logo

сиёсат

КОХИ АФСАРОН - РАМЗИ ТАҲКИМИ МУНОСИБАТҲОИ ДӮСТОНАИ ТОҶИКИСТОНУ ЧИН

5 май Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Душанбе бинои боҳашамати Кохи афсарони Вазорати мудофиаи Ҷумҳурии Тоҷикистонро ифтитоҳ намуд.

Корҳои сохтмонии бино соли 2012 оғоз гардида буд. Иншооти мазкур дар доираи ҳамкориҳои мутақобилан судманди Тоҷикистону Чин бо харҷи 19 миллион доллари амрикоӣ маблағҳои ёрии бебозгашти Ҷумҳурии Мардумии Чин аз тарафи як ширкати сохтмонии ҳамин кишвар бунёд шуда, аз панҷ ошёна иборат буда, дар таҳхонаи он толори васеи варзишӣ, ҳавзи шиноварӣ, ҳаммом, ҳуҷраҳои маҳси бадан ва дигар нуқтаҳои фароғатӣ ҷойгиранд.
Дар қабати якуми Кохи афсарон ошхонаи барҳавои муосир, ҳуҷраҳои кории муҷаҳҳаз бо лавозимоти зарурӣ, марказҳои гуногуни хизматрасонӣ, кошонаи ҳусн, мағозаи тиҷоратӣ, нуқтаи назорати камераҳои мушоҳидавӣ ва барои табобату расонидани ёрии аввалини тиббӣ як нуқтаи махсус бо тамоми шароит мавриди истифода қарор доранд.
Барои истироҳату фароғати афсарон ва меҳмонон ошхона ва меҳмонхонаи чинӣ бо 20 ҳуҷраи истиқоматӣ барои 40 нафар меҳмон дар ошёнаҳои дуюму сеюм, маҷлисгоҳ барои баргузории ҷаласаҳои гуногун, китобхонаҳои электронӣ ва ҳуҷраҳои алоҳидаи китобхонӣ мавҷуданд.
Дар ошёнаҳои чоруму панҷуми Кохи афсарон маҷлисгоҳ бо 200 ҷойи нишаст, толор барои гузаронидани конфронсҳои матбуотӣ ва дигар марказҳои фароғатӣ сохта шудаанд. Дар маҷмӯъ дар баробари дигар марказҳои хизматрасонию истироҳатӣ, инчунин дар ин бино 68 ҳуҷраи истиқоматӣ бо шароити зарурӣ мавриди баҳрабардорӣ қарор дорад.
Президенти мамлакат Эмомалӣ Раҳмон зимни шиносоӣ бо шароити фаъолияту хизматрасонии Кохи афсарон ба кори сохтмончиён баҳои баланд дода, ба роҳбарияти Вазорати мудофиаи ҷумҳурӣ дастур дод, ки барои пешрафти кор аз ин имкониятҳои муҳайёкардаи Ҳукумати мамлакат самаранок истифода баранд.
Барои хизматрасонии сатҳи баланд дар Кохи афсарон 70 нафар бону ва мардони соҳибмаълумоту бомаҳорат ва донандагони забонҳои хориҷӣ бо ҷойи кори доимӣ таъмин гаштанд.
Баъди шиносоии пурра бо Кохи афсарон дар маҷлисгоҳ Президенти мамлакат Эмомалӣ Раҳмон бо шумораи зиёди афсарону дигар кормандони Вазорати мудофиаи кишвар суҳбати самимӣ доир кард.
Пешвои миллат муҳтарам Эмомалӣ Раҳмон ҳозиронро бо ифтитоҳи бинои истиқоматӣ ва маҷмааи Кохи афсарон табрику таҳният гуфт.
Сарвари давлат Эмомалӣ Раҳмон аз таърихи бунёди артиши миллии кишвар ёдовар шуда, изҳор дошт, ки ҳамаи пешравиҳои неруҳои мудофиавии кишвар ба шарофати соҳибистиқлолӣ насиби мардуми шарафманди тоҷик гардидаанд. Таъкид шуд, ки имрӯзҳо роҳбарияти давлату Ҳукумати ҷумҳурӣ барои боло бурдани нуфузи ин ниҳод ва тарбияи насли ватандӯст тамоми тадбирҳоро амалӣ менамояд.
Баъди суханронии Президенти мамлакат афсарони сохторҳои гуногуни Вазорати мудофиаи ҷумҳурӣ баромад карда, ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои ташаббусҳои созанда баҳри боло бурдани обрӯ ва нуфузи Артиши миллӣ дар минтақа ва ҷаҳон, таъмини беҳтарин шароити моддию техникӣ, тарбияи кадрҳои баландихтисос, инчунин дигар ғамхориҳои Сарвари давлат дар ҳаққи хизматчиёни низомӣ изҳори сипосу миннатдорӣ намуданд. Онҳо дар ҷавоб ваъда доданд, ки баҳри ҳифзи марзу буми Ватан содиқона хизмат мекунанд.

 


Баёни ақида (0)    Санаи нашр: 6.05.2016    №: 87    Мутолиа карданд: 386

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед