logo

иҷтимоиёт

ХУҶАНД – ШАҲРИ ГУЛҲО

Имрӯз маркази вилояти Суғд - шаҳри Хуҷандро, ки кӯчаю хиёбон, роҳраву остони ҳар бинояшро он қадар гулҳои рангоранги зебову ҷолиб зеб бахшидаанду қалбҳоро ба фараҳ оварда, як ҷаҳон ҳаяҷону шодмонӣ мебахшанд, метавон шаҳр дар оғӯши гулҳо ё шаҳри гулҳо гуфт. Гулҳои рангини канори роҳҳои мошингарди маркази шаҳру назди ҳар нуқтаҳои хизматрасонии маишиву техникӣ табъу рӯҳи касро болида месозад.

Субҳи содиқи ҳар рӯз нақлиёти махсус оби мусаффоро рӯйи гулҳои шукуфон пош дода, бо дурдонаҳои оби зулол қатраҳои шабнамро афзун мебахшад.
- Ҳамаи ин иқдому ташаббускориҳо, ободиву созандагӣ, бешубҳа, аз файзу баракати истиқлоли мамлакати азизамон, қабл аз ҳама ба шарофати дастуру роҳнамоиҳои Пешвои миллат, Президенти Тоҷикистон Эмомалӣ Раҳмон мебошад. Марҳила ба марҳила аз беҳбудӣ бахшидан ба вазъи иқтисодиву иҷтимоӣ кунун расидем ба зинаи дигари сатҳи зиндагиву дар ихтиёр дорем диёри сарсабзи доимбаҳори гулистони ҳақиқӣ, - иброз медорад Шарифзода Шариф Файз, раиси шаҳри Хуҷанд.
Ба хотири сарсабзгардонии кӯчаю хиёбонҳо аз ҷониби сарраёсати ободонӣ ва хоҷагии манзилию коммуналии шаҳр бо фарорасии мавсими баҳори имсола ба миқдори зиёда аз 100 ҳазор адад гулҳои гуногуни ороишӣ, 45 ҳазор бех  номгӯйи гулҳои садбарги парвариши ватанӣ, 3,5 ҳазор бех ниҳолу буттаҳои сояафкани ардаг, ёси ҳиндӣ ва арча шинонда шуданд. Гули лола, ки аз ҷумлаи дӯстдоштатарин гулҳои мардуми мосту ҳанӯз аз замони Одамушшуаро Рӯдакӣ васфу сифат мешавад, дар қад - қади канори роҳҳои марказӣ, майдончаҳои назди муассисаю ташкилот, биноҳои маъмурӣ, фаввораҳо бештар аз 100 ҳазор дона  лола ва имрӯзҳо навъи дигари гулҳои ҳолландӣ шинонда шуданд. Дар ин рӯзҳои баҳорӣ, ки ҳама ҷой сарсабзу хуррам аст, қадам задан дар хиёбони гулрезу гулпӯши Исмоили Сомонӣ, боғи фарҳангиву фароғатии ба номи Хоҷа Камол, майдонҳои ситораҳои Хуҷанд, «Ифтихори шаҳриён» ба кас фараҳ мебахшад. 
- Парвариши гул талаботу нозукиҳои худро дорад, - иброз медорад Давронҷон Шокиров, директори генералии сарраёсати ободонӣ ва хоҷагии манзилию коммуналии шаҳри Хуҷанд. - Аз ин рӯ, гурӯҳи махсуси мутахассисон мутобиқ ба реҷаи муайяншуда сабзишу нашъунамои гулҳоро дар мавзеъҳои шинондашуда зери назорати ҷиддӣ қарор дода, сари ҳар вақт бо дигар гулҳо иваз мекунанд.  Бо таҷриба аз кишварҳои пешрафтаи аврупоӣ соли равон назди даромадгоҳ, зинаҳои  ҳамагуна иншооти маъмуриву истеҳсолӣ, фарҳангӣ, хизматрасонӣ, меҳмонхонаҳо гулҳои рангоранг дар гулдонҳои махсус гузошта шуд. Дар ин радиф, дар хиёбонҳои марказии шаҳр ва гулгаштҳо гулҳо дар дохили гулдонҳои бо қолабҳои гуногунофаридашуда ба мисли лаклак, мурғобӣ, моҳӣ парвариш меёбанд, ки басо ҷолибу дилрабо ба чашм мерасад.
- Баргузории озмуну ҳаргуна ҳамоишҳо дар иртибот ба гул, тобиши ахлоқиву тарбиявӣ низ дорад, - бо таъкид мегӯяд, раиси шаҳр. - Сарукор доштан бо гул нахуст ҳисси зебоипарастии одамонро зиёд кунад, баъдан дар қалби онҳо меҳру муҳаббатро нисбати якдигар ва атрофиён илқо мекунад.
Фестивали вилоятии гулҳо, ки дар боғи фарҳангиву фароғатии ба номи Хоҷа Камоли шаҳри Хуҷанд баргузор шуд, олами бузург ва рангоранги гулҳо буд. Ҳар иштирокдорро ба ин ҳамоиш сарфи назар аз синну солу миллату касб як чиз - меҳр ба гулу парвариши онҳо ба ҳам оварда буд. Сокинони шаҳру меҳмонони хориҷӣ бо чеҳраи шукуфону табассуми самимӣ назди гулҳо истода онҳоро навозиш ва таассуроти хуше мебардоштанд.
Соли равон дар шаҳри Хуҷанд Иди лола, намоиш ва фурӯши тухмиву ниҳолҳои сояафкану гулҳои ороишӣ доир шуданд, ки хотирмон буданд.

Ҷовиди Аштӣ, «Ҷумҳурият»


Баёни ақида (0)    Санаи нашр: 6.05.2016    №: 87    Мутолиа карданд: 499

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ


Дар сомонаҳои дигари Тоҷикистон хонед