logo

сиёсат

МУТТАҲИДӢ РОҲЕСТ, КИ МОРО БА ҚУЛЛАИ МУРОД МЕБАРАД

Таассурот аз сафари кории Асосгузори сулҳу ваҳдати миллӣ - Пешвои миллат Эмомалӣ Раҳмон ба шаҳри Исфара
Низомулмулки Тӯсӣ, ки асосан тарафдори тарзи давлатдории сулолаи Сомониён буд, дар фасли аввали китоби худ - «Сиёсатнома»  менависад: «Худованд дар ҳар замоне якеро аз миёни мардум бо хулқу хӯйи нек ва истеъдоди сарварӣ меорояд, ободии кишвар ва осудагии мардумро ба ӯ вобаста мекунад, дари фисқу фасодро бо дасти ӯ мебандад, меҳру муҳаббати ӯро дар қалбу дидаи мардум ҷой медиҳад, то ки онҳо дар паноҳи ӯ оромона рӯз гузаронанд ва шукри ин неъмати Парвардигори худро кунанд».
Сафари навбатии кории Сарвари давлат ба вилояти Суғд ва боздид аз шаҳри Исфара барои хурду калон хотирмону дилпазир буд. Шукр мекунем, ки ширкат дар ин вохӯрӣ  ва шунидани суханони фарзанди фарзонаи миллат, ки мақсаду маромашон ободкорӣ, фароҳам овардани шароити зиндагии шоиста барои мардуми кишвар аст, насибамон гашт. Бояд гуфт, ки бо раҳнамоӣ ва дастуру супоришҳои бунёдкоронаи Пешвои миллат дар чанд соли охир Исфара симояшро ба куллӣ дигар кард. Даҳҳо биноҳои нави истиқоматӣ, иқтисодию маишӣ қомат афрохта, ба симои он ҳусни тоза бахшиданд.
Арзёбӣ ва дастгирӣ ёфтани таҷрибаи меҳнати деҳқонони заҳматкаши Исфара аз ҷониби Сарвари давлат боиси ифтихор ва баланд гаштани масъулияти онҳо гардида, бунёди боғҳои нав ва азхудкунии заминҳои бекорхобида вусъат ёфт. Чи тавре ки Асосгузори сулҳу ваҳдати миллӣ - Пешвои миллат изҳор доштанд, Исфара дар ояндаи наздик ба яке аз шаҳрҳои калони саноатӣ, мавзеи сайру саёҳат табдил ёфта, шароитҳои зарурии муосир фароҳам оварда мешаванд. Азнавсозии шоҳроҳи Хуҷанд - Исфара барои роҳандозии ин амалҳои нек қадами устувор хоҳад гузошт. Хирадмандию дурандешии Президенти мамлакат ҷиҳати солим нигоҳ доштани фазои сиёсию иҷтимоии кишвар дар вохӯрӣ бо сокинони шаҳр бори дигар собит гардид. Сарвари давлат аз шомилшавии бархе аз ҷавонон ба ҳизбу ҳаракатҳои террористиву экстремистӣ изҳори таассуф намуда, моро ба бедорию зиракӣ ва ҳушёрии сиёсӣ даъват намуданд.
Дар ин раванд, тағйироти ба қисми шашуми моддаи ҳаштуми Конститутсияи (Сарқонуни) Ҷумҳурии Тоҷикистон пешниҳодшударо ҳамаҷониба дастгирӣ менамоем. Тибқи он дар Ҷумҳурии Тоҷикистон фаъолияти ҳизбҳои сиёсии дигар давлатҳо, таъсиси ҳизбҳои хусусияти миллӣ ва динидошта, инчунин маблағгузории ҳизбҳои сиёсӣ аз ҷониби давлатҳо ва созмонҳои хориҷӣ, шахсони ҳуқуқӣ ва шаҳрвандони хориҷӣ манъ аст.
Вақте аз вохӯрӣ бармегаштам, дилам лабрези фараҳу шодӣ буд ва ин ҳиссиётро дар чеҳраи ҳамроҳонам низ баръало эҳсос намудам. Хурду калон ба даргоҳи Офаридгор шукр мегуфтанд, ки чунин марди бузург, матиниродаву миллатдӯст ба бахти халқи тоҷик  сарвару раҳнамоямон мебошанд. Мо бояд  дар атрофи Сарвари муззамамон муттаҳид гардида, дар ободиву шукуфоии кишвари маҳбубамон нақши чашмрас гузорем. Муттаҳидию ҳамдигарфаҳмӣ ягона роҳест, ки моро сӯйи қуллаи мурод ва фардои нек мебарад.

Одилхон АЛИЕВ, 
сокини шаҳри Исфара


Баёни ақида (0)    Санаи нашр: 21.05.2016    №: 97    Мутолиа карданд: 776

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед