logo

иҷтимоиёт

ШУНИДАН КАЙ БУВАД...

Сокини ноҳияи Файзобод Ҳокими Сафар дар мактуби ба идораи рӯзнома навиштааш овардааст: “Дар Ҷамоати деҳоти Вашгирди ноҳияи Файзобод фабрикаи парандапарварии “Мурғи ҳилол” фаъолият дорад, ки мутасаддии он оилаи Ҳакимовҳо аст. Азбаски маъмурияти корхона поруи мурғҳоро бетартибона ба ғорҳои назди деҳаҳои Қошқарӣ, Сомониён,  Шаҳтакиён ва шаҳраки Лолагӣ мерезанд, аз бӯйи бади партовҳо сокинони гирду атроф дар азобанд.

Дар мавзеъҳои порупартоӣ пашша ва ҳашарот ҷамъ шуда, манбаи пайдоиши ҳар гуна касалиҳои сирояткунанда,  аз қабили зардпарвин, домана, хориши пӯст ва ғайра гардида истодааст”. Идораи рӯзномаи “Ҷумҳурият” лозим донист, ки навиштаҳои муаллифро мавриди таҳқиқ қарор диҳад.
Дар ҳақиқат ду-се сол қабл ҶДММ “Мурғи ҳилол” дар авҷи рушд буду партовҳои он назар ба ҳозира ду - се маротиба бештар  ба назар мерасид. Ба 1 апрели соли 2016 саршумори паранда дар ин ҷо 232982 сарро ташкил додааст, ки нисбат ба соли 2014 - ум 445207 сар кам аст. Аз ин рӯ, барориши партов ҳам коҳиш ёфта, сокинони Ҷамоати деҳоти Вашгирд низ шикоят надоранд.
Бо ҳамроҳии мудири шуъбаи ҳифзи муҳити зисти ноҳия Маҳмадулло Назаров аз партовгоҳи ҶДММ “Мурғи ҳилол” дидан кардем.
- Партовгоҳ аз маҳалҳои аҳолинишини Қошқарӣ, Сомониён, Шаҳтакиён ва Лолагӣ зиёда аз 2 ҳазор метр дур воқеъ буда, аз Ҳукумати ҷумҳурӣ иҷозатнома дорад, - мегӯяд Маҳмадулло Назаров. – Корҳои безараргардонӣ доимо дар муҳлаташ гузаронда шуда, дар гирду атрофи он пашшаю ҳашарот дида намешавад. Азбаски поруи мурғ барои зироатҳои кишоварзӣ нафъовар аст, деҳқонон аз он ба миқдори зиёд истифода мебаранд ва бӯйи пору паҳн мешавад, ки ба партовгоҳ чандон тааллуқ надорад. Мавҷудияти партовгоҳ ба муҳити зист зароровар нест.
Tавре дида шуд, баромадгоҳи партовгоҳ бо садди бетонии якметра баста шудааст ва хавфи канда шудани он аз эҳтимол дур мебошад.
Аз меъёр зиёд будани бемориҳои сирояткунанда дар гирду атрофи партовгоҳ, ки дар навиштаи Ҳокими Сафар зикр ёфтааст, аз тарафи Шаҳло Тағоева, директори маркази назорати давлатии санитарию эпидемиологии ноҳия, рад карда шуд.
“Паҳншавии бӯйи бади пору вобастагӣ дорад аз заминҳои корам, ки аҳолии атрофи фабрикаи парандапарварӣ барои афзун кардани ҳосили киштаҳо истифода мебаранд.  Ба қайд гирифтани бемориҳои сирояткунанда дар Ҷамоати деҳоти Вашгирд зери назорат буда, касалиҳои зардпарвин, домана ва хоришаки пӯст умуман ба қайд гирифта нашудааст. Ҳар сол марказ оид ба нигоҳдории партовгоҳ ба ҶДММ “Мурғи ҳилол” пешниҳоди санитарӣ равон мекунад”.
Бетафовут набудан ба камбуду норасоиҳо хислати хуби аҳли қалам мебошад. Аммо муфид мебуд, агар гапу калочаи шунидаро дуруст санҷида, баъд ба идораи рӯзнома фиристем. Ҳамин тавр не?

Мирзои ФИРӮЗ,
“Ҷумҳурият”


Баёни ақида (0)    Санаи нашр: 27.05.2016    №: 101    Мутолиа карданд: 526

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед