logo

фарҳанг

КИНОТЕАТРҲО ФАЪОЛ НЕСТАНД, ЧАРО?

Ҳангоми аз кӯчаи Шевченко гузаштан чашмам ба бинои вайронае афтод, бо деворҳои  аз ним рехта, ҳар гуна навиштаҷот ва аксҳо. Ин гувоҳӣ аз он медод, ки дар гузашта макони фарҳангие будааст. Ҳисси кунҷковиам боло гирифту ба наздаш рафтам, дидам, ки дохилаш пур аз партов, дар назар мисли биноҳои садсола метофт.

Аз бошандагони он ҷо пурсон шуда фаҳмидам, ки ин бинои кинотеатри тобистонаи «Ташкент»  будааст. Кинотеатре, ки як замон дараш ба рӯйи тамошобинон боз буду хуб фаъолият дошт. Ҳоло ҷои ахлотпартоии сокинони  атрофи он гардидааст. Ин ҳолат маро ба андеша водор намуд, ки чаро имрӯз мардум ба кино ва  театр кам таваҷҷуҳ доранд. Шояд ин кохҳои фарҳангӣ наметавонанд сокинонро ҷалб кунанд. Ҳадаф аз навиштаҷот на дар бораи ин як бинои хароб, балки  бетаваҷҷуҳии мардум нисбат ба кинотеатрҳост.  Гарчанде ки имрӯз мардум аз антеннаҳо  ва интернет  истифода мебаранд, аммо тамошои кино дар кинотеатр таъсиру завқи дигар дорад.
 Мушкилӣ дар фаъолияти кинотеатрҳо зиёд аст,  - мегӯяд сардори  Корхонаи воҳиди давлатии   «Тоҷиккино» Маҳмадкарим  Соҳибов. - Аз ҷумла таъмир намудани  бинои кинотеатрҳо, набудани  таҷҳизоти  замонавӣ  барои           фаъол гардондани намоиши кино ва набудани муассисаҳои таълимии соҳаи киноматография. Корхонаи «Тоҷиккино» худмаблағгузор буда, бинобар сабаби норасоии маблағ   ин корҳо ба таъхир гузошта шудаанд. Барои таъмири биноҳои фарсуда  ва таъмини кинотеатрҳо бо таҷҳизоти нави муосир чораҷӯӣ  карда истодаем. Гарчанде дар фаъолияти кинотеатрҳо мушкилиҳои зиёд ба назар мерасанд,  бо вуҷуди ин ҳам,  ҳамарӯза филмҳо ба намоиш гузошта мешаванд. Айни ҳол дар шаҳри Душанбе бештар  аз 10 адад кинотеатр фаъолият доранд. Инҳо кинотеатрҳои «Ватан», «Тоҷикистон», «Ситора»,  «Зебуннисо», «Ҷавонон»  ва кинотеатри «Наврӯз», ки дар дохили Кохи Наврӯз ҷойгир аст ва ғайра. Кинтеатрҳои «Ситора», «Зебуннисо» ва «Тоҷикистон» дар ихтиёри «Тоҷиккино» буда, дар онҳо бештар филмҳои ватанӣ ба намоиш гузошта мешаванд.
Бино ба иттиллои Фирдавс Одинаев, корманди кинотеатри «Ҷавонон»,  дар он тамошобин бениҳоят кам буда, танҳо филмҳои хориҷӣ ба намоиш гузошта мешаванд, аммо сарвари кинотеатри «Наврӯз» Бахтиёр Назариён изҳор дошт, ки дар кинотеатри онҳо тамошбин кофист. Барои боварӣ ҳосил кардан соати муайяни пахши филмро гирифта, дар вақти муқарарӣ ба  он ҷо рафтам. Намоиши филми «Книга джунглей» буд. Ба ҳар ҳол тамошобин дида мешуд, яъне як нисфи толор пур шуда буд. Филм, ки бештар ба хурдсолон тааллуқ дошт, аксари волидайн бо  кӯдаконашон омада буданд. Ростӣ тамошои филм дар  экрани калон ва толори барҳаво  ҳаловати дигар мебахшад. Бачаҳо  бо як шавқи беандоза маҳви  тамошои филм буданд.
Нархи чипта барои  ак нафар 20 - 25 сомонӣ будааст. Дар кинотеатрҳо нархи чиптаҳо баланд ҳастанд гӯем, хато намекунем. Агар чиптаҳо арзонтар шаванд тамошобинон зиёд мешаванд. Хуб мебуд, ки кормандони кинотеатрҳо ба интихоби филмҳо таваҷҷуҳи махсус медоданд. Филмҳоеро ба намоиш гузоранд, ки тамошобинро ҷалб намояд, яъне дар баланд бардоштани завқи эстетикии онҳо таъсир расонда тавонанд. Имрӯз дар кишварҳои тараққикардаи дунё мардум ҳамоно ба тамошои кино дар театр рағбат доранд. Чаро мо, ки меросбарони миллати соҳибтамаддунем, аз ин ҷузъи ҷудонопазири фарҳанг дар канор бошем? 

Малика УРФОНОВА, рӯзноманигор


Баёни ақида (1)    Санаи нашр: 5.05.2016    №: 86    Мутолиа карданд: 639

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад


Дар сомонаҳои дигари Тоҷикистон хонед