logo

иҷтимоиёт

ДИПЛОМ ҲАСТУ КОР НЕ. КӢ ГУНАҲГОР?

Бисёр мешунавем, ки баъзе аз волидайн аз бекории  фарзандони соҳибмаълумоташон  изҳори  ташвиш  мекунанд. Ва  низ таассуф мехӯранд, ки панҷ сол писар ё духтарашон «бефоида» хондааст.  Аз нигоҳи  аввал  гилаи  падару  модарон дуруст аст, шояд дар ин панҷ сол қисме аз ин фарзандон беҳтарин тоҷир ё  косиб  мешуданду  дар  пешбурди  рӯзгор дасти падар мегирифтанд. Ва ё ҳам бо сари  баланд  хизматро  адо  кардаву волидайнро аз ин ташвиш озод менамуданд…

Вале андешаҳои дигар низ ҳаст, ки мутахассиси воқеан соҳибмаълумот ҳеҷ гоҳ дар кӯча намемонад.  «Як гулу сад харидор»  гуфтагӣ барин  онҳо талабгорони зиёде доранд. Ҳамин гурӯҳ сабаби қисман  бекор  мондани  хатмкунандагони  макотиби  олиро  дар интихоби  нодурусти  касб, камтаваҷҷуҳии волидайн ба ояндаи фарзанд ва бепарвоии баъзе аз масъулон медонанд. Пас, саволи матраҳ ин аст, ки дар бекории ҷавонони соҳибмаълумоти мо кӣ гунаҳгор аст?  Худи онҳо, волидайн ва ё вазорату мактабҳои  олӣ. Ба ин савол бо чанде аз нафарони касбу корашон гуногун муроҷиат намудем, ки фишурдаи он пешкаш мегардад.
Муҳаммадҷони  Сафол, хатмкардаи  Донишкадаи  молия ва  қарз, сокини  шаҳри  Душанбе,  иброз  медорад,  ки  «дар масъалаи бекории ҷавонони  таҳсилдида  ва  ба  қавле   «таҳсили  беҳуда» - и  онҳо  андешаҳо гуногун ва хеле зиёданд. Вале  ақидаи  шахсии ман ин аст, ки  ҷавонон  аз кор кардан метарсанд, нобовариашон   ба  худу  донишашон  онҳоро  азоб медиҳад. Нияти кор кардан доранд, вале  истеъдод  не, пас чӣ бояд кард?»  Ин саволест, ки  ҷавоби  дақиқ  мехоҳад.    Мушоҳидаҳо нишон медиҳад, ки  маҳз сабаби  бекор мондани  ҷавонони  соҳибмаълумот  аз  саводи кофии тахассусӣ  надоштани  онҳост. Воқеан  интихоби  касб  хеле  душвор аст.  Ҳар  як шахс медонад, ки  донишаш то кадом дараҷа мерасад  ва  танҳо  дар назди худ гуфта метавонад, ки арзандаи кадом касб аст.  Вале  касберо интихоб мекунад, ки  на  ба  он шавқ дорад  ва на истеъдод. Чаро мо  бесаводии  худро  қабул надорем?   
Зафари  Ҷалол, сокини  шаҳри  Кӯлоб,  хатмкардаи  Донишгоҳи  давлатии  тиббии  Тоҷикистон,  чунин  мегӯяд, ки «тӯли  10 сол  мешавад, ки донишгоҳро   хатм  кардам, вале  то  ба  ҳол  бекорам. Дар  ин масъала  гуфтаниҳои  зиёд  дорам, вале   ягона  сабаби  бекории  ман ин  камсаводӣ  ва  надоштани  истеъдод  дар ин соҳа  мебошад.  Чӣ  хеле,  ки  мегӯянд:  «каҷ  шину  рост  гӯй». Дар  асл  аксари  инсонҳо  ҳақиқати  ҳолро  намегӯянд. Ман  низ  гуфтанӣ  набудам,  вале  фикри  ҷавонони ояндаро  намудам  ва хостам  ин  барои  онҳо   дарси ибрат  шавад, то  касберо  интихоб  намоянд, ки донишашон  ба он расад  ва арзандаи он бошанд».
Дилшод  Каримов,  сокини  шаҳри  Душанбе  чунин  мегӯяд, ки ман дар интихоби  касб  хатои  бузург  кардам.  Вале  ҷойи  худро  ёфтам, лоиқи  кадом касб  буданамро  дарк  намудам. Ҳарчанд хеле дер  ҳам бошад.   Тасаввур кунед,  7 соле, ки  ман дар донишгоҳи  тиббӣ  таҳсил  кардам,  агар  дар  донишгоҳи  технологӣ  таҳсил мекардам  имрӯз  устои  касби  худ  шуда,  дар  дилхоҳ  корхонаҳои  давлатӣ  кор мекардам. Дар охири суханам  ба ҷавонон, ки  ояндаи миллатанд,  чунин  гуфтаниям.  Агар  хоҳед, ки  фардо  бекор  намонед, дар интихоби  касб  ҷиддӣ  бошед.  
Иноятулло Ҷумаев, хатмкардаи Донишгоҳи техникии Тоҷикистон низ ба ҳамин назар аст, ки дар аксар ҳолат худи ҷавонон сабаби бекориашон мегарданд.
- Соли 2010 мегӯяд ӯ,  - мо наздик 20 нафар хаткунандаи донишгоҳ дар озмуни ишғоли вазифаҳои холӣ дар Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон ширкат варзидем. Аз ҳамин миқдор 14 нафар бе  ягон восита ба кор қабул шудем ва тахмин баъди шаш моҳи корӣ вазифаи пурмасъули сардорони  шуъбаро ба ду нафари мо бовар карданд. Имрӯз қариб ҳамаи мо вазифаҳои масъулиятнокро бар дӯш дорем.
 Сабабҳои  бекории  ҷавонон  хеле  зиёданд.  Албатта,   баъзе  шахсони  донишманд ва соҳибмаълумоте   ҳастанд, ки  бекоранд,  вале  ягона  ҷавобе,  ки  зиёд  шунида  мешуд,  ҳамоно  ба талаботи замон ҷавоб нагуфтани мутахассисон  аст.  Аз  ин  миён  саволе  бармеояд, ки  чӣ гуна ин қабил довталабон ба донишгоҳҳо  роҳ меёбанд?             

Сарвиноз ШОДМОНОВА, «Ҷумҳурият»


Баёни ақида (0)    Санаи нашр: 27.05.2016    №: 101    Мутолиа карданд: 567

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед