logo

иқтисод

ХАРИТАСОЗӢ: БУРДҲО ВА БОХТҲО

Корхонаи воҳиди давлатии «Фабрикаи харитасозӣ» сенздаҳ сол муқаддам таъсис ёфта буд. Корхона дар тӯли ин солҳо ба чӣ корҳо  шуғл варзида, чӣ пешрафту мушкилот дорад?
Барои иттилои бештар пайдо кардан бо Шарофиддин Шарифов, сармуҳандиси корхона, ҳамсуҳбат шудем, ки чунин гуфт:

- Фаъолияти корхона асосан аз соли 2004 оғоз шуда, дар ибтидо 2 – 3 харитасоз ва 2 чопгар  доштем. Бо супориши Ҳукумати ҷумҳурӣ ба соҳаи харитасозӣ дар Тоҷикистон  таҳкурсӣ гузоштем. То ин давра дар кишварамон соҳаи харитасозӣ вуҷуд надошта, дар баъзе аз вазорату идораҳо харитаҳои соҳавӣ мебароварданд. Аз соли 2005 то соли 2015   барои тамоми минтақаҳои  Тоҷикистон харитаҳои истифодаи умум тартиб додем. Ғайр аз ин барои соҳаи маорифу сайёҳӣ ва ташкилотҳои низомӣ харитаҳо омода кардем. Дар маҷмӯъ бештар аз 60 номгӯй харитаҳои гуногунсоҳаро дар ҷумҳурӣ, минтақаю шаҳрҳои калонтарин бо забонҳои тоҷикӣ, русӣ ва англисӣ бо теъдоди 150 ҳазор нусха чоп намудем. Аксари  ин харитаҳо бо супориши давлатӣ нашр мешаванд. Бо фармоиши як зумра ташкилотҳои ҷумҳуриявӣ ҳам дар асоси шартнома, барояшон харитаҳои махсус омода ва чоп мекунем. Масалан, Кумитаи ҷавонон, варзиш ва сайёҳӣ, раёсатҳои шаҳрҳо, сохторҳои дар соҳаи нақлиёт фаъолиятдошта, вазоратҳои энергетика ва захираҳои обу кишоварзӣ, Кумитаи ҳифзи муҳити зист, идораҳои амниятӣ фармоишот медиҳанд. Ҳар сол барои ташкилотҳо  харитаҳои нав омода  намуда, харитаҳои  мавҷударо бо маълумоти нав такмил медиҳем. Аз аввали сол бо раёсати сохтмон, азнавсозӣ ва таъмири асосию ҷории роҳҳою кӯпрукҳои ҳудуди марзию маъмурии шаҳри Душанбе,  Кумитаи ҳифзи муҳити зист ва  сафорати Амрико дар Тоҷикистон шартнома бастем. Тасмим гирифтаем, ки ба истиқболи  25 - солагии Истиқлолияти давлатии ҷумҳурӣ барои муассисаҳои таълимӣ дар миқёси 1: 30 000 000 ба андозаи диаметраш 42 см 200 глобуси калонҳаҷм тайёр кунем. Ҳоло  намунаи таҷрибавии он омода шудааст. Глобус пурра ба забони тоҷикӣ аст.  Нақша дорем, ки дар семоҳаи сеюми соли равон ба вазорату ташкилотҳо 200 глобус пешниҳод намоем. Барои харидории он аз тарафи Вазорати маориф ва илми ҷумҳурӣ низ таваҷҷуҳ зиёд буда, барои 3000 глобус додани фармоиш дар назар аст. То охири нимсолаи аввал бо вазорат шартнома мебандем ва бештар аз 8 ҳазор харитаи глобуси табиию харитаи  глобуси сиёсӣ чоп мекунем. Солҳои 2014 – 2015 барои синфҳои 6, 7, 8,  9 понздаҳ ҳазор атлас чоп кардем. Вале ин шумора хеле кам аст. Барои талаботи вазоратро  қонеъ кардан ҳар як атласи синфҳои алоҳида бояд на камтар аз 150 ҳазор нусха чоп шавад. Супориш аст, ки  талаботи вазоратро барои чопи харитаҳои девории фаннҳои таърих ва ҷуғрофия қонеъ кунонем. Барои иҷрои ин корҳо вақту маблағи муайян зарур аст.
Бояд гуфт, ки аз оғози истиқлолиятамон 25 сол сипарӣ мешавад, аммо  то имрӯз  масъалаи таъминоти атлас дар муассисаҳои таълимӣ қонеъкунанда нест ва касе масъулиятро бар зимма нагирифтааст. Дар мактабҳо харита намерасад. Дар корхона мутахассисон мерасанд. Ва  агар зарурат пеш ояд, мо худ метавонем, ки дар дохили коргоҳ бо гузарондани  дарсҳои махсус дар тӯли 2 – 3 моҳ  мутахассисони даркориро омода намоем.
Муҳим эҳсоси масъулият аст, ки бояд масъулон дарк намоянд.
У. МУРОД, «Ҷумҳурият» 


Баёни ақида (0)    Санаи нашр: 19.05.2016    №: 95    Мутолиа карданд: 484

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед