logo

иҷтимоиёт

ҶАЛОЛИДДИНИ БАЛХӢ: ҚАСРИ ВАЛАНГОРИ ФАРҲАНГ

- Шурӯъ аз соли 2010 роҳбарони аввали ташкилоту муассисаҳои давлатӣ арзу шикояти шаҳрвандонро дар маҳалҳо шунида, роҳи ҳаллашонро пайдо менамоянд. Бо вуҷуди ин, ҳанӯз ҳам ҳолатҳои ба зинаҳои ноҳиявию вилоятӣ не, балки якбора ба Ҳукумати мамлакат ва вазорату кумитаҳо ироа гардидани мушкилоти шаҳрвандон кам нашудааст.
Ин нуктаро Гулмаҳмадзода Давлатшоҳ, раиси вилояти Хатлон, зимни баргузории рӯзи қабули шаҳрвандон дар ноҳияи Ҷалолиддини Балхӣ иброз намуд. Мавсуф таъкид кард, ки сокинон бояд бо эътимод ва ошкоро мушкилоти худро баён намоянд. Раҳимбек Рауфов, сокини Ҷамоати деҳоти “Туғаланг”, ба самъи раиси вилоят расонд, ки қасри фарҳанги хоҷагӣ чандин сол боз валангор асту ниёз ба таъмири ҷиддӣ дорад. Саодат Аллаёрова, омӯзгори муассисаи таҳсилоти миёнаи умумии рақами 10, шиква кард, ки фарогирии кӯдакон ба муассисаҳои томактабӣ ба таври бояду шояд амалӣ намегардад.
- Солҳои 90-уми асри гузашта дар маркази ноҳия бунёди як бинои боҳашамат бо фарогирии 260 кӯдак шурӯъ шуда буд, вале бо сар задани ҷанги шаҳрвандӣ ин иқдоми наҷиб амалӣ нагашт. Хоҳишмандем, мушкили моро ҳал намоед”, - гуфт Саодат Аллаёрова.
Нафақахӯр аз Ҷамоати деҳоти Фрунзе Соҳибҷон Бозорбоев арз кард, ки барои кӯдакони 80 оилаи ин мавзеъ мактаб дар масофаи дур воқеъ гардида, ба манзилҳои шаҳрвандон хати барқ кашида нашудааст. Ҷумъаназар Мирзоев, раиси хоҷагии таҷрибавии лимӯпарварии Академияи илмҳои кишоварзии Ҷумҳурии Тоҷикистон дар ноҳияи Ҷалолиддини Балхӣ, аз Давлатшоҳ Гулмаҳмадзода тақозо кард, ки дар мавриди ба ислоҳот фаро гирифтани хоҷагӣ мусоидат намояд.
- Фаъолияти хоҷагӣ аз сабаби кӯҳнаву корношоям гардидани воситаҳои кишоварзӣ ва иншооти ёрирасон чандин сол боз фалаҷ гардидааст. Беҳтар мебуд, агар заминҳои он ба хоҳишмандон барои таъсиси хоҷагиҳои хурд вобаста мегардиданд”, - афзуд Соҳибҷон Бозорбоев.
Ҷовид Қурбонов, сардухтури беморхонаи рақами 1 - и Ҷамоати деҳоти Калинин, дар бобати рафъи ҳолати садамавии муассиса, ки ҳанӯз солҳои 1934-36 сохта шуда будааст, аз раиси вилоят ёрӣ хост.
Давлатшоҳ Гулмаҳмадзода масъулони вилоятро барои ислоҳи ҳар чи зудтари камбудиҳо муваззаф сохт. Зимнан, аз соҳибкорони маҳаллӣ хоҳиш карда шуд, ки бо даст додани имконияти иқтисодӣ ёрии худро дар бунёди синфхонаҳои иловагӣ, муассисаҳои таълимӣ ва томактабӣ, варзишгоҳ ва қасри фарҳанг дареғ надоранд.
Дар робита ба пайвастани баъзе наврасону ҷавонон ба гурӯҳҳои ифротӣ Давлатшоҳ Гулмаҳмадзода изҳори нигаронӣ  карда, гуфт, ки аз ноҳия ба гурӯҳи террористии “Давлати исломӣ” 35 нафар шомил шудаанд. Ба Сурия ва Ироқ ду оила пурра рафтааст, ки 6 кӯдаки ноболиғ доранд. Ҳамзамон, дар ноҳия 40 пайрави ҷараёни мамнуи “Салафия” ба қайд гирифта шуда, 27 кас дастгир ва 9 нафар дар кофтуков қарор дорад.
Зокир ҲАСАН, “Ҷумҳурият”     


Баёни ақида (0)    Санаи нашр: 26.05.2016    №: 100    Мутолиа карданд: 491

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон


Дар сомонаҳои дигари Тоҷикистон хонед