logo

маориф

ЗАБОНДОНӢ ВА ФАРҲАНГИ МУОШИРАТ

Ҷои қаноатмандии мо, омӯзгорон аст6 ки бо саъю эҳтимоми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сол то сол заминаҳои моддӣ - техникии муассисаҳои таҳсилот устувортар ва доираи истифодаи технологияи иттилоотӣ - коммуникатсионӣ васеътар мешавад. Батадриҷ синфхонаҳои таълимӣ бо проектор, ноутбук, компютер, тахтаҳои электронӣ ва дигар таҷҳизоти муосир муҷаҳҳаз мегарданд.

Хонандаи имрӯза аз марҳалаи ибтидоии таҳсилот малакаи истифодаи компютери шахсиро пайдо мекунад. Аз ин лиҳоз, омӯзгор муваззаф аст, ки дар ҷараёни омӯзондани шогирдон аз технологияи муосири интерактивӣ моҳирона истифода барад, то ки дар хонандагон қобилияти кор кардан бо системаҳои электронии ҳисобкунӣ ва иттилоотиро  ташаккул дода тавонад.
Усули истифодаи самарабахш ва саривақтии технологияи иттилоотӣ - коммуникатсионӣ дар машғулиятҳои дарсӣ барои ҳар ду тараф - хонанда ва омӯзгор самараи хуберо ба бор меорад. Бо ин роҳ хонандагон имкони мустақилона коркард намудани иттилооти дарёфтнамударо пайдо мекунанд ва  роҳи дурусти ҳаллу фасли масъаларо интихоб карда метавонанд.  
Тайи чанд соли охир шаклҳои имтиҳони хатмкунандагон, гуногун гардида, тестикунонии марказонидашуда ба вуҷуд омад ва ин зарурати ба хонандагон ёд додани тарзи дурусти иҷрои супоришҳои тестиро ба миён гузошт. Бо истифода аз низоми муназзами тестҳои компютерӣ, ки имкони таҳти назорат гирифтани сатҳи азхудкунии имло, истифодаи аломатҳои китобатӣ, инчунин ошкор намудани сабаби иштибоҳот ва пешниҳоди тавсияҳо ҷиҳати роҳ надодан ба хатогиҳои минбаъдаро медиҳад, вазифаҳои омӯзгорон низ дигаргун шудааст.
Дар раванди таълим ба омӯзгори фанни забон ва адабиёти рус чун омӯзгорони дигар фанҳо лозим меояд, ки чун анъана ба манбаъҳои гуногуни илмӣ - иттилоотӣ: қомусҳо, фарҳангҳо, маълумотномаҳо муроҷиат намояд. Тавассути истифодаи технологияҳои иттилоотии муосир суръат ва сифати дарёфти манбаъҳои номбурда комилан беҳбудӣ ёфтааст. Зеро ки ҷойи китобхонаи анъанавиро маводи илмӣ - иттилоотии электронӣ гирифтааст ва ин боиси сарфа гардидани вақти омӯзгору хонанда мегардад. 
Аз ҷониби дигар, мавриди истифода қарор гирифтани технологияи номбурда ба омӯзгор роҳу усулҳои муосиру самарабахшии таълимро мекушояд.
Усули номбурда сатҳу сифати ҷараёни донишандӯзию забондонӣ, фарҳанги зеҳнию кори ақлонии хонандагонро ташаккул медиҳад, малакаи диққатдиҳӣ, фаъолияти эҷодӣ ва интизомнокии онҳоро муназзам менамояд, фарҳанги муоширатро рушд медиҳад.
Бо вуҷуди ин, бархе аз омӯзгорони фанҳои ҷомеашиносӣ ба истифодаи технологияи иттилоотӣ - коммуникатсионӣ дар ҷараёни таълим диди шубҳаангез доранд. Иддае аз омӯзгорон ба масъалаи истифодаи технологияи компютерӣ ба қавле “эҳтиёткорона” муносибат мекунанд ва то андозае ҳарос ҳам доранд.
Ба андешаи ман, ҳароси ҳамкасбонам ягон асос надорад. Истифодаи дурусти технологияҳои муосир ҳам барои хонандагон ва ҳам барои омӯзгорон хеле ҷолиб ва шавқовар мебошад. 
Вазифаҳои омӯзгор тавассути  истифодаи технологияи иттилоотӣ дар хонандагон ташаккул додани маҳорату малакаи устувори имлоӣ ва истифодаи аломатҳои китобатӣ, амиқан дарк ва истифодабарии меъёрҳои забони адабӣ ва ба хонандагон фаҳмонда додани мафҳумҳои соҳавӣ мебошанд.
Технологияи иттилоотӣ - коммуникатсиониро метавон дар тамоми бахшҳои  дарс: пурсиши вазифаи хонагӣ, баёни мавзӯи нав, мустаҳкамкунӣ, такрор, инчунин дар машғулиятҳои факултативӣ, корҳои берун аз синф ва фаъолияти тадқиқотӣ истифода бурд. Тавъамсозии раванди кор бо компютер ва муҳокимаву муоширати байни худи хонандагон ва омӯзгору хонандагон дар ҷараёни машғулиятҳои дарсӣ аз як тараф муҳити созгореро барои азхудкунии забон фароҳам меоварад, аз тарафи дигар боиси пайдо шудан ва батадриҷ ташаккул ёфтани одобу фарҳанги муоширати хонандагон тавассути забони омӯхташаванда мегардад.
Ҳаёти имрӯзаи  ҷомеаи ҷаҳонӣ бо раванди ҷаҳонишавиаш аз омӯзгороне, ки ба таълиму тадриси забону адабиёти ватанӣ ва хориҷӣ сарукор доранд, шеваҳои нави фаъолиятро, ки  натиҷаҳои ниҳоии онҳо ҳатман ҷавобгӯи талаботи бозори меҳнати дохилӣ ва хориҷӣ бояд бошанд, тақозо дорад.
Аз ин рӯ, мо омӯзгорон дар ҳамдастӣ бо падару модарон, роҳбарони мақомоти иҷроияи маҳаллии ҳокимияти давлатӣ ва тамоми ҷомеаи шаҳрвандӣ бо истифода аз неруи тавонои технологияи иттилоотию коммуникатсионӣ барои шогирдон сари вақт, дар айёми наврасии онҳо бояд муҳити мусоиди забономӯзиву забондонӣ ва ташаккули фарҳанги муоширатро фароҳам гардонем.    
Манзура МАВЛОНАЗАРОВА,
омӯзгори фанни забон ва адабиёти руси гимназияи № 74 шаҳри Душанбе


Баёни ақида (0)    Санаи нашр: 26.05.2016    №: 100    Мутолиа карданд: 2410
28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ


Дар сомонаҳои дигари Тоҷикистон хонед