logo

иҷтимоиёт

ЛАГЕРҲОИ ТОБИСТОНА. АЗ «ПАРАСТУ» - И БЕСАРУСОМОН ТО НИЁЗҲОИ «БОБОДАРХОН»

Ҳукумати Ҷумҳурии Тоҷикистон ҷиҳати дар сатҳи баланд ташкил кардани истироҳати тобистонаи кӯдакон ва наврасон дар соли 2016 ҳанӯз аз 2 ноябри соли 2015 қарор ба имзо расонида, ҳамзамон масъулинро оид ба омодагии пурраи лагерҳо то ба санаи 15 май вазифадор кардааст. Аммо мушоҳидаҳо аз лагерҳои вилояти Суғд аз он бозгӯйӣ доранд, ки вазифаҳои гузошташуда дар аксари лагерҳо то ҳоло ба таври бояду шояд иҷро нашудаанд.

Ин дар ҳоле ки рӯзҳои наздик таҳсили хонандагон дар макотиби кишвар анҷом меёбад. Ҳамин аст, ки Назира Ғаффорӣ, муовини раиси вилояти Суғд, дар ҷаласаи ситоди навбатӣ аз чунин муносибати хунукназаронаи сарварони лагерҳо изҳори нигаронӣ кард. Зиёда аз ин, то ба ҳол ба истиснои шаҳру навоҳии Хуҷанд, Бобоҷон Ғафуров ва Ашт дигар мақомоти иҷроияи маҳаллии ҳокимияти давлатии навоҳии вилоят баҳри омодагии саривақтии лагерҳо маблағи кофӣ ҷудо накардаанд.
 Лагери «Парасту»-и идораи маорифи шаҳри Конибодомро дар як ҳолати бесарусомонӣ дарёфтем. Ин маркази фароғатию солимгардонӣ солҳои 70 – уми асри гузашта ташкил ёфта, дар масоҳати зиёда аз 3 гектар доман паҳн кардааст. Катҳо ва ғалладонҳои шикаставу рехта ба назар мерасиданд. Вале Дилором Иброҳимова, сарвари лагер, ҷои он ки ҳарчи зудтар бо андешидани тадбирҳои мушаххас ба мавсим омодагӣ бинад, баҳона пеш меорад, ки боронҳои аввали моҳи май ба корҳои омодагӣ халал расониданд ва худрову моро эътимод бахшиданӣ мешавад, ки то оғози мавсими асосӣ ва қабули хонандагон ҳанӯз вақт ҳаст.
 Урдугоҳи наврасони ба номи Гагарин, воқеъ дар шаҳри Исфара, низ дар ҳолати ҳузнангез падидор мешавад. Ваҷҳи асосӣ, набудани маблағ мебошад. То имрӯз танҳо рангубори фарши ошхонаву биноҳои хоб анҷом ёфтаасту бас. Абдумухтор Ғаффоров, сарвари урдугоҳ, иброз медорад, ки муроҷиати чандкаратааш ба идораи маориф ва мақомоти иҷроияи маҳаллии ҳокимияи давлатии шаҳри Исфара бе ҷавоб мондааст. Биноҳои ин ҷо ҳанӯз солҳои 50-уми қарни гузашта бунёд шуда, фарсудашавиаш зуд ба чашм мерасад, тахтаҳои фарш бошанд, ҳангоми рӯи онҳо гаштан фурӯ меравад, ки ин ба фароғаткунандагони наврас хавф ҳам пеш меорад. Ҷои дастурӯйшӯиву оббозӣ низ куллан омода набуда, арғунчакҳо шикаставу овезонанд ва атрофи ҳавзи шиноварӣ бошад, ба парваришгоҳи чорвои калон табдил ёфтааст.
 Хонандагони мактабҳои миёнаи ноҳияи Ашт низ ҳамасола бо як шавқу завқ интизори таътили тобистона мешаванд ва мехоҳанд рӯзҳои фароғати хешро дар урдугоҳи «Бободархон» гузаронанд. Бо гузашти солҳои зиёд лагери мазкур ба таъмири асосӣ ниёз дорад. Тавре Мақсуда Тоҳирова, раиси иттифоқи касабаи кормандони соҳаи маорифи ноҳияи Ашт, иттилоъ дод, дар мавсими имсола низ бо дарназардошти имконияти мавҷуда дар ду баст зиёда аз 120 нафарро қабул хоҳанд кард.
 Бино ба гузориши раиси Шӯрои федератсияи иттифоқҳои касабаи вилояти Суғд Ғафурӣ Тоҳир Шариф вазъи омодагии урдугоҳҳои «Чашма»-и шуъбаи маорифи ноҳияи Зафаробод, «Бодомча», «Эделвейс» дар ноҳияи Шаҳристон мувофиқи матлаб намебошад. Солҳои қаблӣ низ муносибати соҳибмулкон ба омодагии мавсими қабули наврасон дар ҳамин сатҳ буд, ки боиси нигаронист.
 Дар фарогирии васеи наврасону бачагон бо лагерҳо ҳоло марҳилаи дигар фаро расидааст. Акнун баробари хоби осудаву хӯроки бомаззаву хуштамъ, ба ташаккули ҷаҳонбинии васеи сиёсиву фарҳангӣ, ахлоқи онҳо таваҷҷуҳи бештаре зоҳир бояд шавад.
Аз ҷумла, бо назардошти пешравии илму техника дар фароғати бачагон тағйироти куллӣ, аз қабили барномаҳои махсуси фароғатии мусиқӣ - фарҳангӣ, варзишӣ, омӯзиши забонҳои хориҷӣ ҳатмист. Зеро ҳадафи асосӣ аз ин лагерҳо, қабл аз ҳама, инкишофи ҳаматарафаи ақливу зеҳнӣ ва маърифатист. Барои ин аз ҳама маъмултаринаш лагерҳои беруназмактабист, ки имсол дар вилояти Суғд ба 20 адад расонида мешавад.
 Имрӯз зарурате низ пайдо шудааст, ки ё дар сатҳи ҷумҳуриявӣ ва ё дар сатҳи худи лагерҳо, бо дарназардошти шароиту имкониятҳои мавҷуда барномаҳои махсуси будубоши таътилгирандагон таҳия гардад. Дар ҷараёни шиносоӣ аз омодагии чанд лагер муътақид гардидем, ки сарварон наметавонанд барномаеро аз фаъолияти солҳои қабливу имрӯз пешниҳод намоянд.
 Дар мавсими имсолаи таътил, лагерҳои вилояти Суғд наздики 100 ҳазор нафар наврасро дар оғӯш хоҳанд гирифт. Яъне агар дар мактабҳои таҳсилоти миёнаи умумии вилоят ба истиснои хатмкунандагон зиёда аз 470 ҳазор толибилмон бошад, пас шароит фароҳам омадааст, ки ҳамасола аз ҳар 4 хонанда 1 нафар имкони фароғат дар ин ё он лагерро пайдо кунад.
Дар маҷмӯъ ин ва масъалаҳои дигари вобаста ба фароғату истироҳати тобистонаи фарзандони ояндасози мо аз масъулони соҳа дар вилоят ҳисси бештари масъулият тақозо менамояд. Бо назардошти муҳимияти мавзӯи мазкур он ҳатман пайгирӣ хоҳад шуд.
Ҷовиди АШТӢ,  «Ҷумҳурият»


Баёни ақида (0)    Санаи нашр: 4.06.2016    №: 107    Мутолиа карданд: 716

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон

04.01.2019


Парвози чартерӣ дар масири Душанбе - Шарм-уш-шайх

ҶАҲОН ДАР ЯК САТР

Ҳалокати зани тоҷик ва се фарзандаш дар Магнитогорск

Ваколати нави намояндаи Тоҷикистон дар СҲШ

Аз Сурия баромадани артиши амрикоӣ оғоз ёфт

Зонди чинии "Чанъэ-4" дар Моҳ


Дар сомонаҳои дигари Тоҷикистон хонед