logo

сиёсат

ТОҶИКИСТОН ВА АРАБИСТОНИ САУДӢ БА МАСИРИ НАВИ РУШДИ ҲАМКОРИҲО ВОРИД МЕШАВАНД

25 май Шукурҷон Зуҳуров, Раиси Маҷлиси намояндагони Маҷлиси Олии Ҷумҳурии Тоҷикистон, бо Абдуллоҳ ибни Муҳаммад ибни Иброҳим оли Шайх, Раиси Маҷлиси Шӯрои Шоҳигарии Арабистони Саудӣ, мулоқот намуд.

Ба иттилои котиби матбуоти Маҷлиси намояндагон Муҳаммадато Султонов, зимни суҳбати судманду самимӣ Шукурҷон Зуҳуров изҳори умед кард, ки ҳамкорӣ дар сатҳи парлумонҳои ҳарду кишвар тавсеа ёфта, табодул ва ҳамоҳангсозии афкор дар раванди қонунгузорӣ ба рушди робитаҳо миёни ҳарду маҷлис сабаб мегардад.
- Мо иқдоми ҷониби Арабистони Саудиро дар мавриди таҳким ва тавсеа бахшидани ҳамкорӣ байни кишварҳои Осиёи Марказӣ ва ҷомеаи давлатҳои арабӣ мусбат ва зарурӣ арзёбӣ мекунем. Соли гузашта ҳаҷми мубодилаи мол байни ду кишвар ба 588 ҳазор доллар  расид. Албатта, ҳаҷми гардиши мол байни Ҷумҳурии Тоҷикистон ва Шоҳигарии Арабистони Саудӣ ба имконияту иқтидорҳои мавҷудаи ду давлат ҷавобгӯ буда наметавонад, - иброз дошт Шукурҷон Зуҳуров.
Зикр гардид, ки бахши  гидроэнергетика ва сармоягузории соҳаи кишоварзӣ дар Тоҷикистон аз соҳаҳои ҷолиб ва умедбахш ба шумор мераванд. Ҷониби Саудӣ метавонад дар татбиқи лоиҳаҳои гидроэнергетикӣ, аз ҷумла сохтмони неругоҳҳои барқи обии хурду миёна ва сохтмони хатҳои интиқоли барқ иштирок намояд.
Раиси Маҷлиси намояндагон афзуд, ки айни замон заминаи қарордодиву ҳуқуқии муносибатҳои мо аз 9 санад иборат аст ва дар баррасии ду тараф лоиҳаи чанд созишнома қарор дорад. Мавсуф изҳори умедворӣ намуд, ки ин санадҳо бо кӯшишҳои ҳарду тараф дар наздиктарин фурсат ва шароити муносиб имзо хоҳанд шуд.
Абдуллоҳ ибни Муҳаммад ибни  Иброҳим оли Шайх, Раиси Маҷлиси Шӯрои Шоҳигарии Арабистони Саудӣ, аз пазироии самимонаи Раиси Маҷлиси намояндагон арзи сипос намуда, омодагии мамлакати худро барои тақвияти равобит бо Ҷумҳурии Тоҷикистон эълон дошт. Бино ба иттилои ӯ,  дар Маҷлиси Шӯрои Шоҳигарӣ 150 вакил фаъолият доранд, ки аз он 30 нафараш зан аст. Ин меҳмони олимақом таъкид намуд, ки робитаи дӯстонаи Президенти Ҷумҳурии Тоҷикистон ва Малики Арабистони Саудӣ намунаи ибрат аст. Иброз дошт, ки кишвараш талош хоҳад кард, ки дар оянда муносибатҳои иқтисодиву кишоварзии Тоҷикистону Саудиро тақвият бахшад, зеро дар сиёсати  Арабистони Саудӣ роҷеъ ба истеҳсоли маҳсулоти кишоварзӣ тағйироти ҷиддӣ сурат гирифтааст.  Ӯ бо таваҷҷуҳ аз рушди бахши сайёҳӣ дар Тоҷикистон гуфт, ки солҳои охир шумораи бештари шаҳрвандони Арабистони Саудӣ хоҳиши боздид аз Тоҷикистонро дошта, ҳамзамон ҷиҳати ба роҳ мондани ҳамкорӣ дар ин бахш ҳавасманданд.
Назар ба гуфтаи Раиси Маҷлиси Шӯрои Шоҳигарии Арабистони Саудӣ, истеҳсоли навъҳои тар ва хушки меваҳо дар Тоҷикистон барои бахши хусусии Саудӣ мароқангез мебошад. Аз нигоҳи соҳибкорони  Саудӣ, масъалаи занбӯриасалпарварӣ ё боғдорӣ дар Тоҷикистон маблағгузории чандон калонро тақозо намекунад ва дар ҳолати омода будани соҳибкорони тоҷик ҷониби Саудӣ метавонад дар рушди ин соҳаҳо иқдом намояд.
Мунаввари САФАР, «Ҷумҳурият»


Баёни ақида (0)    Санаи нашр: 27.05.2016    №: 101    Мутолиа карданд: 472

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед