logo

иҷтимоиёт

НАШЪАМАНДӢ. БЕМОРИИ МАРГОВАРЕ, КИ МОЯИ НИГАРОНӢ БОҚӢ МЕМОНАД

Гардиши ғайриқонунии маводи мухаддир дар баробари таҳдидҳои хатарбори ҷаҳони муосир ҳамоно аз масъалаҳои мавриди таваҷҷуҳ ва мояи нигаронӣ боқӣ мемонад. Мусаллам аст, ки дар сурати ба роҳ намондани муборизаи беамон алайҳи ин раванди номатлуб теъдоди нашъамандон дар миёни аҳли башар рӯ ба афзоиш оварда, ҳаёти миллионҳо нафарро зери хатар қарор медиҳад.

Тибқи маълумоти Агентии омори назди Президенти Ҷумҳурии Тоҷикистон дар зарфи се моҳи аввали соли ҷорӣ дар мамлакат 7204 нафар нашъаманд ба қайд гирифта шудааст. Ин нишондод дар муқоиса ба ҳамин давраи соли гузашта коҳиш ёфта, 120 нафар кам гаштааст. Аз теъдоди умумии нашъамандони сабтшуда 181 зан ва 7023 нафарро мардон ташкил медиҳанд. Шумораи аз ҳама бештари беморони нашъаманд дар шаҳри Душанбе (2692 нафар)  ва вилояти Хатлон (1435) ба қайд гирифта шудаанд.  Дар ҳамин ҳол, суоли матраҳ ин аст, ки шаҳрвандон аз кадом роҳ гирифтори нашъамандӣ мешаванд, ин беморӣ табобатшаванда аст ё не?
Бино ба иттилои муовини директори Маркази миллии мониторӣ ва пешгирии нашъамандии назди Вазорати тандурустӣ ва ҳифзи иҷтимоии аҳолӣ Мирзошариф Одинаев, сабаби гирифтор шудан ба нашъамандӣ, пеш аз ҳама, дастрасӣ ба маводи мухаддир аст. Гузашта аз ин, таҳлилҳо нишон медиҳанд, ки робита бо истифодабарандагон ва дар натиҷа  истифодаи  моддаҳои наъшаовар сароғози ин беморист. Баъзе беморон худашон омада аз қайди диспансерӣ мегузаранд, табобат мешаванд ва ба зиндагии муқаррарӣ бармегарданд. Яъне, ин беморӣ табобатшаванда аст.
Бояд гуфт, ки дар сохторҳои Вазорати тандурустӣ ва ҳифзи иҷтимоии аҳолӣ бо дастгирии Ҳукумати ҷумҳурӣ ду барнома оид ба пешгирии паҳншавии нашъамандӣ татбиқ мегардад, ки «Барномаи миллии пешгирии паҳншавии нашъамандӣ ва такмили ёрии наркологӣ барои солҳои 2013 – 2017» дар Ҷумҳурии Тоҷикистон аз ҷумлаи он аст. Дар заминаи татбиқи самарноки барнома чорабиниҳои амалӣ ба роҳ монда шудаанд. Ҳадафи ниҳоии барнома пешгирӣ ва боздошти паҳншавии маводи фаъолкунанда, мониторинг, таҳлил ва баҳодиҳии вазъи нашъамандӣ, инчунин коҳиш додани оқибатҳои тиббию иҷтимоии он дар байни аҳолӣ, тақвияти заминаҳои моддию техникии сохторҳои наркологӣ мебошад.
Дар натиҷаи гузарондани таҳлилҳо маълум гардид, ки дар аксари муассисаҳои табобатӣ пешгирии меъёрҳои муқарраргардида риоя шуда, табибони нарколог омода гардиданд. Инчунин, барои мутахассисони маҳаллӣ курсҳои омӯзишии кӯтоҳмуддат ба роҳ монда шуда, ҷараёни татбиқи барнома дар ҷаласаҳои Шӯрои ҳамоҳангсозии байниидоравӣ ҳамеша мавриди баррасӣ қарор дода мешаванд.

Малика УРФОНОВА


Баёни ақида (0)    Санаи нашр: 1.06.2016    №: 104    Мутолиа карданд: 350

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед