logo

иқтисод

«МУРҒИ ҲИЛОЛ» БА ДАСТГИРӢ НИЁЗ ДОРАД

Ҷамъияти дорои масъулияти маҳдуди  “Мурғи ҳилол” – и ноҳияи Файзобод  соли 2006 бо дастгирии Ҳукумати кишвар фаъол шуда, дар як муддати кӯтоҳ ба васеъ намудани истеҳсолот ва афзудани ҷойҳои нави кор муваффақ гашт. Аз ин ҷост, ки дар ду соли кори пурзаҳмат бо ҳамкории мутахассисони эронӣ саршумори паранда ба 305640 сар ва истеҳсоли тухм ба беш аз 22 миллион дона расонда шуд. Фаъолияти бомаром боиси пайдо кардани ҷойи кор  ва музди хуб гирифтани 158 корманд шуд.

-  Мо ба чанд корхонаи кишварҳои хориҷ сафар карда, шароити кор ва таҷрибаи онҳоро омӯхтем, - мегӯяд Зафар Ҳакимов, директори кулли ҶДММ “Мурғи ҳилол”. – Интихоби мо ба корхонаи  парандапарварии шаҳри Машҳад рост омад. Мо аз он ҷо дар соли аввал зиёда аз 227 ҳазор сар чӯҷа ворид намуда, соҳаро рушд додем.
Дар солҳои охир фаъолияти ҶДММ “Мурғи ҳилол” ба авҷи тараққиёт расид. Соле аз хориҷ то 400 ҳазор чӯҷа оварда, истеҳсоли тухмро ба 97 миллион дона ва гӯштро ба 548 тонна расонданд, ки аз он ба буҷети кишвар ҳамчун андоз зиёда аз 13 миллион сомонӣ даромад ворид мешуд. Дар 3 минтақаи истеҳсолӣ ва 1 минтақаи парвариши чӯҷа то 742 ҳазор сар парандаро нигоҳубин мекарданд. Корхона ба шарофати сехи хӯроктайёркуниаш рӯзе қариб 80 тонна маводи серғизо омода намуда, эҳтиёҷоташро қонеъ мегардонад. Рушди корхона имкон дод, ки шумораи коргарон ба 502 нафар (соли 2014) расонда шавад.
Ду соли дигар мо ба чунин нишондиҳандаҳои баланд фаъолият карда, коргоҳро аз ҷиҳати иқтисодӣ пуриқтидор сохтем, - афзуд директори корхона. – Тамоми намуди андозҳоро сари вақт мепардохтем ва бозору марказҳои савдо аз тухми корхонаи мо пур буд ва тавассути корхонаи мо ва дигар коргоҳҳои соҳа воридоти тухм аз хориҷи кишвар хеле кам шуд. 
Мутаассифона, фаъолияти бобарори коргоҳи парандапарварӣ дер давом накард. Дар натиҷаи буҳрони молиявии ҷаҳонӣ, боло рафтани қурби доллари ИМА ва аз имкониятҳо пурраю самаранок истифода набурдани маъмурият ва соҳибмулк фаъолияти он фалаҷ гашт ва соли гузашта истеҳсоли тухм қариб 20 миллион дона кам шуда, қарзи бонкӣ ба 91 миллион сомонӣ расид. Вазъи ногувори баамаломада боиси аз ҳамкорӣ даст кашидани шарикони ҳамкор гашта, воридоти чӯҷаи хушзот аз хориҷи кишвар чанд маротиба коҳиш ёфт.
Ҳоло ҶДММ “Мурғи ҳилол” аз сабаби надоштани маблағи гардишӣ ва сармоягузори бақуввати дохилӣ ё хориҷӣ таъҷилан ба дастгирии давлатӣ ниёз дорад. Зеро он на танҳо яке аз корхонаҳои калонтарини ҷумҳурӣ, балки Осиёи Марказӣ мебошад ва ин ҳол ба вазъи иҷтимоии кормандон низ бетаъсир намемонад.
Хуб мебуд, агар Ҳукумати кишвар ба соҳаи парандапарварӣ, ки соҳаи зудрас ва сердаромад буда, дар таъмини амнияти озуқавории кишвар саҳми назаррас гузошта метавонад, дар андозсупорӣ ва пардохтҳои дигар имтиёзҳо дода, онро аз мушкилоти баамаломада раҳонад.
Аз рӯйи лоиҳаи рушди соҳаи парандапарварӣ, ки дар ҶДММ “Мурғи ҳилол” барои 12 соли оянда таҳия ва ба мақомоти дахлдор пешниҳод шудааст, корхона дар ҳолати пурра қомат рост кардан метавонад дар як сол то 250 миллион дона тухм ва 12 ҳазор тонна гӯшти парҳезии мурғ истеҳсол намояд.
 
Мирзои ФИРӮЗ,
«Ҷумҳурият»


Баёни ақида (0)    Санаи нашр: 2.06.2016    №: 105    Мутолиа карданд: 717

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед