logo

сиёсат

Сергей НАРИШКИН: «ГУНАҲГОРОН ҶАЗОИ САЗОВОР ХОҲАНД ГИРИФТ»

Тавре иттилоъ дода будем, 14 май дар қабристони Хованскии шаҳри Маскав задухӯрди оммавӣ рух дод, ки бар асари он се шаҳрванди Тоҷикистон ба ҳалокат расида, 23 нафар ҷароҳатҳои гуногун бардошт.  Дар иртибот ба ин қазия дар расонаҳои хабарӣ матолиби зиёди баҳсбарангез нашр шуданд. Барои тафтиши холисонаи ҳодиса ниҳодҳои дахлдори Тоҷикистону Русия сафарбар гардиданд. Ҳамон рӯз Вазорати корҳои хориҷии кишвар аз сафири фавқулода ва мухтори Русия дар Тоҷикистон талаб намуд, ки барои тафтиши объективонаи ин задухӯрд ва ба ҷавобгарӣ кашидани шахсони гунаҳгор чораҳои фаврӣ андешад. Вазорат ва намояндагии дипломатии кишвар дар Маскав бо мақомоти марбутаи Русия дар тамоси доимӣ қарор доранд.

Бо супориши Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 14 май вазири корҳои дохилӣ Рамазон Раҳимзода бо вазири корҳои дохилии Федератсияи Русия Владимир Колоколсев оид ба ин ҳодиса ду маротиба гуфтугӯи телефонӣ анҷом дод. Ҷонибҳо масъалаҳои ҳамкории муштараки тафтиши парвандаи ҷиноятӣ, мубодилаи ахбор оид ба ҷинояткорон ва дидани чораҳои якҷояи оперативӣ - ҷустуҷӯиро дар меҳвари гуфтугӯ қарор доданд.
Барои тафтиши воқеъбинона намояндаи Вазорати корҳои дохилии Ҷумҳурии Тоҷикистон дар Федератсияи Русия генерал-майори милитсия А. К. Азизов ва хадамоти махсуси Ҷумҳурии Тоҷикистон бо супориши вазири корҳои дохилии Федератсияи Русия ба гурӯҳи оперативӣ - тафтишотии Сарраёсати корҳои дохилии шаҳри Маскав шомил шуданд. Зимни суҳбати телефонӣ ҷонибҳо ба мувофиқа расиданд, ки то дастгир ва ба ҷавобгарӣ кашидани гунаҳгорон ҳамкории муштаракро идома хоҳанд дод.
Ҳамзамон Шукурҷон Зуҳуров, Раиси Маҷлиси намояндагони Маҷлиси Олии Ҷумҳурии Тоҷикистон, ки 17 май ҷиҳати иштирок дар кори иҷлосияи Ассамблеяи байнипарлумонии кишварҳои Иттиҳоди Давлатҳои Мустақил ба шаҳри Санкт - Петербург сафар кард,  бо Раиси Шӯрои Федератсияи Маҷлиси Федералии Федератсияи Русия Валентина Матвиенко дидору гуфтугӯ намуд.
Тавре котиби матбуоти Маҷлиси намояндагони Маҷлиси Олӣ Муҳаммадато Султонов иттилоъ дод, ҷонибҳо дар баробари масъалаи ҳамкориҳои байнипарлумонӣ, қазияи қабристони Хованскии шаҳри Маскавро низ матраҳ намуданд. Раиси Маҷлиси намояндагон аз ин ҳодиса, ки боиси ба ҳалокат расидани се шаҳрванди Тоҷикистон ва захм бардоштани 23 нафар гардид, изҳори таассуф ва нигаронӣ карда, аз ҳамтои русаш хостори ҳалли ҳарчи зудтари ин қазияи нанговар шуд. Шукурҷон Зуҳуров тақозо кард, ки барои дастгир ва ба ҷавобгарӣ кашидани қотилон ва ҳомиёну фармоишгарони ҳодиса аз тариқи кумита ва комиссияҳои дахлдори Шӯрои Федератсияи Маҷлиси Федералӣ назорати ҷиддӣ ба роҳ монда шавад.
Валентина Матвиенко ба Шукурҷон Зуҳуров ва дар шахси ӯ ба хонаводаҳои ҳалокшудагон ҳамдардӣ баён намуда, аз вуқӯи ин ҳодиса ибрози таассуф кард. Таъкид намуд, ки қазияро шахсан зери назар гирифта, барои ҳалли мунсифонаи он мусоидат менамояд. Ба андешаи ӯ, ҳеҷ гуна аъмоли муғризонаи шахсони алоҳида ва ё гурӯҳҳои манфиатҷӯ наметавонад муносиботи хубу ҳасанаи кишварҳои моро халалдор созад.
Масъалаи муҳоҷирати  меҳнатӣ ва  фароҳам овардани шароити мусоид барои муҳоҷирони кории тоҷик  яке аз мавзӯъҳои меҳварии мулоқоти Шукурҷон Зуҳуров, бо Сергей Наришкин, Раиси Думаи давлатии Маҷлиси Федералии Федератсияи Русия буд, ки 19 май дар Санкт - Петербург сурат гирифт. Дар ин росто, Шукурҷон Зуҳуров аз ҳамтои русаш хоҳиш намуд,  ки  дар ҳалли қазияи оромгоҳи Ховански мусоидат намуда, ба ҷинояткорону шахсони пушти ин  ҳодиса қарордошта мувофиқи амалашон ҷазо дода шавад.
Раиси Маҷлиси намояндагони Маҷлиси Олӣ таъкид кард, ки муносиботи неки мардумони ду кишвар решаи таърихӣ дошта, падарону  бобоёни мо дар канори ҳам тавонистанд, ки ба қавитарин душмани инсоният - Олмони фашистӣ дар Ҷанги Бузурги Ватанӣ пирӯз шаванд. Бояд мо таҷрибаи гузаштагони худро истифода намуда,  нагузорем, ки гурӯҳҳои иғвогар ба муносиботи дӯстонаи мо халал ворид намоянд. 
 Сергей Наришкин аз ҳодисаи оромгоҳи Ховански ва ба ҳалокат расидани шаҳрвандони Тоҷикистон изҳори таассуф намуда, иброз дошт, ки ба қазияи мазкур ҳатман дар доираи қонун расидагӣ намуда, гунаҳгорон ҷазои сазовор хоҳанд гирифт.  Мавсуф таъкид кард, ки «мо ҳамеша хостори муносиботи неку равобити ҳасана бо шарики стратегии кишвари худ дар минтақаи Осиёи Марказӣ - Тоҷикистон ҳастем ва талош менамоем, ки ин равобит бештар тақвият ёбанд».
 Тибқи иттилои  «Интерфакс», ба гумони даст доштан дар ин қазия нафарони зиёд, аз ҷумла директори оромгоҳи Ховански Юрий  Чабуев, дастгир шуд. Ӯ 19 май, баъди бозпурсии кормандони полис, гуфт, ки барои ҳалли масъалаи «хориҷ намудани муҳоҷирони ғайриқонунии тоҷик аз қабристон» ба қафқозиҳо муроҷиат кардааст.
Тафтиши ҳодиса аз ҷониби мақомоти ҳифзи ҳуқуқи Ҷумҳурии Тоҷикистон ва Федератсияи Русия идома дорад. Вобаста ба қазияи мазкур Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба аҳли оила ва наздикону пайвандони фавтидагон изҳори ҳамдардӣ ва тасаллият намуд. 
Додоҷон РӮЗИЕВ,
«Ҷумҳурият»


Баёни ақида (0)    Санаи нашр: 25.05.2016    №: 99    Мутолиа карданд: 514

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед