logo

фарҳанг

ОСОРХОНАИ МАРДУМИИ БАЛҶУВОН ЧАРО СОҲИБИ БИНОИ НАВ НАБОШАД?

Соли 1977 Саид Миров дар заминаи бинои пештараи ноҳия китобхонаи Осрхонаи мардумии ноҳияи Балҷувонро таъсис дода, 30 соли умри хешро ба ободонии он бахшид. Соли аввали таъсисёбӣ осорхона ҳамагӣ 100 нигора дошт, вале бо заҳмату талошҳои пайвастаи ин марди фидоӣ теъдоди онҳо сол ба сол афзудан гирифт.

Алҳол осорхона дорои 2570 нигораи нодири таърихиву фарҳангӣ мебошад, ки аз ҳаёти  аҷдодонамон, санъату ҳунар ва тарзи зисту зиндагонии онҳо ҳикоят мекунанд. Бозёфтҳо ба давраҳои гуногуни таърихӣ  тааллуқ доранд.  Қадимтарини  онҳо таърихи 3500 – сола дошта, аз қалъаи Золи Зари ноҳияи Фархор дарёфт шудаанд. Дигар нигораҳо 2700 – 2500 сола буда, аз қалъаҳои Додӣ ва Турки ноҳияи Балҷувон кашф гаштаанд. Ғайр аз ин, кафшҳои чӯбии занона, кӯдакона ва мардонаро метавон дид, ки ба қарнҳои гуногун мансубанд.
Вале, чунон ки кормандони осорхона иброз доштанд, бинобар хурдии бино ва ба талаботи замон ҷавобгӯй набудани он бисёри нигораҳо ба намоиш гузошта нашудаанд. 
Чун мо, гурӯҳи рӯзноманигорон, ки бо сафари корӣ дар ноҳияи Балҷувон  қарор доштем ва аз ин осорхона дидан кардем, бинои фарсудаву таъмирталаби он, ҳолати бади нигоҳдории нигораҳо, набудани техникаву таҷҳизоти зарурӣ ва беэътиноии масъулони бахши фарҳанги ноҳия ба ин вазъ, аз назарҳо дур намонд.
Тавре ба мо маълум гашт, ин марди фидоӣ аз давраи ташкил то ба имрӯз барои ободии ин осорхона нигораҳоро бо сарфи маблағҳои шахсӣ   гирдоварӣ намудааст. Дар ин ҷода ба ғайри пайвандонаш касе ба ӯ ёрӣ нарасондааст.  Фарзандонашон, ки имрӯз кормандони ин осорхона мебошанд,  хоҳони онанд, ки муассиса ба номи падарашон гузошта шавад. Бемуҳобот меҳнату заҳмати Саид Миров шоёни чунин қадрдонист.
Гуфтан ба маврид аст, ки маҳз бо ибтикори Саид Миров ноҳияи Балҷувон дар тамоми ҷашну маросимҳои ноҳиявӣ, вилоятӣ ва ҷумҳуриявӣ бо намоиши гӯшаҳои махсус ширкат варзида, дар рӯнамоии дастовардҳои таърихӣ саҳми назаррас мегузорад. Маълумоти гирдовардаи осорхона барои худогоҳии миллӣ, ваҳдату ягонагӣ ва рушди тафаккури  таърихиву маърифатии наслҳои имрӯзу оянда муфид хоҳанд буд. Аз ин лиҳоз, бояд ҳолати нигоҳдошти нигораҳо беҳ гашта, осорхона соҳиби бинои наву замонавӣ гардад.

Ш. ҚУРБОН, «Ҷумҳурият»


Баёни ақида (0)    Санаи нашр: 18.05.2016    №: 94    Мутолиа карданд: 453

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед