logo

иҷтимоиёт

ЗАРАРИ МАЪНАВӢ. КӢ ОНРО ҶУБРОН МЕКУНАД?

Чаро бархе аз насли наврас ва насли ҷавони имрӯзи тоҷик ҷаҳонбинии номуайян доранд? Эътимодбахши ин намояндагон кист? Сухани кӣ ба онҳо нишонрас аст? Ва ё намояндагони “дилсӯз” гуфтан мехоҳанд, ки онҳо ба касе эътимод надоранд? Аммо ман ба тоифаи чунин “дилсӯзон” мегӯям: - Шумоён бо намоиши зоҳирӣ ва гуфторҳои “динӣ”-и худ аслан, ки ба ҷамъияти мо дилсӯз ҳам нестед. Мақсади шумоён фақат ҳукмраво будан ва тобеъ кардани ин насли дастнигари ҷомеа мебошад, то ҳокимиятро зери дастони худ бигиред. Дар гуфторҳои худ ҳазорҳо мисолҳои мушаххас меоред, камбудиҳоро қатор-қатор ба забон мегиред, ҳамзамон бо оҳанги гуфтори худ, ки нафрату бадбиниро дар зеҳни шунаванда бедор месозад, дар шуури онҳо умеду бовариро мекушед, дар зеҳни онҳо боварӣ ба бадиро инкишоф медиҳед ва ба ин тарзи муносибат мехоҳед онҳоро ба як ҳайвони бешуур табдил созед, то онҳо ҳар як фармону амри шумоёнро бечуну чаро иҷро намоянд. Пас, арзишҳои муқаддаси гумшудаи ҳар як чунин мазлумро кӣ ҷуброн мекунад? Вақте дар шуури як кӯдак, наврас ва ҷавон бадбинӣ ва хушунат ба авҷи олии худ реша меронад, қурбонии он даҳшат ва азобҳои наздикони ӯро кӣ ҷуброн мекунад, ҳатто дар ин дунё ва дар он дунё низ. Ба тақдири хазонгаштаи чунин тоифа мазлумон кӣ дилсӯзӣ менамояд? Албатта, шумоён не. Шумоёнро аллакай ғам  бар ӯ нест, зеро вай бозичаи дастомӯз гардидааст. Ман фикр мекунам, ки ин бузургтарин гуноҳ аст, зеро Худованд бандаҳои ғаразноку хиёнаткор ба дини мубини исломро ҳеҷ гоҳ намебахшад. Дини муқаддаси мо - дини ислом дини покӣ, дини тозагӣ, дини дӯстӣ, дини рафоқат, дини садоқат, дини вафо, дини боварӣ, дини умед, дини арҷгузорӣ ба олитарин арзишҳои маънавии инсон мебошад. Пас, чаро мо онро перояи ғаразҳо гардонем, магар ин бахшиданист?  
Намедонам, ин амали  намояндаи  кадом ҷараён аст, аммо паҳн шудани он дар байни одамон касро водор месозад, ки  ҷиддӣ андеша намоем: ҷавоне бо падараш ҷанҷол мекунад. Сабаб? Ӯ даъво дорад, ки падараш бо нони ҳаром тарбияташ кардааст. Падар чикора буд? Падар дар комбинати абрешимӣ дар се баст сари дастгоҳи оҳанин рост истода кор мекард ва матоъ мебофт. Худи ҷавон чикора аст? – Бо тиҷорати майда-чуйда машғул аст. Подоши заҳмати падар ҳарому аз они он тоҷир ҳалол?! Акнун, биёед, холисона таҳлил мекунем. Барои намояндаҳои ҷараёнҳои мухталифи ба ном динӣ, ғайридинҳо (аслан, ки ғайриҷараёнҳояшон) ҳама кофиранд ва худобехабар. Аммо ҳамаи маводи истифодаи зиндагияшон асосан истеҳсоли Чин аст (аксари чиниҳо мардуми буддоиянд) ва нонашон тариқи савдо аст. Маҳсулоти савдояшон низ бештар истеҳсоли Чин мебошад. Яъне, “мусалмонӣ” аз куҷо то ба куҷо? Либоси тан ҳалол ҳисобида шаваду истеҳсолкунандаи он кофир. Инро бо кадом андоза мантиқгирӣ намоем? Чунин хулосабарориҳоро метавон фақат таъсири ғояи зараровар номид, зеро онҳо ангезандаи зиддияту бадбиниву адоватанд ва ягон дини рӯйи олам ҷаҳолатро пуштибон нест, ҳамаи динҳо, бахусус дини мубини Ислом талқингару ҳидоятгари имони бузург ва муҳаббату садоқат аст. Нафаре, ки ба Худованд имон дорад, оё метавонад ба офаридаи ӯ, ба бандаи ӯ разолатро раво бинад? Ман фикр мекунам, ки не. Шумо чӣ?
Матлуба ЁРМИРЗОЕВА,
нависанда, шаҳри Хуҷанд


Баёни ақида (0)    Санаи нашр: 6.05.2016    №: 87    Мутолиа карданд: 590

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед