logo

иҷтимоиёт

БЕМОРХОНА ТАНҲО ҶОИ ТАБОБАТИ ДАРДҲОИ ҶИСМОНӢ НЕСТ

Мушоҳидаҳое, ки дар беморхонаи  «Қарияи боло» - и  шаҳри  Душанбе  намудам, маро ба  андешаҳо водор  сохт.  Ба худ фикр кардам, ки  ин манзараву мушоҳидаҳоро  бояд  навишт.

Субҳи барвақт  буд, ки аз садои ҳампалатаам бедор шудам. Ӯ, ки табиатан зани ором буд, ғайричашмдошти ман ба сари шавҳараш дод мезад:  «Барои чӣ инҳо  (коргарони беморхонаро дар назар дошта) маблағ талаб мекунанд, магар пули ба сардухтур  супоридаамон  кам аст? Чаро бояд ҳар нафаре аз кормандон пул талаб карда бошад. Яке  пули  ҳуҷраи  хоб,  дигаре  пули  хизмати фаррош,  сеюми пули ҳамшираи навбатдор...
Инсоф  ҳам чизи хуб аст. Магар онҳо намедонанд, ки писарамон дар кадом ҳол аст. Наход ҳис накунанд, ки ҳамин як дорупулӣ  якмоҳа  хӯроки оилаамон  мешавад?
Шавҳарашро пеши ҷаҳли ӯ ноилоҷ дида, наздиктар нишастаму хостам тасаллояш диҳам.
- Ором шавед, апаҷон.  Ин рӯзҳо мегузаранд, муҳим писарчаатон шифо ёбад… Вале зан, ки аз аспи ҷаҳл фаромаданӣ набуд, якбора оташ гирифтагӣ барин идома дод:  «Чӣ  тавр ба ин  чашм пӯшам, дар  ҳоле, ки кор то ба ин  дараҷа расидааст. Барои аз даст надодани писарам  ҷонамро медиҳам. Вале монанд аввал ғами писарам яктарафа шавад, ду баробари хостагиашон одамгарӣ мекунам. Охир  ғами бемории кӯдакам  бароям  кифоят  мекунад,  таҳаммули  чунин  даъвоҳоро  надорам.
Дар вуҷуди баъзеи инҳо нишоне ҳам аз меҳру шавқат намондаст. Боз шарм накарда  мегӯянд: «Мо ҳаққи худро талаб карда истодаем». Кадом  ҳақ? Худашон инро намефаҳманд. Маоше, ки аз тарафи давлат мегиранд,  ҳақ нест магар?».
Дар бораи ҷаҳли ин модари ноилоҷ дертар фикр кардам. Вақте ки ҳама гӯйё фаромӯш шуда буду дар рӯ ба рӯям бо писарчаи акнун ба худ омадааш хушҳолу кӯдаквор бозӣ мекард.
Агарчи ӯ дар сари ҷаҳл гуфта буд, дуруст гуфт. Худам шоҳид будам, ки шавҳараш рӯзи дуюми ба палатаи мо омадани зан «ҳаққи духтур» гуфта чанд сомонӣ ба дасти ӯ дода буд. Ва ҳар миқдори дигаре, ки мегуфтанд, баробари ӯ ману нафари сеюм низ медодем: ҳам пули ҳамшираҳо, ҳам аз фаррош ва ҳам аз ҷойи хоб.
Инро ҳамагон мебинанд ва медонанд, вале нодида мегиранд. Зеро дар  ҳолате ба ин масъала рӯ ба рӯ  мешаванд, ки маргу зиндагӣ  аз гиребони якдигар доштаанд.  Дар ин ҳолат аксарият аз пулу мол ва арзиши он фикр намекунанд. Баъзеҳо дилашонро  холӣ  карда  ҷанҷол мекунанд, вале  ин ҳанӯз роҳи ҳалли масъала нест. Балки мавзӯи доғест, ки аз масъулон ҳалли  оқилонаро  тақозо менамояд. Беморхона танҳо ҷойи табобати дардҳои ҷисмонӣ нест. Он ҷо хоҳем нахоҳем дардҳои маънавиро низ табобат бояд кард. Беморхона ҷойест, ки мубодилаи афкорро тавлид мекунад ва вазифаи ҷонии масъулон аст, ки ана ҳамин афкор солим бошад, на баръакс. Зеро шоҳидони ҳол дар баробари ҳар як фарди хилъати сафедпӯш ҳамчунин ба сохторҳои давлатӣ ва соҳаи тандурустии он низ баҳо медиҳанд. Ҳамин тавр не?!
Сарвиноз ШОДМОНОВА,
«Ҷумҳурият»


Баёни ақида (0)    Санаи нашр: 5.05.2016    №: 86    Мутолиа карданд: 445

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед