӯз дар пойтахти Ватанамон - шаҳри Душанбе ҷаласаи ёздаҳуми Форуми Созмони ҳамкории Шанхай ба кор шурӯъ кард. Ҳамоиши мазкур яке аз муҳимтарин чорабиниҳои сиёсию таҳлилии ин созмони бонуфузи байналмилалӣ буда, бо Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оғоз ёфт. Дар он 120 меҳмони баландпоя аз 20 кишвари ҷаҳон ва созмонҳои байналмилалӣ ширкат дорад.

Сардори раёсати таҳлил ва ояндабинии сиёсати хориҷии Маркази тадқиқоти стратегӣ Абдуллоҳи Раҳнамо перомуни аҳамият ва масоили дар ин ҳамоиши сатҳи баланд матраҳшаванда назари худро ба «Ҷумҳурият» чунин баён намуд:
- Форуми Созмони ҳамкории Шанхай ниҳоди таҳлилӣ ва коршиносии ин созмон буда, бори дувум аст, ки дар Ҷумҳурии Тоҷикистон баргузор мешавад. Вазифа ва ҳадафи ҳамоиш таҳлили амиқи самтҳои асосии фаъолияти ниҳоди мазкур, таҳия ва пешниҳоди маводи босалоҳияти коршиносӣ, пешбинии масъалаҳо, имкониятҳои рушди созмон ва таъмини таҳлилию иттилоотии фаъолияти он мебошад. Яъне, Форуми СҲШ марказ ва мағзи таҳлилии ин созмон буда, заминаи таҳлили коршиносии ҳар як қарори қабулшаванда дар доираи ин ниҳодро фароҳам меорад. Ба дӯши созмон, ҳамчунин, таҳияи лоиҳаи барномаҳо ва стратегияҳои асосии рушд ва тавсеаи СҲШ гузошта шудааст.
Барои анҷоми чунин вазифаи муҳими байналмилалӣ, Форуми СҲШ марказҳои таҳлилии кишварҳои узв ва шарикони созмонро бо ҳам муттаҳид намуда, ҳамасола ҳамчун як ҳамоиши бузурги таҳлилию коршиносӣ дидгоҳ ва таҷрибаи кишварҳои созмонро баррасӣ ва ҷамъбаст менамояд. Маводи форум дар шакли мулоҳизаю пешниҳодҳо барои шиносоӣ ва тасмимгирӣ ба мақомоти роҳбарии кишварҳои иштироккунанда пешниҳод мешавад. Ҳамоиши Душанбе на танҳо барои кишварҳои узви СҲШ, балки тамоми минтақа як рӯйдоди муҳими сиёсию таҳлилӣ мебошад.
Дар ҳашт ҷаласаи ҳамоиши Душанбе, ки тайи ду рӯз дар Китобхонаи миллии Тоҷикистон баргузор мешавад, масъалаҳои муҳиме, назири нақш ва ҷойгоҳи СҲШ дар мубориза бо таҳдидҳои муосири глобалӣ, аз ҷумла терроризм ва экстремизми динӣ, дурнамои рушди ҳамкориҳои иқтисодӣ дар ҳавзаи кишварҳои созмон, масъалаҳои истифодаи оқилонаи обу энергетика дар минтақа, рушди ҳамкорӣ дар бахши нақлиёту коммуникатсия, ояндаи ҳамкориҳои илмию омӯзишӣ дар доираи Форуми ҷавонони СҲШ, дурнамои тавсеаи СҲШ ва ҳамкориҳои самараноки он бо созмонҳои дигари минтақавӣ мавриди таҳлилу баррасии мутахассисон қарор мегиранд.
Дар назар аст, ки коршиносон аз кишварҳои узви СҲШ омилҳои асосии рушди ифротгароӣ ва терроризм, сатҳ ва миқёси воқеии хатарҳои пешомада дар ин замина, роҳҳои муассири мубориза бо он, нақши Маркази зиддитеррористии СҲШ дар ин самтро омӯхта, дар мавриди нақши ин ниҳод дар ҳалли буҳрони Афғонистон ва зарурати  фаъолсозии гурӯҳи муштараки «СҲШ-Афғонистон» табодули назар намоянд.
Ҷумҳурии Тоҷикистон, ки яке аз кишварҳои таъсисдиҳандаи Созмони ҳамкории Шанхай мебошад, ба узвияти худ дар ин созмон аҳамияти махсусан муҳим қоил буда, дар тамоми давраи мавҷудияти он ҳамчун яке аз аъзои фаъол шинохта шудааст. Баргузории нишасти сарони давлатҳои узви СҲШ дар шаҳри Душанбе дар соли 2014 ва инак, баргузории Форуми ёздаҳуми ин созмон дар пойтахти кишварамон нишонгари обрӯи афзояндаи Тоҷикистон на танҳо дар доираи созмон, балки дар сатҳи минтақа ва ҷаҳон мебошад.
СҲШ имрӯз дар ҷаҳон ҳамчун яке аз муассиртарин созмонҳои байналмилалӣ шинохта шуда, дар он Ҷумҳурии Мардумии Чин, Федератсияи Русия, Қазоқистон, Қирғизистон, Тоҷикистон ва Ӯзбекистон узвият доранд. Ҳоло як қатор кишварҳои ҷаҳон, аз ҷумла Ҳиндустон, Покистон, Беларус, Туркия, Афғонистон, Эрон, Арманистон, Озарбойҷон, Муғулистон, Камбоҷа, Шри-Ланка, Непал ба унвони кишварҳои нозир ва ё шарикони муколама дар кори он ширкат менамоянд. Мувофиқи қарори сарони давлатҳои узви СҲШ, аз соли 2015, дар назар аст, ки ояндаи наздик барои узвияти Ҳиндустон ва Покистон ба ин созмон шароити зарурӣ фароҳам оварда шавад. Чунин таваҷҷуҳи васеи байналмилалӣ баёнгари аҳамияти бузург ва обрӯи афзояндаи СҲШ буда, баргузории форуми ин созмон дар пойтахти кишвари соҳибистиқлоли мо қадами дигаре барои тақвияти ҷойгоҳи байналмилалии Тоҷикистон ба ҳисоб меравад.
Қарору пешниҳодҳое, ки дар форуми Душанбе коркард ва қабул мешаванд, барои марҳалаи нави рушди устувори Созмони ҳамкории Шанхай аҳамияти ҷиддии назариявӣ ва амалӣ хоҳанд дошт.

Додоҷон РӮЗИЕВ,  «Ҷумҳурият»


Баёни ақида (0)    Санаи нашр: 28.04.2016    №: 82    Мутолиа карданд: 417

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед