logo

ҳуқуқ

ТАҚДИР

ОНРО БА ДАСТИ ХУД БОЯД НАВИШТ
Тағйиру иловаҳо ба Конститутсияи (Сарқонуни) Ҷумҳурии Тоҷикистон, ки бо роҳи раъйпурсии умумихалқӣ 22 майи соли равон бояд қабул гардад, албатта, гувоҳ аз амнияти кишвар ва рушди устувору босуботи ҷомеа аст. Ҳамчунин, вазъияти неку осоишта тақозо менамояд, ки он такмил биёбад. Такмил ба хотири рушди пайвастаи соҳаҳои сиёсӣ, иқтисодӣ, иҷтимоӣ ва фарҳангии ҷомеа сурат мегирад.
Ин бори дигар собит месозад, ки давлату Ҳукумат ва аҳли ҷомеа нисбат ба ояндаи худ бетараф нестанд. Аз ин рӯ, барои рушди минбаъдаи равандҳои демократикунонии ҳаёти ҷомеа, ҳуқуқу озодиҳои инсон ва кафолати риояю ҳифзи онҳо бо ояндабинӣ ва дилсӯзӣ таваҷҷуҳи махсус зоҳир карда мешавад.
Мусаллам аст, ки ҳаргиз ин роҳ - роҳи нав ва ин таҷриба - таҷрибаи нав нест ва, аз ин рӯ, хато ба он роҳ намеёбад. Барҳақ фармудаанд:
Худо он миллатеро сарварӣ дод,
Ки тақдираш ба дасти хеш бинвишт.
Ба он миллат сару коре надорад,
Ки деҳқонаш барои дигарон кишт.
Ҳақиқати ин навиштаҳоро ман ба таври равшану возеҳ дар такмили судбахши қонуни асосии кишвар мебинам. Бегумон, ин аз рушду пешрафти миллат ва кишвар шаҳодат медиҳад.
Баъзе аз ин тағйиру иловаҳо ба узви Маҷлиси миллӣ ва вакилони Маҷлиси намояндагон иртибот мегирад, ки, воқеан, саривақтӣ буда, бисёр муҳим арзёбӣ мешавад.
Аз ҷумла, тағйироти моддаи чилунуҳум бад-ин шакл мебошад: «Узви Маҷлиси миллӣ ва вакили Маҷлиси намояндагон баъди интихоб ё таъйин шудан дар иҷлосияи Маҷлиси миллӣ ва Маҷлиси намояндагон ба халқи Тоҷикистон савганд ёд мекунанд». Дар ҳақиқат, ин тағйирот бисёр муҳим аст. Чаро? Чунки намояндаи халқ дар назди халқ шахси масъул маҳсуб меёбад. Бо ёд кардани савганд узви порлумон дар тамоми давраи фаъолияташ дар ин мақоми олӣ масъулиятнок буданашро дар вазифа беҳтару бештар дарк мекунад. Инчунин, дар зеҳну қалбаш сабт мешавад, ки тамоми фаъолияти пурсамараш бояд ба манфиати халқ равона гардад. Албатта, нафаре ҳам, ки савгандро мешиканад ва аз ҷониби ӯ амалҳои номатлуб содир мешавад, на танҳо аз боварии халқ мебарояд, балки боиси нафрин низ гардад. Ин як меъёр дар бисёр конститутсияҳои дигар кишварҳо низ пешбинӣ шудааст.
Баъзе қисми моддаҳо аз нигоҳи услубӣ таҳрир гардидаанд. Аз ҷумла, дар қисми сеюми моддаи панҷоҳу якум калимаи «ба қувваи қонунӣ даромадани ҳукми айбдоркунии суд, қатъи шаҳрвандӣ»  ба калимаҳои «эътибори қонунӣ пайдо кардани ҳукми айбдоркунандаи суд, қатъи шаҳрвандӣ, соҳиб шудан ба шаҳрвандии давлати дигар», илова карда шудааст».Тавре аз матн бармеояд, ифодаҳо равшану возеҳ, суфта ва илова бисёр муҳим мебошад.
Ҳамин тавр, дигар тағйиру иловаҳо низ танҳо ба манфиати аҳли ҷомеа, давлату кишвар ва рушди соҳаҳои гуногун мебошанд. Аз ин рӯ, бо итминони комил метавон изҳор дошт, ки мардуми азизи кишвар барои он якдилона раъйи худро медиҳанд.
ВАЛИЗОДА Таҳминаи Самиъҷон,
судяи суди ноҳияи Ҳисор


Баёни ақида (0)    Санаи нашр: 14.05.2016    №: 92    Мутолиа карданд: 380

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед