logo

сиёсат

ЭЪЛОМИЯИ МУШТАРАКИ Ҷумҳурии Тоҷикистон ва Ҷумҳурии Исломии Афғонистон дар бораи густариш ва таҳкими муносибатҳои дуҷониба, шаҳри Душанбе, 10 майи соли 2016

Бино ба даъвати Президенти Ҷумҳурии Тоҷикистон Ҷаноби Олӣ Эмомалӣ Раҳмон, Раисҷумҳури Ҷумҳурии Исломии Афғонистон Ҷалолатмаоб Муҳаммад Ашраф Ғанӣ дар таърихи 10 майи соли 2016 мелодӣ баробар бо 21 моҳи савр соли 1395 ҳиҷрии хуршедӣ дар раъси як ҳайати воломақом аз Ҷумҳурии Тоҷикистон боздиди расмӣ ба амал оварданд.

Дар ҷараёни мулоқоту музокироти раҳбарони ду кишвари дӯст, ки дар фазои дӯстона ва ҳусни тафоҳум анҷом гирифт, маҷмӯи васеи масоили муносибатҳои дуҷониба, минтақавӣ ва байналмилалӣ мавриди баррасӣ ва арзёбӣ қарор гирифтанд.
Президенти Ҷумҳурии Тоҷикистон Ҷаноби Олӣ Эмомалӣ Раҳмон ва Раисҷумҳури Ҷумҳурии Исломии Афғонистон Ҷалолатмаоб Муҳаммад Ашраф Ғанӣ:
- бар мабнои усули дӯстии таърихӣ, ҳусни ҳамкорӣ, муштаракоти забонӣ, фарҳангӣ, таърихӣ ва муносибатҳои дӯстона, ки омилҳои созанда ва муассири густариши пайвандҳои ду кишвар ва рушди ҳамкории ҳамаҷониба мебошанд;
- бо таъкид ба зарурати истифодаи васеъ аз имкониятҳои густурдаи ҳамкориҳои мутақобилан судманд дар соҳаҳои сиёсӣ, иқтисодӣ, тиҷоратӣ, сармоягузорӣ, фарҳангӣ ва ғайра;
- бо азми қавӣ ба татбиқи барномаҳои афзалиятноки ҳамкорӣ ва талоши фаъол дар амри густариши ҳамкории минтақавӣ ба нуқоти асосии зерин ба мувофиқа расиданд:
1. Ҷумҳурии Тоҷикистон ва Ҷумҳурии Исломии Афғонистон, бо изҳори қаноатмандӣ аз сатҳи баланди муносибатҳои сиёсӣ ва ҳамкории рушдёбандаи иқтисодӣ, тиҷоратӣ ва фарҳангии ду кишвар, бар зарурати густариши бештари ҳамкорӣ дар ҳамаи соҳаҳо ва арсаҳо таъкид намуданд.
2. Ҷумҳурии Тоҷикистон ва Ҷумҳурии Исломии Афғонистон, бо таъкиди ҷонибдорӣ аз усул ва меъёрҳои пазируфтаи ҳуқуқи байналмилалӣ ва Оинномаи Созмони Милали Муттаҳид, омодагии худро ба идомаи ҳамкориҳо ҷиҳати таҳкими сулҳ, субот ва амнияти минтақа изҳор карданд.
3. Ҷумҳурии Тоҷикистон ва Ҷумҳурии Исломии Афғонистон бар зарурати идомаи ҳамкории ҳамаҷонибаи ҷомеаи ҷаҳониро бо Афғонистон ҷиҳати ҳифз ва таъмини сулҳу амният ва рушди иқтисодӣ дар Афғонистон таъкид намуданд.
4. Ҷумҳурии Тоҷикистон аз барномаи таъмини амният аз сӯи Ҳукумати ваҳдати миллии Афғонистон истиқбол менамояд ва изҳори умедворӣ мекунад, ки талош дар роҳи таъмини сулҳу субот ва ҳалли масъалаҳои ихтилофӣ дар ҷомеаи Афғонистон ҳадафманд, санҷида ва босамар хоҳад буд.
5. Ҷумҳурии Тоҷикистон ва Ҷумҳурии Исломии Афғонистон ҳамкории худро дар арсаҳои мубориза бо терроризм, ифротгароӣ, қочоқи маводи мухаддир, ҷиноятҳои созмонёфтаи фаромиллӣ ва таҳдиду хатарҳои замони муосир тақвият хоҳанд дод.
6. Ҷумҳурии Тоҷикистон ва Ҷумҳурии Исломии Афғонистон бо дарназардошти таҳдидҳои амниятӣ дар Афғонистон ва минтақа, аз ҷумла фаъол шудани гурӯҳҳои террористии байналмилалӣ, бар зарурати таҳкими ҳамкориҳо, робитаҳо ва машваратҳои кории ниҳодҳои амниятӣ, сарҳадӣ ва мубориза бо маводи мухаддирро таъкид намуданд.
7. Ҷумҳурии Тоҷикистон ва Ҷумҳурии Исломии Афғонистон ба мақсади таҳким ва густариши муносибатҳои сиёсӣ машваратҳои сиёсии вазоратҳои корҳои хориҷии ду кишварро ба таври мунтазам баргузор хоҳанд кард.
8. Ҷумҳурии Тоҷикистон ва Ҷумҳурии Исломии Афғонистон пуштибонии худро аз сохтмони хатҳои интиқоли барқ аз Тоҷикистон ба Афғонистон ва аз он тариқ ба кишварҳои дигари минтақа таъкид намуданд. Дар ин росто бар зарурати фаъолияти ҳамоҳанг дар татбиқи муваффақона ва бамавқеи барномаи CASA - 1000 ва интиқоли миқдори бештари барқ ба Афғонистон таъкид намуданд.
9. Ҷумҳурии Тоҷикистон ва Ҷумҳурии Исломии Афғонистон густариши тиҷорати наздисарҳадии байни ду кишварро муҳим арзёбӣ намуда, бар зарурати бунёд ва фаъол намудани гузаргоҳҳо ва бозорҳои сарҳадӣ дар мавзеъҳои Кокул – Ойхонум ва Айваҷ – Калдор таъкид намуданд.
10. Ҷумҳурии Тоҷикистон ва Ҷумҳурии Исломии Афғонистон ҳамкориҳои худро дар масъалаи истифодаи оқилона аз захираҳои обии дарёҳои фаромарзӣ, аз ҷумла барои истеҳсоли неруи барқ ва обёрии заминҳои навкорам, бо дарназардошти манфиатҳои ҳамдигар ва дар чаҳорчӯби  ҳамкории судманду созандаи минтақавӣ густариш хоҳанд дод.
11. Ҷумҳурии Тоҷикистон ва Ҷумҳурии Исломии Афғонистон, бар пояи Ёддошти тафоҳуми байни Ҷумҳурии Тоҷикистон, Ҷумҳурии Исломии Афғонистон ва Туркманистон оид ба сохтмони роҳи оҳани Тоҷикистон – Афғонистон – Туркманистон, мувофиқати худро дар мавриди бунёди хати роҳи оҳани Отамурод – Оқина – Анхуй – Шибирғон – Мазори Шариф – Қундуз – Шерхон Бандар – Панҷи Поён ба унвони масири асосӣ таъкид намуда, онро омили муҳими инкишофи иқтисод ва тиҷорати минтақавӣ арзёбӣ намуданд.
Ҷумҳурии Тоҷикистон ва Ҷумҳурии Исломии Афғонистон ба манзури пайванди шабакаҳои роҳҳои оҳани Тоҷикистон ва Афғонистон сохтмони қитъаи роҳи оҳани Бешкент – Калдор – Хайратонро мавриди омӯзиш қарор медиҳанд.
12. Ҷумҳурии Тоҷикистон ва Ҷумҳурии Исломии Афғонистон талоши ҳамаҷониба хоҳанд намуд, то заминаи зарурии оғози сохтмони роҳи оҳани Чин – Қирғизистон – Тоҷикистон – Афғонистон – Эрон, ҳамчун барномаи афзалиятноки ҳамкорӣ, ҳарчи зудтар фароҳам оварда шавад ва ин барнома бо ҳамкорӣ ва ҳамоҳангии панҷ кишвари зидахл муваффақона татбиқ гардад.
13. Ҷумҳурии Тоҷикистон ва Ҷумҳурии Исломии Афғонистон фаъолияти Комиссияи муштараки ҳамкориҳои иқтисодӣ, тиҷоратӣ, техникӣ ва фарҳангии Ҷумҳурии Тоҷикистон ва Ҷумҳурии Исломии Афғонистонро мусбат арзёбӣ намуда, хостори фаъолияти босамартари он шуданд.
14. Ҷумҳурии Тоҷикистон ва Ҷумҳурии Исломии Афғонистон хостори инкишоф ва густариши ҳамкориҳои дуҷонибаи фарҳангӣ ва илмӣ мебошанд.
15. Ҷумҳурии Тоҷикистон пуштибонии худро аз талошҳои пайгиронаи Ҳукумати ваҳдати миллии Ҷумҳурии Исломии Афғонистон дар тақвият ва таҷҳизи неруҳои низомӣ ва амниятӣ таъкид намуда, муҷаддадан ба идомаи ҳамкориҳо дар соҳаи такмили маҳорати касбии кормандони мақомоти низомӣ ва амниятии Афғонистон изҳори омодагӣ кард.
16. Ҷумҳурии Тоҷикистон ва Ҷумҳурии Исломии Афғонистон омодагии худро ба ҳамкориҳои густурда дар арсаи байналмилалӣ, аз ҷумла дар чаҳорчӯби Созмони Милали Муттаҳид, Созмони ҳамкории иқтисодӣ, Созмони ҳамкории исломӣ, Созмони ҳамкории Шанхай ва созмонҳои дигари минтақавию байналмилалӣ ва ниҳодҳои молиявӣ ва иқтисодии байналмилалӣ, эълом дошта, зарурати ҳамоҳанг сохтани мавқеъҳои худро дар мавриди масъалаҳои муҳими ҷаҳонӣ ва минтақавӣ аз тариқи машваратҳои сиёсӣ ва табодули пайвастаи афкор таъкид намуданд.
17. Ҷумҳурии Тоҷикистон ва Ҷумҳурии Исломии Афғонистон аз имзо шудани санадҳои нави ҳамкорӣ дар арсаҳои мавриди таваҷҷуҳи тарафайн истиқбол мекунанд.
- Раисҷумҳури Ҷумҳурии Исломии Афғонистон Ҷалолатмаоб Муҳаммад Ашраф Ғанӣ, зимни ибрози хушнудӣ аз натиҷаҳои сафар ба Ҷумҳурии Тоҷикистон, ба мардум ва Ҳукумати Ҷумҳурии Тоҷикистон барои ҳусни меҳмоннавозӣ ва пазироии гарм изҳори сипос намуда, Президенти Ҷумҳурии Тоҷикистон Ҷаноби Олӣ Эмомалӣ Раҳмонро даъват намуд, ки дар фурсати муносиб аз Ҷумҳурии Исломии Афғонистон боздиди расмӣ ба амал оварад. Даъвати мазкур бо камоли сипос пазируфта шуд. Таърихи боздид тавассути роҳҳои дипломатӣ муайян хоҳад шуд.
Ин Эъломия 10 майи соли 2016 мелодӣ мутобиқ бо 21 моҳи савр соли 1395 ҳиҷрии хуршедӣ дар шаҳри Душане дар ду нусха, ҳар кадом ба забонҳои тоҷикӣ ва дарӣ, ки ҳар ду эътибори яксон доранд, ба имзо расид.

Эмомалӣ Раҳмон, Президенти
Ҷумҳурии Тоҷикистон

Муҳаммад Ашраф Ғанӣ,
Раисҷумҳури Ҷумҳурии Исломии Афғонистон


Баёни ақида (0)    Санаи нашр: 11.05.2016    №: 90    Мутолиа карданд: 482

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад


Дар сомонаҳои дигари Тоҷикистон хонед