logo

сафарҳо

Сардори давлат дар вилояти Суғд

23 июни соли 2009 Эмомалӣ Раҳмон, Президенти Ҷумҳурии Тоҷикистон, баҳри иштирок дар тантанаҳои ҷумҳуриявии идона бахшида ба Рӯзи Ваҳдати миллӣ ва ҳамчунин шиносоӣ бо вазъи иҷтимоию иқтисодӣ ва фарҳангии вилояти Суғд ба шаҳри Хуҷанд сафар кард.
Сардори давлат Эмомалӣ Раҳмон дар чаҳорчӯби барномаи сафараш то рӯзи 27 июн аз як қатор шаҳру ноҳияҳои вилояти Суғд дидан карда, шумораи зиёди иншооти иҷтимоию фарҳангӣ,  энергетикию саноатӣ ва нақлиётию коммуникатсиониро, ки бунёдашон дар арафаи иди умумимиллии сулҳу ваҳдат  анҷом ёфтааст, мавриди баҳрабардорӣ қарор медиҳад.
Дар фурудгоҳи шаҳри Хуҷанд    Президенти мамлакат    Эмомалӣ Раҳмонро бо шукргузорӣ аз сиёсати ваҳдатоварӣ ва бунёдкорию созандагӣ бо шодию сурур ва дилхушиҳои аҳли ҷамоа истиқбол гирифтанд. 
Ифтитоҳи пули азими 427 – метра, ки дар чаҳорчӯби лоиҳаи азнавсозии роҳи мошингарди Душанбе-Хуҷанд-Чанак бунёд ёфтааст, аз тантанаҳои нахустини идона дар арафаи Рӯзи Ваҳдати миллӣ гашт.
Сардори давлат Эмомалӣ Раҳмон лентаи рамзиро бурида, ин пули азимро расман мавриди баҳрабардорӣ қарор дод ва таъкид намуд, ки Тоҷикистон бо сохтмон ва азнавсозии роҳу пулҳо ва нақбҳо, ки дар тамоми гӯшаю канори мамлакат босуръат ва сифати баланд идома дорад, рӯз ба рӯз ба марраи раҳоӣ аз бунбасти коммуникатсионӣ наздик мешавад.
Хотиррасон бояд намуд, ки сохтмони ин пул дар болои дарёи Сир аз ҷониби Ширкати сохтмони роҳ ва пулҳои Ҷумҳурии Мардумии Чин (Чайна Роуд) моҳи сентябри соли 2007 оғоз ёфта буд.
Бари умумии пул 10 метр ва қисми мошингардаш  8 метр буда, аз ду тараф ба андозаи 1 -метрӣ роҳи пиёдагард дорад.
Пули мазкур яке аз 15 кӯпрукест, ки мутобиқи лоиҳаи таҷдиди роҳи автомобилгарди Душанбе-Чанак дар қитъаи № 4 бо харҷи 14,7 миллион  доллари амрикоӣ бунёд ёфтааст.
Иштироки Президенти мамлакат Эмомалӣ Раҳмонро дар маросими ба истифода додани бинои нави Маркази вилоятии солимгардонии шараёну дил дар шаҳри Хуҷанд ва сӯҳбатҳои дилнишинашро бо кормандони он метавон нишонаи таваҷҷӯҳ ва ғамхории  доимӣ ба соҳаи тибби мамлакат арзёбӣ намуд.
Зимни шиносоӣ маълум гардид, ки ин бино аз ҷониби ҶММ «Бунёд» бо харҷи 2,3 миллион  сомонӣ бунёд ёфтааст.
Дар чаҳорчӯби ҳамин лоиҳа ҳамчунин 4 бинои пешинаи Маркази солимгардонии шараёну дил аз таъмири асосӣ бароварда шуда, шумораи умумии катҳои он ба 75 адад расонда шуд.
Зимни суханронӣ Сардори давлат Эмомалӣ Раҳмон ҳамчунин мужда расонд, ки ба наздикӣ дар шаҳри Хуҷанд бо харҷи 44 миллион сомонӣ сохтмони боз ду табобатхонаи нави муосир оғоз меёбад.
Худи ҳамин рӯз Сардори давлат Эмомалӣ Раҳмон ҳамчунин дар маҳаллаи 8-уми шаҳри Хуҷанд дар маросими мавриди баҳрабардорӣ қарор гирифтани бинои 9 – қабатаи истиқоматӣ иштирок карда, аз ҷараёни корҳои созандагӣ дар шаҳри Хуҷанд,  муҳайё гаштани ҷойҳои корӣ ва соҳиби хона шудани 36 оилаи кормандони соҳаҳои буҷетӣ  изҳори хушнудӣ намуд.
Зимни шиносоӣ таъкид гардид, ки бинои мазкур бо харҷи 7 миллион сомонӣ маблағҳои буҷетӣ бунёд ёфта, иборат аз 2 хонаи 2-ҳуҷрагӣ ва 34 хонаи 3-ҳуҷрагӣ аст.
Сардори давлат Эмомалӣ Раҳмон ҳамчунин аз як зардолубоғи ноҳияи Бобоҷон Ғафуров дидан карда, аз ҳосили фаровони он  ва рафти хушкнамоии зардолу изҳори хушнудӣ намуд.
Зимни боздид зикр гардид, ки имсол дар ҳудуди вилоят 1700 гектар боғҳои нав бунёд ёфтаанд. Қисмати зиёди онро зардолубоғ ташкил медиҳад. Иттилоъ дода шуд, ки айни ҳол барои васеъ намудани майдони зардолубоғҳои ҷумҳурӣ дар заминҳои 7 хоҷагии ниҳолпарварии ҷамъиятӣ наздики 700 ҳазор  навниҳоли зардолу парвариш меёбад.
Сардори давлат Эмомалӣ Раҳмон зардолуро яке аз меваҳои асосии содиротии Тоҷикистон номида,  дастур дод, ки майдони зардолубоғҳо дар тамоми минтақаҳои кишвар зиёд карда шавад.


Баёни ақида (0)    Санаи нашр:    №:    Мутолиа карданд: 641

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД


Дар сомонаҳои дигари Тоҷикистон хонед