logo

иқтисод

ДИЗАЙН. ЧАРО АЗ ОН САМАРАНОК ИСТИФОДА НАБАРЕМ?!

Дизайнер, яъне тарроҳ тавассути санъати тасвирӣ ва хаёлоти рангин идеяи худро ифода менамояд. Бо маҳорат ва тавонмандии тартиби нусхаи муайяни тарҳрезии дизайнер ба оянда назар кардан мумкин аст. Ба андешаи Зиёратшо Довудов, устоди Донишкадаи давлатии санъати тасвирӣ ва дизайн,   санъати дизайн бо болоравии дараҷаи зисту зиндагӣ ва афзоиши талаботи инсон ба муҳити зебову бароҳат афзалияти бештар пайдо кардааст. Рушди босуръати саноат ва илму техника ба ташаккулёбӣ ва пешрафти дизайн такони ҷиддӣ бахшида, онро ба яке аз навъҳои сердаромад ва ояндадори фаъолияти бадеӣ табдил дод. Дар ҷаҳон дизайн бештар дар самтҳои мебелсозӣ, интерйер, графика, реклама, либос ва матоъ, меъмории манзаравӣ,  Web - дизайн ва графикаи компютерӣ (барномасозӣ), ҳамчунин тармими асарҳои санъати ороишӣ – амалӣ ва санъати муҷассамавӣ – ороишӣ рушд кардааст. Ба дизайни робитавӣ дар соҳаи истеҳсолот ва хизматрасонӣ, махсусан рассоми театр, кино ва телевизион таваҷҷуҳи махсус зоҳир мегардад. Дар кишвари мо низ вақтҳои охир ба рушди дизайн ва истифодаи самараноки он дар соҳаҳои барои иқтисодиёти мамлакат афзалиятнок диққати ҷиддӣ медиҳанд. Азбаски талаботи ҷаҳони пешрафта ба ҳунарҳои аслии дастӣ босуръат меафзояд, дар ҷумҳурӣ санъати ороиши амалӣ ва ҳунарҳои миллӣ, аз қабили заргарӣ, наққошӣ ва кандакорӣ рӯ ба тараққӣ ниҳодааст. Мушкилоти асосии соҳа омодасозии кадрҳои бахшҳои дизайнӣ мебошад. Барои беҳтар намудани малакаи дизайнерони оянда дар макотиби олӣ таълим бо таҳқиқот ва амалия бояд тавъам бошад. Махсусан, мавҷуд будани дониши назариявӣ ва қобилияти хуби ҳамкорӣ, масалан бо корхонаҳои истеҳсолӣ ҷиҳати омӯзиши бозори истеъмолӣ ва ба истеъмолкунандагон пешниҳод кардани маҳсулоти мувофиқи табъу завқ, албатта бо усули хоси дизайнӣ  ба манфиати ҳар ду ҷониб мебошад. Мутаассифона, мутахассисони соҳа ба кор дар корхонаҳо ва муассисаҳо ҷалб нагардида, моҳият ва муҳимияти асосии дизайн аз ҳар ду ҷониб хуб дарк нашудааст. Бо вуҷуди омодасозии мутахассисон дар таълимгоҳҳои ҳунарии фарҳанг, санъат ва хореографии ҷумҳурӣ талаботи дар назари аввал ночизи соҳа бо мутахассисони соҳибкасб таъмин нест. Масалан, дар соҳаи театр ороиши саҳна дар баробари намоиши театрӣ нақши муҳим дошта, аз бахшҳои муҳими театр маҳсуб меёбад. Боиси таассуф аст, ки солҳои охир театрҳои ҷумҳурӣ аз нарасидани мутахассисони касбӣ дар ин ҷода камбудиҳои зиёд доранд. Ё ин ки дар самти истеҳсолот ба стандартҳои ҷаҳонӣ ҷавобгӯй набудани банду басти маҳсулоти ватанӣ,  барои рақобатпазир гардондани маҳсулот монеа пеш мегузорад. - Итминони комил аст, ки Донишкадаи навтаъсиси санъати тасвирӣ ва дизайн бо факултаҳои “Санъати тасвирӣ”, кафедраҳои “Мусаввараи дастгоҳӣ”, “Графикаи дастгоҳӣ” ва “Дизайн”, ”Санъати муҷассамавӣ ва ороишӣ – амалӣ”, “Тарҳрезии бадеӣ ва муҳити меъморӣ ва устохонаҳои гуногуни тахассусӣ дар тайёр намудани кадрҳои баландихтисос ва рушди соҳаи дизайн дар кишвар нақши бориз хоҳад гузошт, - мегӯяд Зиёратшо Довудов.
О. ВАФОБЕКЗОДА, “Ҷумҳурият”


Баёни ақида (0)    Санаи нашр: 27.05.2016    №: 101    Мутолиа карданд: 669

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед