logo

ҳуқуқ

ҲАДАФ - СУРЪАТ БАХШИДАН БА РАВАНДИ ДЕМОКРАТИСОЗИИ ҶОМЕА

22 май дар мамлакат чорабинии муҳими сиёсӣ - раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон баргузор мегардад. Дар иртибот, хабарнигорамон бо чанд нафар мусоҳиб шуд, ки фишурдаи он пешкаш мегардад:

Маҳмад РАҲИМЗОДА, директори Маркази миллии қонунгузории назди Президенти Ҷумҳурии Тоҷикистон, доктори илмҳои ҳуқуқ, профессор
- Бояд зикр намоем, ки яке аз ҳадафҳои асосии ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон суръат бахшидан ба раванди демократисозии  ҷомеа ва пешрафти ҳаёти сиёсии он мебошад. Шарти муҳими демократия ба таври конститутсионӣ ба расмият даровардани сохти давлатӣ, аз ҷумла шакли идоракунии он ба ҳисоб меравад. Ба ҳамин хотир, дар моддаи якум муқаррар карда шуд, ки “Шакли идораи Ҷумҳурии Тоҷикистон президентӣ мебошад”.
Чун вазифаи муҳимтарини Конститутсия муайян сохтани асосҳои сохти ташкилӣ ва фаъолияти ҳокимияти давлатӣ, низоми мақомоти давлатӣ, аз ҷумла мақомоти қонунгузор, иҷроия ва судӣ, муносибату ҳамкориҳои байниҳамдигарии онҳо мебошад, дар бобҳои ба фаъолияти ин мақомот дахлдошта, тағйиру иловаҳо пешниҳод гаштаанд. Зеро, инкишофи давлатдории муосир талаб менамояд, ки низоми мақомоти ҳокимияти давлатӣ таҳким ёбад, идоракунӣ боз ҳам муназзаму мукаммал ва самараноку пурмаҳсул шавад. Ҳамзамон, ҷомеа босуръат пеш рафта, барои ҳар инсон шароити зиндагии арзанда ва инкишофи озодона фароҳам ояд, сулҳу ваҳдат  ва амнияти давлат пойдор гардад.

Расул МАРИФХОНОВ, ходими пешбари шуъбаи ҳуқуқи давлатии  Институти фалсафа, сиёсатшиносӣ ва ҳуқуқи ба номи А. Баҳоваддинови Академияи илмҳои ҷумҳурӣ, номзади илмҳои ҳуқуқ
- Таҷрибаи давлатдорӣ нишон медиҳад, ки агар ба Коститутсия тағйиру иловаҳо ворид нашаванд, мумкин аст, ки ин санади олии ҳуқуқӣ ҳуқуқу озодиҳои инсон ва шаҳрвандро пурра таъмин карда натавонад. Зеро, рӯз ба рӯз муносибатҳои нави ҷамъиятӣ ба вуҷуд меоянд ва танзими ҳуқуқии онҳо ногузир мегардад. Чунончи, пешниҳод шудааст,  ки калимаи «Сарқонун» дар қавсайн аз ном ва матни Конститутсия хориҷ карда шавад. Ин ба он хотир аст,  ки тибқи меъёру принсипҳои конститутсионӣ мазмуну муҳтавое, ки Конститутсия дорад, Сарқонун ифода карда наметавонад. Маънои Конститутсия назар ба Сарқонун васеъ аст. Масалан, «ҳуқуқи конститутсионӣ»  мегӯем, вале «ҳуқуқи сарқонунӣ» гуфта наметавонем.

Шаҳнози ҚУРБОН, “Ҷумҳурият”


Баёни ақида (0)    Санаи нашр: 18.05.2016    №: 94    Мутолиа карданд: 435

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед