logo

иҷтимоиёт

ЗИНДАГӢ. ДАР ПАСТИҲО ДАСТГИРИ ЯКДИГАР БОШЕМ

Аз хонавайронии оилаҳои ҷавон таассуф мехӯрему онҳоро сарзаниш мекунем, ки агар мақсад зиндагии бардавому ширу шакар набуд, пас чаро ақди никоҳ бастанд? Чаро қабл аз хонадорӣ наандешиданд, ки зиндагӣ пастиву баландиҳо дораду бояд дар ҳалли мушкилот сабур бошанду пуртоқат.

Аз падару бобоёни худ ибрат намегиранд, ки онҳо то имкони охирин мекӯшанд, оилаҳо вайрон нашаванд. Онҳо пурсабру тоқат буданду муросо доштанд ва панди волидону ашхоси хирадманд дар гӯш мушкилиҳоро паси сар мекарданд. Чунки оила барпо кардан дар баробари ба якдигар меҳру муҳаббат доштан ҳисси масъулият дар назди фарзандон мебошад. Ҳатто хонавайронии волидон, пеш аз ҳама ҷабру ҷафо барои фарзандон мебошад, на каси дигар. Кӯдакон ба гуфтаи пирони рӯзгордида «раҳрезу порез» мешаванд. Ҳафтае пеш, рӯзи истироҳат шоҳиди манзарае шудам, ки рӯи саҳфа оварда, ба хонандагон манзур карданаш айни савоб аст.
Ба хотири аз ҳавои серуну руҳафзо ҳаловат бурдан, ба лаби дарёи Душанбе рафтам. Шаб борон борида, ҳаво софу беғубор буд. Дар роҳрави кушоду озода қадамзанон ба маҷрои дарё нигариста, шукр мегуфтам, ки имсол бориши боронҳо бахайр асту мисли порсола ба ягон минтақаи кишвар хисорот нарасондааст. Даҳ – бист қадам  дуртар наврасеро дидам, ки дар як даст порае тунукаю дар дасти дигар арматури қатшудае роҳи мошингардро убур карда, онро аз девори  бетонии лаби дарё ба дарун партофт. Ба ин кори ӯ таваҷҷуҳ накарда, аз бараш гузашта рафтам. То пули бозори «Саховат», ки ҳоло дар таъмир аст, расида, пас гаштам. Дар ҳамон нуқта наврасро дидам, ки  бо се нафари дигар аз лаби дарё оҳанпораҳоро рӯи роҳрав мебароранд.
- А – ҳа, аз корхонаи он тарафи роҳ дуздӣ кардед – а? Ин ҷо оҳанпораҳоро ҷамъ мекунеду баъд… Ҳозир милисаро ҷеғ мезанам, ки  масъалаатонро бубинад, - гуфтам.
- Не, не, ака, ба Худо мо дузд нестем, - гуфт ҳамон навраси арматуру тунукаоварда.
- Дуздӣ кардед, аз ранги рӯятон маълум, - вагарна чаро онро пинҳон мекунед?
- Ака, мо ҳеҷ вақт дуздӣ намекунем. Дуздӣ гуноҳ аст, - гуфт навраси дигар. – Мо бо меҳнат пули ҳалол кор мекунем.
- Падару модар доред, онҳо ин кори шуморо медонанд?
Лаҳзае ҳама сар хам карданд.
- Мо, ака, ҳамаамон падар надорем, агар медоштем…, - гуфт наврасе, ки Сиёвуш ном доштааст. – Онҳо моро дар хурдсолӣ партофтаанд. 5 – сола будам, ки падарам аз модарам ҷудо шуд. Ман дар синфи 7 – ум мехонаму инҳо синфи 5 – у 6 – анд. Ана ин майдача 2 – сола будааст, ки падару модараш аз ҳам ҷудо шудаанд. Мо дар оила 4 нафарем, инҳо 2 – 3 нафарӣ. Мо ҳама дар хонаи иҷора зиндагӣ мекунем. Модаронамон танҳоянд. Ҳар моҳ пули обу барқ, партовро додан даркор аст. Хурду хӯрок беҳисоб. Мехоҳем, кам ҳам бошад ба модаронамон ёрӣ расонем.
- Ин хел бошад, офарин. Мактаб мехонед?
- Албатта, хуб мехонем, бадахлоқ нестем. Ин корро баъд аз дарсҳо ва рӯзи роҳат мекунем. Аз ҳар ҷо оҳан ҷамъ карда, ба нуқтаҳои қабул месупорем. Ана апаи ин бача дар курси 2 – и донишкада мехонад. Пули шартномаро дода натавонист. Ҳозир хонашин аст.
- Ҳоло ин оҳанпораҳоро ба куҷо мебаред?
- Ҳо ба он сӯйи дарё. Дар он ҷо як ҷойи оҳанпорақабулкунӣ ҳаст. Як килояшро 65 - дирам мехаранд. Оҳанро, ки фурӯхтем, пулашро баробар тақсим мекунем.
- Агар раваду падарҳоятон аз карда пушаймон шуда, баргарданд чӣ мегуфтед?
- Ҷон – ҷон мегуфтем. Хубу аъло мехондему дар вақти холӣ ба ҷойи оҳанпораҷамъкунӣ ба варзиш машғул мешудем.
Дидам, ки дар чашмонашон лаҳзае шарораи умед шуълавар шуд. Вале табъи ман хира гардид. Ҳаловати накҳати дарё бо насими ҷонбахшаш ба ҳаво рафт. Аз «шумо дуздӣ кардед» гуфтанам сахт пушаймон шудам. Вале агар суолашон намедодам, дарди дилашонро намефаҳмидам.
Ин бачаҳо ҳоло дар ҳукми гуланд. Бояд дар решаи ҷони онҳо гулоби меҳру муҳаббати инсонӣ рехта, ғамхорона парваришашон кунем. Сари онҳоро падарона сила намоем, боварӣ ба рӯзгори пурсаодати ояндаро дар қалбҳояшон ҷой созем. Зеро онҳо ҳам як узви ҷомеаи моанд ва дарди онҳо дарди мост. Ҳама, ки фарзанди бани як Одам ҳастем, бояд бетараф набошем. Агар ғами чунинҳоро ғами худ надонем, Одам нестем, зеро дарду ранҷи чунин оилаҳо дарди мо ҳам ҳаст. Дарди кулли ҷомеа аст, ки барои даво бахшидани он мебояд нӯшдоруе дошта бошем.
Ту чӣ мегӯӣ, хонандаи азиз?!

У. МУРОД, «Ҷумҳурият»  


Баёни ақида (0)    Санаи нашр: 6.05.2016    №: 87    Мутолиа карданд: 480

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед