logo

сиёсат

БАДАХШОН. ЭҲСОСЕ, КИ АЗ ВАҲДАТ САРЧАШМА МЕГИРАД, ШОДИВУ НИШОТ АСТ

Имрӯзҳо дар доираи баргузории ҷашни Ваҳдати миллӣ дар Вилояти Мухтори Кӯҳистони Бадахшон аз Суғду Хатлон, водиҳои Рашту Ҳисори шодмон меҳмонони зиёде ташриф оварда, бо мардуми ин сарзамини бостонӣ шодишарик мешаванд. Албатта, ҳамватанони азизамон дар Бадахшон меҳмонони рамзиянд, зеро ин хоку оби муқаддас Ватани муштараки ҳамаи мост. Дар ободонии шаҳру навоҳии Бадахшон сокинони тамоми кишвар саҳмгузоранд. Аз ҷумла, дар ноҳияҳои Ванҷу Дарвоз  даҳҳо  шахсиятҳои маъруфе кору фаъолият доранд, ки дар Донишгоҳи  омӯзгории шаҳри Кӯлоб таҳсил кардаанд. Ҳамчунин, сокинони   ин гӯшаи диёр бо минтақаҳои Кӯлобу  Қӯрғонтеппа иртиботи ногусастанӣ доранд.

- Ҳоло Вилояти Мухтори Кӯҳистони Бадахшон - ин сарзамини зебо ва пурасрор тавассути ғамхориҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  симояшро ба куллӣ  дигар кардааст. Аз он шодам, ки ман низ дар қатори дигар ҳамдиёрон  меҳмонони  азизу гиромиро самимона истиқбол мегирам. Чӣ қадар хуб аст дидори деринтизори дӯстони хатлонӣ, ки замоне паҳлу ба паҳлу мактаби олиро хондаву ба нафъи халқу Ватан хизмат кардаем. Аз он омӯзгороне, ки дар шаҳри Кӯлоб ба мо сабақ додаанд, то имрӯз миннатдорем ва ёди некашонро гиромӣ медорем, - изҳор медорад Хушвақт Искандаров, омӯзгори собиқадори ноҳияи Ванҷ.
- Солҳои панҷоҳуми асри гузашта мо наврасони  Ҷамоати деҳоти Язгулом мешунидем, ки дар водии Вахш сохтмонҳои бузург ҷараён дорад. Тавассути кандани каналу  ҷӯйҳо биёбонҳо ба гулистон табдил меёбанд. Сокинони Суғду Хатлон, водиҳои Ҳисору Рашт, Вахё, Бартанг, Ғунду Шоҳдара ба сафи фотеҳони водии Вахш дохил мешуданд. Бошандагони  чанде аз рустоҳои  Ҷамоати деҳоти Язгулом, аз ҷумла Андарбаку Жамаг, Зайчу Ӯбағн низ чун дигар мардуми Бадахшон барои азхудкунии водии Вахш  шитофтанд. Падарам ва чанде аз хешу таборон ҳоло дар ноҳияи Абдураҳмони Ҷомӣ  зиндагӣ мекунанд, - нақл мекунад собиқадори меҳнат Ҳайдар Кӯҳканов.
Баъди  сафари кории Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар солҳои аввали соҳибистиқлолӣ ба Ҷамоати деҳоти Язгулом дар  ҳаёти сокинони ин  водии кӯҳсор дигаргуниҳои зиёде ба амал омаданд, яъне, даҳҳо иншооти нав бунёд ва мавриди истифода қарор гирифтанд.  Имрӯзҳо сохтмони  Неругоҳи барқи обии Мотравн бо иқтидори зиёда аз 300 кВт  идома дорад.
Сокини деҳаи Ёгеди ноҳияи Дарвоз Адабҷон Амирҷонов  бо ифтихор тазаккур дод, ки садҳо сокини ноҳияи Дарвоз ба шаҳри Кӯлоб, ноҳияҳои Муъминобод, Ҷайҳун ва Ҷалолиддини Балхӣ кӯч баста, якҷо бо ин мардуми  меҳнатқарин кору зиндагӣ доранд. Рӯзгори онҳо осуда ва  пур аз нишот мебошад. Эҳсосе, ки ин мардумро ба ҳам мепайвандад, ваҳдату инсонгароист. Хулоса, мардуми Хатлону Бадахшон ба масал ангуштарину нигинанд.
Сироншоҳи ДИЛОВАР, «Ҷумҳурият»


Баёни ақида (0)    Санаи нашр: 1.06.2016    №: 104    Мутолиа карданд: 679

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. Музди миёнаи меҳнат – 1350 сомонӣ

ТИББИ ОИЛАВӢ МУҲИМТАРИН РУКНИ ТАНДУРУСТӢ


Дар сомонаҳои дигари Тоҷикистон хонед