logo

иқтисод

САРВАТИ БЕҲАМТОИ ТАБИАТ

ОНРО БОЯД ТОЗА НИГОҲ ДОРЕМ
Яке аз мушкилоти асосии ҷаҳони имрӯза таъминот бо оби тоза мебошад. Сокинони беш аз 80 давлати дунё дар масъалаи дастрасӣ ба оби тоза дучори мушкилотанд ва аз ин неъмати бебаҳо танқисӣ мекашанд. Баъзе мамлакатҳо маҷбуранд, ки оби тозаро аз дигар давлатҳо харид намоянд.  Тоҷикистон кишвари сероб буда, бо табиати зебои худ ном баровардааст.
Дар кишвари мо Сир, Панҷ, Зарафшон, Сурхоб, Хингоб, Варзоб, Кофарниҳон ва даҳҳо рӯдҳои сероби  дигар аз пиряхҳои куҳан ва чашмасорони мусаффо сарчашма гирифта, заминҳоро сарсабз, одамон ва ҳайвоноту набототро бо оби ҳаётбахш таъмин менамоянд. Дарёҳои калонтарини Тоҷикистон – Сир ва Аму то ба баҳри Арал рафта мерезанд.
Дар диёри зебоманзарамон кӯлҳои дилфиреби Искандаркӯл, Морон, Ҳафткӯл, Сарез, Аловиддин, Қарокӯл ва ғайра мавҷуданд, ки ҷойи тамошо ва истироҳати мардум, хусусан сайёҳони хориҷӣ мебошанд. Обҳои гарму шифобахши Чилучорчашма (Шаҳритуз), Ҳавотоғ (Истаравшан), Шоҳамбарӣ (Ҳисор), Обигарм (Роғун), Гармчашма (Ишкошим), Хоҷа Обигарм (Варзоб), ки ҳатто аз обҳои шифобахши Қафқоз бартарӣ доранд, берун аз Тоҷикистон ҳам машҳуранд. Ин обҳо ҳар сол ба дарди ҳазорҳо дардмандон даво мегарданд. Беҳуда нест, ки оби истеҳсоли корхонаи «Оби зулол»-и Истаравшан чанде пеш дар намоишгоҳи байналхалқии Амрико ҷойи аввалро гирифт ва соҳиби медали тилло шуд.
Тоҷикистон дорои захираи фаровони об буда, дар миқёси ИДМ баъд аз Федератсияи Русия дар ҷойи дуюм меистад. Ба ҳисоби миёна 60 дарсади обҳои Осиёи Марказӣ аз диёри мо сарчашма мегиранд, ки дар як сол 64 километри мукаабро ташкил медиҳанд.
Нодуруст истифода бурдани об, тоза накардани ҷӯю заҳбурҳо, таъмирталаб шудани иншоот, ба об партофтани партовҳо, нодуруст обёрӣ намудани заминҳо сабаби баландшавии обҳои зеризаминӣ ва шӯршавии киштзор, камшавии ҳосил ва хушк гардидани дарахтон мегардад. Дар натиҷаи нарасидани оби тозаи нӯшиданӣ ва ё ифлос будани он одамон ба маризиҳои гуногун гирифтор мешаванд.
Ҳар яки мо бояд табиату оби ҷойи зисти худро тоза нигоҳ дорем, оид ба ҳифзи табиат ва тозагии об чораандешӣ намоем. Бо мақсади ҳифзи табиат, тоза нигоҳ доштани об ва парвариши ниҳолҳою буттаҳо гурӯҳҳои табиатдӯстону ҷангалпарваронро созмон додан ба мақсад мувофиқ аст.

Суҳроб БОБОКАЛОНОВ,
омӯзгори коллеҷи тарбияи ҷисмонии Тоҷикистон


Баёни ақида (0)    Санаи нашр: 27.05.2016    №: 101    Мутолиа карданд: 1717

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед