logo

туризм

МУЪМИНОБОД. САЙЁҲИИ КӮҲГАРДӢ НУФУЗИ ОНРО ДАҲЧАНД МЕАФЗОЯД

Муъминобод ноҳия кӯҳсор буда, дар қисми ғарбии қаторкӯҳҳои Ҳазрати Шоҳ, ҷанубу ғарбии Тоҷикистон ва шарқи вилояти Хатлон воқеъ аст. Нуқтаҳои баландтарину пасттаринаш  мутаносибан 2814  ва 1100 м мебошанд.

Қаторкӯҳҳои зебои Чилдухтарон, мавзеи афсонавию таърихии овозадор, маҳз дар ноҳияи Муъминобод ҷойгир аст. Ҳамчунин, дараҳои Маҳмуд, Мулло, Рисқидара, Лангар, Шуғноншаҳр, Хоҷаи Нур, Биби Навро, Биби Савро, Чӯбек, Кӯл, Сайёд, Чаргиҳо, Чаргикалон, Душанбе, Аъроб, Ларсой, Дошманд диққатрабою тамошобоб буда, барои сайёҳии кӯҳгардӣ мувофиқанд. 
Дар мавзеи Нағорахонаи Муъминобод дар масоҳати 300 гектар обанбори замонавӣ, ки он киштзорҳои пахтаи Кӯлобу Восеъ ва картошкаи Муъминободро шодоб менамояд, бунёд ёфтааст. Ғунҷоиши обанбор 30 миллион метри мукааб буда, манзараи зебову диданиеро мемонад. Дар соҳили обанбор истироҳатгоҳ сохта шудааст, ки дар фасли баҳору тобистон барои истироҳат ва заврақронӣ айни муддаост. Обанбор инчунин аз моҳӣ ва мурғобӣ бой аст. Дар ин ҷо сайёҳон пас аз боздиди ҷойҳои таърихиву маърифатӣ метавонанд фароғат кунанд.
Бояд гуфт, ки дарёчаҳои Яхсу, Лиҷак, Лангар дар мавсими баҳору тобистон сероб буда, дорои захираи фаровони тиллои сурх мебошанд. Дар домани қаторкӯҳҳои Чилдухтарон дашти Паҳндара доман густурдааст,  ки дар он ҷо солҳои 80-уми қарни ХХ яке аз қисмҳои филми бадеии «Рустам ва Сӯҳроб» (аз рӯи асари безаволи Абулқосими Фирдавсӣ «Шоҳнома») ба навор гирифта шудааст. Мардум ҷойи набарди падару писарро санг чида, ба он «Қабри Сӯҳроб» ном ниҳодаанд. Ҳамасола ба зиёрати он садҳо сайёҳони дохилу хориҷ меоянд. Каме дуртар аз ин мавзеъҳо, дар деҳаи Ҷавзодара, дар масоҳати 7 гектар «Бозори Зелолак» ҷойгир аст, ки  ба асрҳои V–VI  тааллуқ дорад.
Ҳангоми аз маркази ноҳия ба тарафи деҳаи Кӯлчашма раҳсипор шудан, теппаҳои зебое ба назар мерасанд ва дар яке аз онҳо акси дил намудор мегардад. Онро мардум «Кӯҳи Дил» ном мебаранд. Муъминобод, инчунин, бо ёдгориҳои таърихии Қалъа (асрҳои III – IV ), Шоҳи Хомӯш, Ҷалолиддини Гулдаста, Хоҷаи Нуру Хоҷа Алмос (асрҳои IX – XIII) , ки миқдорашон аз сӣ мегузарад, чинорҳои азими аз 1000  то 2000-сола, обҳои шифобахши чашмаҳои Толеъ, Бедаво, Шифо, Ғӯзаҷоғ, Биби Навро ва Биби Савро, Яхак ва ғайраҳо, ки дар маҷмӯъ наздик ба 800-то мебошанд, шуҳрати хоса дорад.
Масоҳати ҷангалу буттазори ноҳия 23 ҳазор гектарро ташкил медиҳад. Олами ҳайвоноту набототаш низ бою рангин ва барои ташкили саёҳатҳои экологӣ ва шикорӣ мувофиқ мебошад. Аз 4500 рустании ҷаҳонӣ 860 номгӯйи он дар Муъминобод мерӯяд. Аз ҳамаи ин дороиҳо мебояд самарнок истифода бурд ва аз суди бадастомода мавзеъҳои сайёҳиву фароғатиро боз ҳам зеботару ободтар гардонд.
Ба гуфтаи Сафаралӣ Фозилов, мутахассиси бахши сайёҳии ноҳия, бо назардошти имконоти фарох, дар ноҳия метавон туризми кӯҳгардӣ, экологӣ, шикориро рушд бахшид. Вобаста ба ин, пешниҳод мешавад, ки дар ноҳия филиали яке аз ширкатҳои сайёҳии ватанӣ ифтитоҳ гардад. Ин ҷиҳати ҷалби бештари сайёҳон ва ташкили саёҳатҳои маърифативу фарҳангӣ барои хонандагони мактабҳои миёна мусоидат хоҳад кард. Ҳамзамон, роҳ аз маркази ноҳия то мавзеи Чилдухтарон, ки 28 км – ро ташкил медиҳад бояд навсозӣ шавад. Зеро Чилдухтарон мавзеест, ки таваҷҷуҳи сайёҳони зиёдро ба худ ҷалб кардааст.
Ш. ҚУРБОН, «Ҷумҳурият»


Баёни ақида (0)    Санаи нашр: 25.05.2016    №: 99    Мутолиа карданд: 12045
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед