logo

иҷтимоиёт

АСРОРИ ЯК ҲАҚИҚАТИ БЕБАҲС

Бархе аз инсонҳои наҷиб, самимӣ, ки барои зиндагӣ ва иҷрои рисолату вазифаҳои бузург фурсати кам, балки бисёр кам доранд, дар андак муддат корҳои азимеро ба фарҷом мерасонанд, зуд шуҳрат меёбанд. Агар ҳам марги ҷисмонияшон фаро мерасад, он ин неру, ин қудратро надорад, ки ному кори некашонро аз сафҳаи ҳастӣ барои умре маҳв созад. Баръакс, дар ин ҳол марг зиндагии дигару зебояшон мебахшад.
Мӯсо Мавлавӣ, собиқ муовини аввали сармуҳаррири рӯзномаи «Ҷумҳурият», аз ҳамин зумраи шахсон маҳсуб меёбад.

Марги муфоҷо ӯро дар 47 – солагӣ аз миёни мо рабуд. Зодаи кӯҳ буд ва  дар миёни кӯҳсорон ҷони гиромӣ супурд. Дар баҳор омад ва дар хазон рафт. Дарахтон барг мерехт, барги зард мерехт, ки хабари маргаш расид ва зуд паҳн гардид. 17 – уми октябри соли 1993 буд. Замини гарму нарми ноҳияи Ҳисор фарзанди дӯстдору нозпарварашро дар синаи худ ҷой дод.
Мо андуҳгин будем, аз он ки як дӯст, як бародар, як ҳамкори азизу гиромиро аз даст додем. Аммо ӯ аз суратҳо рӯ ба рӯи мо механдид ва мехост боварамон намояд, ки намурдааст, зинда аст. Чаро мо ин ҳақиқатро на он рӯз, балки имрӯз дарк мекунем? Мисли ин аст, ки сари сухани худ ҳам намеандешидем. Охир на худ мегуфтем, ки ӯ дар роҳ, дар фаҳмиш, дар кору истеъдод аз мо пештар аст? Мегуфтем.
Ӯ аз худ хеле барвақт, ҳанӯз замони донишҷӯи соли аввали факултаи филологияи тоҷики Донишгоҳи миллии Тоҷикистон буданаш башорат дод. Чун дар сурати башорат ва хушҳолӣ ба чашму гӯш расид ва дар пай барои худ шуҳрат дошт, онро нафаҳмиданд, балки дарк накарданд. Беҳтар он аст, ки ба навиштаҳои устоди шодравон, шинохтатарин шахсияти давр дар он рӯзгор Мирзо Турсунзода, ки дар маҷаллаи овозадори «Садои Шарқ» ба табъ расонда буд, рӯй биёрем: «Дар яке аз рӯзҳои моҳи ноябри соли гузашта дар Дорулфунуни давлатӣ шабнишинии шоирони навқалам барпо гардид ва ба он шабнишинӣ маро ҳам даъват карда буданд. Диққати маро рӯзномаи девории маҳфили адибони ҷавон «Овози ҷавонӣ» ба худ ҷалб намуд, ки дар он як қатор шеърҳои ҷавонон дарҷ ёфтаанд. Ман як рубоиро, ки бо обу ранги шоирона навишта шуда ва муаллифи он шоири ҷавон Мӯсо Мавлавӣ мебошад, ба дафтари худ иқтибос намудам. Лекин агар ба ҷои «кӯдаки сангам» «зодаи сангам» мегуфт, илло беҳтар буд. Инак, он рубоӣ:
Ман кӯдаки сангам, зи сари кӯҳи баландам,
Дар синаи ман шаршараи сели баҳор аст.
Сел аст хурӯшандаву гирдоб надорад,
Чун навсафаре ҳамсафари рӯди Ҳисор аст».
Албатта, ин баҳо, ин амали пурифтихори устоди забардасту шуҳратёр барои як донишҷӯ барои умре ва ҳам баъд аз он кофист.
Воқеан, ин зодаи сангу аз сари кӯҳи баланд дар синаи худ шаршараи сели баҳорро дошт. Хурӯшандагиву гирдоб надоштанашро мо шоҳидем, бо чашми худ дидем. Бо ин ҳама чун ҳавои баъди борон дили софу беғубор дошт. Дар замири дилҳо донаи меҳр, донаи ишқ кошт. Дар пайи ободии оламу одам мекӯшид. Суҳбаташ ҷонпарвару ҳидояташ дурусту маслиҳаташ судбахш буд.
Пас  аз хатми коллеҷи  фарҳанги ҷумҳуриявии Тоҷикистон ба номи П. Бӯйдоқов (соли 1966) ва факултаи журналистикаи Донишгоҳи миллии Тоҷикистон (соли 1971) фаъолиятро дар рӯзномаи «Ҷумҳурият» оғоз бахшид ва то ба вазифаи муовини аввали сармуҳаррири он расид. Бисту ду сол софдилона, содиқона, бе ҳеҷ хастагию дилмондагӣ хидмат кард, заҳмат кашид. Аз накуиҳо, диловариҳо, ростӣ, садоқату муҳаббату амнияту ободию созандагӣ менавишт. Мушкилоти ҷомеаро хуб медонист ва барои рафъи он саъю кӯшиш ба харҷ медод.
Зиндагии ӯ, кори ӯ ва марги ӯ ин ҳақиқати зеборо барои мо бори дигар таъкид менамояду ҳидоятамон месозад, ки аз ҳар лаҳзаи умр барои нафъи ҷомеа пурсамар истифода бикунем. Дигар чи асроре дорад ин ҳақиқати бебаҳс ва аз худ чи гуна номи неку гузоштану ҷовидон мондану зистан?
Абдулқодири РАҲИМ,
«Ҷумҳурият»


Баёни ақида (0)    Санаи нашр: 31.05.2016    №: 103    Мутолиа карданд: 436

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед