logo

сиёсат

ПЕШВОИ МИЛЛАТ ВА ҲУВИЯТИ МИЛЛӢ

Воқеан, ба арсаи сиёсат ва таърихи навини халқи тоҷик омадани Сарвари давлат, муҳтарам Эмомалӣ Раҳмон  амри таърих ва ниёзи асосии ин марҳилаи сарнавиштсоз буд. Ӯ аз ибтидо ба ҳайси пуштвонаи маънавӣ ва назарияи сиёсати давлатдорӣ ва давлатсозии хеш суннатҳо ва арзишҳои баланду волои миллӣ ва ахлоқии халқи тоҷикро, ки таърихи қадима доранд, интихоб намуд. Нахустин нишонаи бар пояҳои миллӣ устувор гаштани андешаи давлатдории Эмомалӣ Раҳмон ин бо ибтикори бевоситаи эшон дар пойтахти кишвар қомат афрохтани муҷассамаи Амир Исмоили Сомонӣ буд. Рӯй овардан ба саҳифаҳои дурахшони таърихи давлатдории тоҷикон, эҳёи суннатҳои кишвардорӣ ва ватанпарастии ниёгон дар дили ҳар як сокини кишвар шуълаи умедро ба ояндаи Ватан, эътимоду бовариро ба Сарвари он зинда намуд. Сарвари давлат бо фитрати худодод ва азамати тафаккуру иродаи қавии сиёсӣ бар воқеияти нобасомони рухдода пирӯз гардид, барои озодии комил, устувории оромию субот ва тақвияти Истиқлоли миллӣ халқро раҳнамоӣ кард, ки он воқеан дар таърих падидаи нодири сиёсӣ буд. Нияти неку созанда ва иродаи қавии сиёсӣ ба Сарвари давлати тоҷикон имкон дод, ки ҳадафи бунёди ҷомеаи демократӣ, ҳуқуқбунёд ва дунявиро ба фарҷоми мантиқӣ расонад. Муҳимтарин паёмади талошҳои давлатсозии Президенти кишвар муҳтарам Эмомалӣ Раҳмон  бунёди давлатдории миллӣ, дарёфти ҷаҳонбинӣ ва андешаи воқеан мардумӣ буд, ки онҳо дар маҷмӯъ фалсафаи нави давлатдории халқи тоҷикро ташкил дод, ки муаллиф ва бунёдгузори он худи Сарвари давлат буданд. Ҳамон ҳадафҳои миллии халқи тоҷик, ки дар тӯли асрҳо ҷомаи амал напӯшида буданд, асоси ин фалсафаро ташкил доданд ва дар натиҷа эътибор ва шаъну шаҳомати миллатро дар арсаи ҷаҳонӣ аз нав эҳё намуд.
Имрӯз ҳамаи ҷаҳониён эътироф намудаанд, ки муҳимтарин дастоварди  халқи тоҷик дар оғози ҳазораи нав ин бунёди давлатдории миллӣ ва мақому эътибори байналмилалӣ касб намудани он аст ва ҳамаи ин бевосита аз ибтикорот ва талошҳову ҷоннисориҳои Сарвари кишвар сарчашма мегирад.
Бояд гуфт, ки андеша ва ҳувияти миллӣ аз ибтидо ҳамчун аслҳои муҳиму меҳварии ҷаҳоншиносии сиёсӣ аз тарафи Президенти ҷумҳурӣ пазируфта шуд. Вай ҳалли муҳимтарин масъалаҳои давлатдории навини тоҷиконро аз саҳифаҳои дурахшони таърихи он, аз фоҷеаҳо ва сабақу ҳикматҳои гузаштаи миллат ҷустуҷӯ намуд. Аз аҳди ҳукмронии Ориёиҳо ва Сомониён то ба замони мо ба таҳқиқ гирифтану ба таълиф расонидани асарҳои бунёдию мондагоре мисли «Тоҷикон дар оинаи таърих», «Аз Ориён то Сомониён», «Ориёиҳо ва шинохти тамаддуни Ориёӣ», «Сарнавишти миллати соҳибтамаддун», «Имоми Аъзам ва гуфтугӯи тамаддунҳо», «Имоми Аъзам ва фарҳанги миллӣ», «Истиқлолияти Тоҷикистон ва эҳёи миллат» далели равшани асоси миллӣ доштани консепсияи давлатдорӣ ва бунёд намудани низоми нави сиёсии кишвар дар замони мо мебошад.
Ин асарҳои муҳиму консептуалии Сарвари давлат назари олимону муҳаққиқон ва аҳли назари кишварро ба воқеияти рӯзгори гузаштаи халқ, таъриху тамаддун ва фарҳанги миллӣ ба куллӣ дигар намуд. Маҳз дар заминаи ҳамин асарҳо дар тӯли понздаҳ - бист соли охир дар илму адаби тоҷик даҳҳо асарҳои пажӯҳишию адабӣ ба вуҷуд омаданд, ки муаллифони аксари онҳо аз китобҳои мазкур илҳом гирифтанд.
Эмомалӣ Раҳмон дар таърихи тоҷикон нахустин сарварест, ки дар ҷумҳурӣ фазои кушодеро барои инкишофи андешаи миллӣ, анъанаю суннатҳои мардумӣ ва дину эътиқоди халқ ба вуҷуд овард. Маҳз бо ирода ва ибтикори ӯ ҳамаи монеаҳои сунъию сохта, ки қаблан рӯйи фарҳанг, адабиёт, матбуот ва андешаи озод таҳмил шуда буданд, аз байн бардошта шуданд. Барои рушди тафаккури сиёсӣ, илмӣ ва адабию эҷодӣ дар кишвар фазои мусоид созмон дода шуд.  Роҳе, ки Сарвари давлат барои бунёди ҷомеаи шаҳрвандӣ ва давлатдории миллӣ боз намуд, ҳамчун як мактаб ва ё шеваи тозаи сиёсӣ абадан дар таърихи халқи тоҷик сабт гардид. Ба шарофати сиёсати дуруст ва оқилонаю мантиқии Пешвои миллат халқи тоҷик шояд дар тӯли таърихи дароз бори нахуст худро соҳиби ҳамин Ватан, соҳиби ҳамин обу хок ва ҳамин марзу бум эҳсос намуд.
Натиҷаи талошу ҷоннисориҳо, тасмимгириҳою барномарезиҳои боҷуръатона, меҳанпарастона ва оқилонаю ҳакимонаи Пешвои миллат буд, ки Тоҷикистон дар як муддати кӯтоҳ аз буҳрони шадиди сиёсӣ раҳо ёфта, ба ҳайси як кишвари худвижа ва дорои зарфиятҳои бузурги  иқтисодию иҷтимоӣ ва зеҳнию маънавӣ ба раванди ҷаҳони муосир пайваст ва дар дунёи имрӯз ҷойгоҳ ва мақому мартабаи сазовори худро соҳиб гашт. Ҳамаи ин заҳмату талошҳои Сарвари давлат дар таърихи давлатдории навини тоҷикон бо хатҳои заррин абадан сабт гардиданд.

Сайфиддин НАЗАРЗОДА,
доктори илми филология,
профессор,
Шамсиддин СОЛЕҲОВ,
доктори илми филология


Баёни ақида (0)    Санаи нашр: 26.05.2016    №: 100    Мутолиа карданд: 546

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед