logo

иҷтимоиёт

АГАР ДИЛ СӮЗАД...

СУХАН АЗ БОБИ МАЪЮБОН МЕРАВАД
Владислав Лекомсев, маҳрум аз ду пой ҷисми нимтанаи худро дар тахтаи лижаронӣ баста, майдони 10 - километраи лижарониро тай кард ва ғолиби мусобиқаи Ҷоми ҷаҳон миёни маъюбон гардид. Ба гуфтаи ӯ, аз ин ба баъд ҳамин шуғлро ба худ касб мекунад, ба мисли ҷавонони солим бо ҷасорат ва тамрини мунтазам дар пешрафти ҷомеа саҳм мегузорад. Варзиши маъюбӣ дар кишварҳои пешрафта хеле рушд кардааст. Таҷрибаи ҷаҳонӣ варзишро дар барқарорсозии рӯҳу равони шахсони дорои имконияташон маҳдуд беҳтарин восита медонад.
Мақсад аз ин сатрҳо на тарғиби варзиш миёни маъюбон, балки пайдо кардани шуғл ё касби мувофиқ барои солимнигоҳдорӣ ва рӯҳбаландии маъюбон ҳамчун як узви баробарҳуқуқи ҷомеа мебошад. Бо вуҷуди ҳама саъю талошҳо ва аҳамияти вижае, ки Ҳукумати мамлакат ба гурӯҳҳои осебпазири аҳолӣ, махсусан маъюбону пирон зоҳир менамояд, дар ин марҳалаи мураккаби дигаргуниҳои иҷтимоиву иқтисодӣ, бахусус тағйири инфрасохтори корӣ сафи маъюбон афзуда истодааст. Ба иттилои коршиносон зимни конфронси минтақавии «Фарогирии шахсони имконияташон маҳдуд ба шуғл дар доираи таҷрибаи давлатҳои Тоҷикистону Қирғизистон», дар ҷумҳурӣ теъдоди умумии маъюбон ба 163 700 нафар расидааст, ки 2,1 фоизи аҳолиро фаро гирифтааст.
Матлуба Искандарова, сардори шуъбаи мониторинг ва дурнамои бозори меҳнати Агентии меҳнат ва шуғли аҳолии Вазорати меҳнат, муҳоҷират ва шуғли аҳолии ҷумҳурӣ, мегӯяд, ки дар соли 2015 ба мақомот барои дарёфти ҷойи кор 112 961 нафар ва дар давоми се моҳи соли 2016 - ум 39 268 нафар шаҳрвандон муроҷиат кардаанд. Аз ин шумора  50 687 нафар корҷӯ ва 3 760 нафари ба ҳимояи махсуси иҷтимоӣ ниёзманд тавассути квота бо кор таъмин шудаанд. Таҳлили раванди бокортаъминшавӣ дар ҷойҳои кории бандшуда нишон медиҳад, ки бештари корбарон занон мебошанд, 150 нафари онҳо маъюбанд.
- Новобаста аз ин, мутаассифона, бештари корфармоён хоҳиши ба кор қабул кардани ин табақаи аҳолиро надоранд. Корфармо пеш аз ҳама барои пешрафти кор бо назардошти маҳорати нокифояи касбӣ ва аз ҷиҳати иқтисодӣ зараровар аз қабули онҳо худдорӣ мекунад, - гуфт Матлуба Искандарова. - Аз ин хотир, пешниҳод карда мешавад, ки барои босамар татбиқ шудани ин тадбирҳо механизми таъсис додани ҷойҳои кории субсидияшаванда барои табақаи осебпазири аҳолӣ роҳандозӣ карда шавад. Ҳамчунин, ба корфармоён  барои бо ҷойҳои кории махсус таъмин намудани маъюбону дигар табақаи осебпазири аҳолӣ имтиёзҳои иқтисодӣ ё дастгирии молиявии иловагӣ пешбинӣ гардад. Ин таҷриба дар дигар давлатҳои тараққикардаи ҷаҳон васеъ истифода мешавад. Хеле муҳим аст, ки барои дар сатҳи зарурӣ ба тайёрии касбӣ фаро гирифтани табақаи осебпазири аҳолӣ ва мусоидат ба шуғли онҳо таҷрибаи низоми инклюзивии таълими касбӣ ҷорӣ карда шавад ва корфармоён низ иштирокчиёни фаъоли ин низом бошанд.
Бояд гуфт, ки бидуни рушди шеваҳои ташхиси тибби иҷтимоӣ бартараф сохтани иллатрешаҳое, ки боиси носолимии ҷисмониву равонии ҷомеа гардидаанд, ғайриимкон аст. Меъёрҳое, ки ҳанӯз барои муайян намудани маъюбӣ истифода мешуданд, монанди маҳдудияти қобилияти корӣ, алъон тавсеа ёфтаанд. Аз рӯйи асосҳои консептуалии Таснифи байналмилалии фаъолият тавсифи маъюбӣ аз доираи ташхиси таббӣ баромада, паёмадҳои иҷтимоиву иқтисодиро фаро мегирад.
Бо муқаррар кардани маъюбӣ ҳуқуқ ба ёрии иҷтимоӣ ва ё озод кардан аз уҳдадориҳои касбӣ фароҳам оварда мешавад. Ғайр аз ин, ҷорӣ кардани низоми нави иттилоотӣ таъмини омории мушкилот, аз ҷумла мушкилоти вобаста ба баҳодиҳии фаврияти воқеияти зуҳуроти маъюбиро пурра тағйир додааст. Вале дар кишвари мо ҳанӯз ҳам низоми куҳнаи сабти маъюбон амал мекунад, ки дар натиҷа шахси дорои оризаҳои устувори беморӣ, ки ба ёрии офиятбахшӣ эҳтиёҷ дорад, мумкин аст аз низоми расмии сабти ном ва ҳифзи иҷтимоӣ берун монад. Аз ин рӯ, роҳандозии низоми воқеии ташхиси тиббӣ – иҷтимоии қобилияти маъюбон ва сабти онҳо самаранокии сиёсати иҷтимоиро таъмин менамояд. Барои ин Пажӯҳишгоҳи ташхис ва барқарорсозии қобилияти кории маъюбони Вазорати тандурустӣ ва ҳифзи иҷтимоӣ аҳолии кишварро зарур аст, ба ҳалли ин масоили ба ҷомеа судманд чораҳои қатъӣ андешад. 

О. ВАФОБЕКЗОДА, “Ҷумҳурият”


Баёни ақида (0)    Санаи нашр: 19.05.2016    №: 95    Мутолиа карданд: 467

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед