logo

сиёсат

ТЕРРОРИЗМ: БОЗИҲОИ ГЕОПОЛИТИКӢ ВА ҲУШЁРИИ СИЁСӢ

Дар робита ба терроризму экстремизм ва мубориза алайҳи ин зуҳуроти номатлуб таҳлилгарон аз равзанаҳои гуногун менигаранд ва чунин ба назар мерасад, ки то кунун дар шинохти онҳо хулосаи амиқ ҳосил нашудааст. Чунончи, дар бисёр маврид терроризму экстремизмро ҳамчун василаи муборизаву қасоси пайравони як дину эътиқод алайҳи тамаддуни дигар медонанд.  Пӯшида нест, ки дар ин миён ангушти ишорат бештар ба дини мубини ислом рост мешавад, ки чунин иттиҳом ҳукми саҳеҳ нест.

Ин ҳақиқатро ҳеҷ кас инкор карда наметавонад, ки терроризму экстремизм хатари воқеӣ ба ҳар сокини сайёраи замин аст. Мутаассифона, гурӯҳу доираҳои алоҳидаи сиёсӣ ин воқеиятро нодида мегиранд ва аз ин хатар барои муборизаҳои сиёсии худ истифода мекунанд. Вале ҷиҳати нигаронкунандаи масъала дар он зоҳир мешавад, ки бархе мусулмонҳои дорои иродаи заиф ва дар ғафлатбуда дар меҳвари бозиҳои геополитикӣ қарор гирифтаанд. Зеро онҳо аз таълимоти зотиву аслии ислом бехабаранд. Таҳаммулпазириро, ки асоси таълимоти дини мубини ислом аст, дарк наменамоянд. Боре ба ин ҳақиқат рӯ наовардаанд, ки даҳшатафканӣ ва разолату ваҳшоният ризои Худо нест.
Аз таҳлилу пажӯҳишҳои коршиносони масоили сиёсӣ, бахусус таҳлилгарони рус чунин бармеояд, ки доираи фаъолияти терроризму ифротгароӣ акнун шаклу қолабҳои навро пайдо карда истодааст. Ин шаҳодати он аст, ки геополитикаи ҷаҳонӣ доиман дар шакли шахшуда боқӣ намемонад ва феълан дар як ҳолати тағйирёбӣ қарор дорад. Таҷрибаи таърихи асри гузашта собит менамояд, ки асри 21 низ хоҳу нохоҳ гардишҳои наверо дар ҷомеаи ҷаҳонӣ ба вуҷуд меорад. Дар асри 20 ду ҷанги ҷаҳонӣ ба амал омад ва нимаи дувуми аср дар сангарҳои муқобил қарор доштани низомҳои сотсиализму капитализм ба заволи абарқудрати бузурги Иттиҳоди Шӯравӣ сабаб шуду дар ниҳоят сотсиализм низ як навъ фанои худро ёфт.
Акнун ҷаҳони «сармоядории ғолиб» тарҳҳои наву тираеро пайгирӣ намуда истодааст, ки дурнамои он барои аксар номаълум аст. Ин равандро алҳол ба таври умумӣ ҷаҳонишавӣ номидаанд, ки аллакай натиҷаҳои аввалини он падидор гаштааст. Нахустин натоиҷи он терроризми идоранашаванда аст, ки акнун чун обила дар пайкараи ҷомеаи башарӣ рӯ мезанад. Як навъ бозӣ будани идеологияи «демократикунонӣ» - сиёсатсозони ҷаҳонӣ ошкор гашта истодааст. Чунин ба назар мерасад, ки феълан кадом як сиёсате вуҷуд дорад, ки ваҳдати халқияту миллатҳои алоҳидаро барҳам задан мехоҳад. Мисоли онро на танҳо дар ҳаёти кишварҳои шарқӣ, балки дар давлатҳои аврупоӣ, назири Украина дида метавонем, ки алакай баъзе ҳудудҳои худро аз даст додаву дар пайи тақсимоти навбатӣ қарор дорад.
Табиист, ки дар раванди ин гуна муборизаҳо терроризму экстремизм симову ҳаракати худро тағйир медиҳад ва онро идеологияҳои фаъол барои манфиатҳои худ бо василаҳои нав истифода мебаранд. Ин маънии онро дорад, ки «ҷомеаҳои миллиарддор» ҳам аз хавфи ин омилу равандҳо дар канор буда наметавонанд.
Дар ин робита, моро зарур аст, ки ба таъкиди Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мавриди «зиракии сиёсӣ» таваҷҷуҳи бештар зоҳир намуда, мувофиқ ба он амал намоем. Зеро равандҳои печидаи ҷаҳони муосир чунин амр - ро аз мо тақозо менамоянд.

Саъдӣ ИСМАТОВ, 
Бахтиёри ҚУТБИДДИН,
 дотсентони Донишгоҳи миллии Тоҷикистон


Баёни ақида (0)    Санаи нашр: 3.06.2016    №: 106    Мутолиа карданд: 782

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед