logo

иҷтимоиёт

КӢ ГУНАҲГОР, ФУРӮШАНДА Ё МУШТАРӢ?

Боз дар бораи хизматрасониҳои маишӣ
Шаҳр маконест, ки нафари бекору ғофилу танбалро намеписандад. Бавижа, сокинони шаҳри азизамон Душанберо лаҳзае ҳам ором намебинем. Серташвишиву такопӯи ҳаррӯза касро маҷбур мекунад, ки бештар дар кӯча ва ошхонаҳои сарироҳӣ тановули хӯрок намояд. Ин аст, ки нуқтаҳои сераҳолии шаҳрро бешубҳа ошхонаву нуқтаҳои хӯрокхӯрӣ ташкил медиҳанд. Дар ҳар қадам метавон ба як нуқтае вохӯрд, ки он ҷо хӯрокҳои ба қавле «тезтайёр» омода мекунанд. Вобаста ба шумораи рӯзафзуни аҳолӣ зиёд шудани чунин ошхонаҳои сарироҳӣ хуб аст, аммо то кадом андоза онҳо ба талаботи гигиениву санитарӣ ҷавогӯянд, муаммои сарбастаест.
Аз мушоҳидаҳо бармеояд, ки қоидаҳои одитарини гигиенӣ дар навад дарсади чунин нуқтаҳо риоя намешаванд. Ҳамчун муштарӣ борҳо шоҳиди он будам, ки косаву табақ, асбоби пухтупаз ва зарфҳои истифодашаванда чиркину лабшикаставу фарсудаанд. Нафаре ба чизеву касе таваҷҷуҳ намекунад ва ҳатто ду-се нафар ба як зарфи хӯриш биляшиву пирожкии (хӯрокҳои русӣ) худро тар кардаву ба даҳон меандозанд. Маълум нест, ки кӣ даст шустаасту кӣ аз куҷо омадааст. Вақте зарфи хӯриш холӣ мешавад, пазандаву фурӯшандаҳо низ бе ҳеҷ пурсиш хӯриши навро ба зарфи олуда мерезанд ва мизоҷон низ бепарвоёна машғули хӯрдан мешаванд.
Албатта, ин ҷо ду тараф гунаҳкор аст. Фурӯшанда чунин хизматрасониро пешкаш мекунад ва муштарӣ чунин маҳсулоти хизматрасонии «арзон»-ро мепазирад. Бино ба гуфтаи Манучеҳр ном донишҷӯ, дар соли нахустини омадан ба шаҳр аз ин гуна манзараҳо дилгир мешуд. Аммо бо гузашти вақт таъсири муҳит буд ва ё серкорӣ ӯ ҳам ба ин хизматрасониҳо одат кардааст.
Махсусан, ба ҷараёни пухтани маҳсулоти хӯрок таваҷҷуҳ карда шавад, (ҳол он ки маҳсулотро бояд дар гӯшаи аз назари мизоҷон ниҳон бояд пухт) ба чанд литр равғане, ки тахмин дар оғози рӯз ба дег рехтаанд, то шаб маҳсулоти хамирӣ пухта мешавад. Аз истифодаи чандинкарата равған сиёҳу олуда шуда, бӯйи ғализ ҳам мебарорад. Мешавад ҳамон равғанро кам - кам ба дег андохту бо тамом шуданаш шуста аз нав ба пухтан шурӯъ кард.
Суханҳои сокини шаҳр Иқбол Сардоров моро ба ҳайрат овард. Ӯро баъди хӯрдани хӯрок дар роҳ ба суҳбат кашидем, ки чунин гуфт: «Ман дар бозори «Шоҳмансур» сабзавот мефурӯшам. Соҳибмаълумотам ва кам-кам тиҷорат ҳам мекунам. Писари амакамро ба ҷои худ мегузораму омада дар ҳамин ошхона хӯрок мехӯрам. Бо сари хам тез-тез мехӯраму ба ҳеҷ ҷузъиёти ошхона эътибор надода, боз ҳам пайи кори худ меравам. Пас аз ин гуфтугузори шумо пай бурдам, ки чойнику пиёлаи ошхона лабшикастаанд, зарфҳояшон нимашуставу кам-кам бӯи нохушоянд ҳам доранд».
Ҳарчанд ки ин камбудии ҷузъист, аммо бартараф кардани он амрест муҳол. Ба умеди ҳар чи зудтар ба сомон кардани корҳо гоҳо ба саломатии худ ва сифати хӯроку пӯшоки худ эътибор намедиҳем. Мо гӯё фаромӯш кардаем, ки тамоми талоши мо дар ҷодаҳои зиндагӣ ба ҷисму ҷони солими мо бастагӣ дорад. Ва шарти нахустини саломатӣ тозагии санитарӣ ва тановули хӯрокҳои серғизову поканд.               
Аз мушоҳидаву пурсишҳо маълум гашт, ки кам касон ба сифати хизматрасониҳои маишӣ таваҷҷуҳ доранд. Ба андешаи ман, маҳз ба воситаи рӯзномаву телевизион чунин нуқсҳои ҷомеаро ба шаҳрвандон бояд ёдрас кунем. Зарурате нест, ки ба ин ё он идораи дахлдор муроҷиат намоем. Барои ин танҳо масъулияти баланди шаҳрвандӣ зарур асту бас. Касе, ки ба саломатии худ бепарво нест, ба ин ҷиҳати масъала диққати аввалиндараҷа медиҳад. Вақте ҳуқуқҳои худро медонеду хизматрасонии босифатро талаб мекунед, хизматрасон низ вобаста ба талаботу хоҳиши шумо амал менамояд.
Бузургмеҳри БАҲОДУР,
«Ҷумҳурият» 


Баёни ақида (0)    Санаи нашр: 17.05.2016    №: 93    Мутолиа карданд: 457

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед