logo

иқтисод

АЗ ПАРДОХТИ МАБЛАҒҲОИ НАҚДӢ КӢ НАФЪ МЕБИНАД? - 2

Таҳлилҳо нишон медиҳанд, ки дар аксар нуқтаҳои хӯроки умумии шаҳр кормандон бе шартнома ба кор қабул карда шуда, ба ивази 15 – 18 сомонӣ (ва каму беш аз он) аз соати 6 то 17-18 бетанаффус ва рӯзи истироҳат заҳмат мекашанд. На дар ҳама муассисаҳои хӯроки умумӣ  шароити кори кормандон ҷавобгӯи талабот ва қоидаҳои санитарию эпидемиологӣ мебошад. Ба хотири сарфаи маблағ косаю табақшӯён бо оби гарму дастпӯшак, маводи безараркунандаи микробҳо таъмин карда намешаванд. Корфармоён  онҳоро барои соате ба кор дер кардан аз кор пеш мекунанду парво надоранд, ки то ёфтани ҷойи нави фаъолият аз кадом ҳисоб рӯзи худу фарзандонашро мегузаронанд? Дар масъалаи барқарор кардан ба ҷойи кор кам одамон ба доди онҳо мерасанд, зеро онҳо ба кор ғайриқонунӣ  қабул шудаанду ҳуқуқи худро ҳифз карда наметавонанд.
Бахусус вазъи ошхонаҳои атрофи бозори «Корвон» нигаронкунанда аст. Бо гарм шудани ҳаво камбудиҳо афзуда, хатари сар задани бемориҳои сирояткунанда ҷой дорад. Ин камбудиҳо ва гаронии нархи  хӯрокҳоро дида, қисми зиёди савдогарони бозор ва муштариён аз маҳсули дасти ошпазҳои хонакор истифода мебаранд, ки ин ҳам хилофи қоидаҳои санитарӣ – гигиенӣ буда, бар зарари шаҳрвандон мебошад.
Вориди ошхонаи миллии ҶДММ «Ҷаҳонгир» шудем. Дар ин ҷо барои хӯроки нисфирӯзии мизоҷон палав, шӯрбо, самбусаю пирожки ва ғайра омода мекарданд. Аммо дар тани кормандони он либоси тозаю бейҷик ва дар симоашон муомилаи хушро мушоҳида накардем. Аз дидани мизу курсиҳои ифлос ва косаю табақи ноғундошта, албатта, иштиҳои мизоҷон мегардаду хоҳиши ба ин ошхона даромадан намекунанд. Сарвари ҶДММ «Ҷаҳонгир»  ҳангоми ба кор қабул кардани кормандон бо онҳо шартнома намебастааст. Мавриди зикр аст, ки камбуди ба кор қабул кардану аз кор ҷавоб додани кормандонро  ба  Ғаффору Фатҳиддин, Маҳмад Каримову Бобо Назаров,  Дилором Пирова ва дигар мудирони ошхонаю қаҳвахонаҳо бор карданӣ нестем. Зеро ин камбуди кул аст. Вақте аз мақомоти дахлдори шаҳр ва ноҳияҳо  роҳбарони муассисаҳои хӯроки умумиро барои  риоя накардани қонуни меҳнат муҷозот намекунанд,  онҳо аз рӯйи зарбулмасали «То омадани табар кунда меосояд» фаъолият мебаранд.
Мавриди зикр аст, ки муайян кардани миқдори нуқтаи хӯроки умумӣ – ошхона, қаҳвахона ва тарабхонаҳо дар шаҳри Душанбе, ки кормандонро ғайриқонунӣ ба кор қабул намуда, аз кор пеш мекунанд, вазифаи кормандони рӯзнома нест. Мо танҳо диққати масъулонро ба ин масъала ҷалб намуданием.  Онро бояд кормандони мақомоти андоз, прокуратура, иттифоқҳои касаба ва Вазорати меҳнат, муҳоҷират ва шуғли аҳолии ҷумҳурӣ мавриди назар қарор диҳанд. Зеро дар аксари муассисаҳои хӯроки умумӣ аз 3 – 5 то 50 нафар фаъолият доранду бештари кормандон ҳар бегоҳ музди корашонро нақд гирифта, аз он пайсае чун андоз ба буҷети мамлакат намесупоранд. Ин вазъ то кай давом мекарда бошад? Оё дар ягон мақомот дар ин фикр ҳастанд?!
Мирзои ФИРӮЗ, «Ҷумҳурият»


Баёни ақида (0)    Санаи нашр: 27.05.2016    №: 101    Мутолиа карданд: 631

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед