logo

иҷтимоиёт

ШАҲРДОРӢ: АЗ ЯК ДАСТ САДО НАМЕБАРОЯД!

Тибқи қарори раиси шаҳри Душанбе аз 1 апрели соли 2014 “Дар бораи тасдиқи тартиби ҷамъоварӣ, баровардан, коркард ва безараргардонии партовҳои сахти маишӣ дар ҳудуди марзию маъмурии шаҳри Душанбе” партофтани партовҳо ба кӯчаҳои шаҳр ва ҷӯйборҳои обрав, назди сутунҳои барқу телефон ва трансформаторҳо манъ карда шудааст.

Бо вуҷуди ин, баробари фаро расидани фасли тобистон аксари партовгоҳҳои пойтахт ба макони ҳашароту магасҳои зиёновар табдил ёфта, сабаби паҳншавии бемориҳои сироятӣ мегарданд.
Аз ҷумла, дар маҳаллаи Гулбуттаи ноҳияи Фирдавсии пойтахт, ки яке аз маҳалҳои сераҳолист, вазъи партовгоҳҳо хеле ташвишовар аст.  Бе қуттии партов, зери девори хонае партовгоҳ сохтаанд, ки ин на танҳо ҳусни шаҳрро мекоҳонад, балки табъи ҳар бинандаро хира месозад.  Бар замми ин,  аз хунукназарии ронандагони нақлиёте, ки партовро бор мекунад,  таҳкурсии  хона осеб дида, хароб шудааст. Девори хона имрӯз дар вазъи садамавӣ қарор дорад. Ба он ҳам сокинони бинои баландошёна ва ҳам кормандони соҳаи коммуналӣ беаҳамиятӣ зоҳир мекунанд. Сокини ҳамин маҳалла Манижа Назарова мегӯяд, ки дар кӯчаи мо низ қуттии партов нест. Аз сабаби он ки партовгоҳ ду километр дур ҷойгир аст, барои партофтани хасу хошоки рӯйи ҳавлӣ онро бо мошини шахсӣ бурдан лозим меояд. Он ҷое, ки онҳо партов мепартоянд, рӯйи роҳ аст ва аз он ҳамарӯза таксиҳои ҷониби Гулбутта мегузаранд.
Партовгоҳро ҳафтаҳо тоза намекунанд ва он пур шуда, дигар ҷой барои партофтан ҳам намондааст, танҳо рӯи асфалт метавон партов рехт. Аз бӯйи ғализу оби ифлоси то рӯи роҳи мошингард равонааш намедонӣ чӣ тавр ва дар куҷо қадам гузорӣ. Ман то ҳол боре ҳам надидаам ва аз дигарон ҳам нашунидаам, ки ин ҷоро бо хлор, ё ягон маҳлули  зидди микробҳо пок карда бошанд.
Ин ҷо айбро дар кӣ бубинем, дар шаҳрванде, ки қоидаи шаҳрдориро намедонад ё дар масъулони соҳа, ки ба ифлосшавии фазои шаҳру кӯчаҳо роҳ медиҳанд?
Вақте ки ба “Бозори деҳқон” - и маҳаллаи Гипрозем даромадем, аз даромадгоҳ аллакай ба димоғ бӯйи ғализи партов мерасид. Дар дохили бозор партовгоҳ ҳаст, аммо  қуттии махсус надорад. Атрофаш пури оби ифлос. Марде мӯза дар пойю лаганд дар даст, он оби ғализи партовро ҳар тараф пош дода меистод. Ӯ, ки худро бо дили нохоҳам Сафар муаррифӣ кард, чунин гуфт: “Партовро ҳафтае як маротиба мегиранд, аммо оби ифлоси онро ман ба ҳар тараф пош медиҳам, то хушк шавад, охир дар бӯйи ин ҷо истода намешавад. Маҷбурам тоза кунам, набошад, мизоҷонро аз даст медиҳам”.
Бозорро оинаи шаҳр мегӯянд, ҳар рӯз ба ин ҷо садҳо нафар харидор меояд ва серодамтарин макон ба ҳисоб меравад. Маъмурияти бозорро мебояд, ки бо тамъйизкунандагон пайваста кор барад ва ба  тозагии бозор аҳамияти ҷиддӣ диҳад.
Бесалоҳиятии созмонҳои маҳаллӣ низ нисбат ба тозагии муҳити зист ва риоя накардани меъёрҳои санитариву гигиенӣ ва экологӣ эҳсос мегардад ва маъмурияти ин бахшҳоро водор месозад, то ба ин масъала ҷиддӣ муносибат намоянд. Тибқи иттилои шаҳрдорӣ масъалаи зикршуда борҳо мавриди баррасӣ қарор гирифта аст. Дар ин раванд мебоист дар ҳар нуқтаи партовгоҳ камераи назоратӣ насб намоянд. Шояд дар марказ бошад, аммо дар маҳаллаҳо он ба мушоҳида намерасад. Сокинон низ аз ҳалли масъала худро канор мегиранду беаҳамиятӣ зоҳир месозанд. Аслан, худи аҳолӣ уҳдадор аст, ки партовро аз соати 17:00 то соати 23:00 ба партовгоҳи махсус бароварда  партояд. Кормандони соҳаи коммуналӣ бошанд, ҳар рӯз партовгоҳро то соати шаши субҳ тоза намуда, бо моддаҳои кимиёвӣ тамъйиз намоянд. Дар ин самт Кумитаи ҳифзи муҳити зист бо барномаҳо кор бурда истодааст, аммо на ҳама барномаҳояшон натиҷаи дилхоҳ медиҳад. «Қарсак аз ду даст меояд» - мегӯянд миёни мардум. Кормандони соҳаи коммуналӣ ва сокинонро мебояд дар якҷоягӣ бо ин кумита ҳамкорӣ намуда, маърифати экологии аҳолиро баланд бардоранд.
Агар солимӣ ва рӯзгори обод хоҳем, бояд тозакор, муҳитпарвар ва бунёдгар бошем.

Сафаргул  АЛИМОВА, “Ҷумҳурият”


Баёни ақида (0)    Санаи нашр: 27.05.2016    №: 101    Мутолиа карданд: 567

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед